სამი საინტერესო მეცნიერული ფაქტი სიყვარულის შესახებ, რომლებიც, ალბათ, არ იცოდით - Marao

ჩვენ მიჩვეულები ვართ სიყვარულზე, როგორც საიდუმლოზე, გამოცანაზე, რაღაც ამოუხსნელსა და ადამიანის ცნობიერების მაკონტროლებელზე ფიქრს.  ფსიქიატრებსა და ფიზიოლოგებს ამ საკითხზე განსხვავებული მოსაზრება აქვთ - სიყვარულზე ბევრ კითხვაზე პასუხის გაცემა საკმაოდ მარტივი აღმოჩნდა რამდენიმე კვლევის ჩატარების შემდეგ.

გთავაზობთ რამდენიმე საინტერესო მეცნიერულ ფაქტს სიყვარულის შესახებ, რომლებიც, ალბათ, არ იცოდით.

სიყვარული აქვეითებს იმუნიტეტს - ალბათ, ყველამ იცის, რომ სიყვარული ტვინზე ნარკოტიკივით მოქმედებს, მაგრამ ეს ხდება, როგორც წესი, შეყვარების ძალიან ადრეულ ეტაპზე. გრძელვადიან ურთიერთობებში მუდმივად წარმოიქმნება სტრესის ჰორმონი კორტიზოლი. ჰარვარდის სამედიცინო სკოლის ფსიქიატრიის პროფესორმა რიჩარდ შვარცმა ეს საინტერესო ფაქტი კვლევის დროს დაადგინა. კორტიზოლის ქრონიკულად ამაღლებული დონე იწვევს იმუნიტეტის შესუსტებას და ართულებს ორგანიზმის ვირუსებთან ბრძოლის პროცესს. ამიტომ ყველა შეყვარებულს ვურჩევთ, იფიქრონ იმუნური სისტემის დამატებით გაძლიერებაზე - ეს ნამდვილად არ იქნება ზედმეტი.

შეყვარებულების გულებს ნამდვილად შეუძლიათ ერთ რიტმში მუშაობა - დიახ, გულების ერთიანად ცემა არ არის მხოლოდ ლამაზი ფრაზა. კალიფორნიის უნივერსიტეტის ერთ-ერთმა განყოფილებამ ჩაატარა კვლევა, რომელშიც მონაწილეობდნენ  ხანგრძლივ რომანტიკულ ურთიერთობებში მყოფი წყვილები. პარტნიორები ერთმანეთის საპირისპიროდ ისხდნენ დაახლოებით სამი მეტრის მანძილზე ისე, რომ ერთმანეთს არ შეხებოდნენ, მაგრამ თვალით კონტაქტის დამყარება შეეძლოთ. თვალის კონტაქტიდან რამდენიმე წუთში ორივეს გულისცემა (მთელი ამ ხნის განმავლობაში მკვლევარები აკონტროლებდნენ გულისცემას  აპარატის გამოყენებით) თითქმის მთლიანად სინქრონიზებული იყო. საინტერესოა, რომ მამაკაცის გულის რიტმი არ შეცვლილა, მაგრამ ქალის გულმა რამდენიმე წუთში შეძლო პარტნიორის გულისცემაზე „მორგება“.

პეპლები მუცელში ნამდვილად არსებობს, მაგრამ ისინი ჩნდება არა ბედნიერებისგან, არამედ - შიშისგან - თითოეულ ჩვენგანს ერთხელ მაინც უგრძნია მუცელში ოდნავი ჩხვლეტა, რომელსაც, ჩვეულებრივ, პოეტურად უწოდებენ "პეპლებს". ეს შეგრძნება ხშირად ჩნდება მაშინ, როცა თქვენი სასიყვარულო ინტერესის ობიექტი ახლოსაა, რის გამოც ხშირად გვჯერა, რომ პეპლები გამოწვეულია ბედნიერებით. სინამდვილეში, მუცელში ჩხვლეტის შეგრძნება გამოწვეულია ადრენალინის მომატებული დონის გამო, ჰორმონი, რომელიც გამოიყოფა თირკმელზედა ჯირკვლების მიერ საფრთხის საპასუხოდ. მსგავსი განცდა შეიძლება გაჩნდეს მნიშვნელოვანი გამოსვლის,  გამოცდის ან სხვა მოვლენის წინ, რომლის დროსაც თქვენ ნერვიულობთ და დაძაბული ხართ. ასე რომ, თუ თქვენი პარტნიორი ახლოს არის, მაგრამ არ არის „პეპლები“, ეს კარგის ნიშანია: ეს ნიშნავს, რომ ამ ურთიერთობაში კომფორტულად და მშვიდად ხართ.