"დედა, მამა, ყველაზე ძალიან მიყვარხართ! მადლობა ყველაფრისთვის" - მარიამ მათიაშვილის ემოციური მიმართვა მშობლებს და მათთან ერთად შესრულებული ულამაზესი ცეკვა - Marao

"ქართული ეროვნული ბალეტი სუხიშვილების" სოლისტის, ქორეოგრაფი თეა დარჩიასა და გუჯა მათიაშვილის ოჯახს საზოგადოება კარგად იცნობს. თეამ სცენაზე 30 წელზე მეტი გაატარა და სხვადასხვა ქვეყნის მაყურებელს არაერთხელ აჩუქა დაუვიწყარი ემოციები და მოგონებები. დღეს კი მას საკუთარი სტუდია "თედასი" აქვს, სადაც პატარებს საკუთარ ცოდნასა და გამოცდილებას უზიარებს.

თეა დარჩიასა და გუჯა მათიაშვილს ოთხი შვილი - მარიამი, მირიანი, იოანა და გაბრიელი. გასული წლის ზაფხულში მირიანმა ბავშვობის სიყვარულზე, ელენე ბარამიძეზე იქორწინა. თეა დარჩია ამბობდა, რომ მირიანი და ელენე კლასელები იყვნენ: "ძალიან იოლი და მაგარია ჩემი რძლობაც და სიძეობაც" - აღნიშნავდა მაშინ მოცეკვავე.

სულ ცოტა ხნის წინ თეა დარჩიას უფროსმა ქალიშვილმა, მარიამ მათიაშვილმაც იქორწინა. მისი მეუღლე დავით თოფურიაა. ქორწილი ულამაზეს გარემოში, კაჭრეთის "ამბასადორში" შედგა. რადგან მარიამმა დედის გზა გააგრძელა და თავადაც "სუხიშვილების" მოცეკვავეა, ქორწილი სავსე იყო ქართული ცეკვით, მუსიკითა და გართობით. მარიამი სწორედ ქორწილში დედასთან და მამასთან ერთად შესრულებული ცეკვის კადრებს აქვეყნებს და წერს, რომ მათი მადლობელია: "დედა, მამა, ყველაზე ძალიან მიყვარხართ, ყველაფრისთვის მადლობა" - წერს მარიამ მათიაშვილი.