შოუ დემნას დედამ გახსნა, მეუღლემ კი - დახურა - Balenciaga-ს ხმაურიანი შოუ, გურამ გვასალიას სკანდალური განცხადება ძმაზე და სტუმრად ლელა წურწუმია - Marao

Balenciaga-მ, რომლის კრეატიული დირექტორი ქართველი დიზაინერი დემნა გვასალიაა, პარიზში 2024 წლის გა­ზა­ფხუ­ლი-ზა­ფხუ­ლის კო­ლექ­ცია წა­რად­გი­ნა, თუმცა განსხვავებული სილუეტებისა თუ შთამბეჭდავი შოუს მიღმა ეს ფაქტი სხვა არაერთი ასპექტითაც საინტერესო იყო. 

შოუ სცენაზე გაიმართა. მუსიკალურ გაფორმებაზე, ტრადიციულად, დემნას მეუღლემ, ლოიკ გომესმა იზრუნა. თუმცა ეს მისი ერთადერთი ფუნქცია არ ყოფილა - საქორწინო კაბაში გამოწყობილმა ლოიკმა ჩვენებაც დახურა. 

ჩვენება გამორჩეული იყო იმითაც, რომ ის დიზაინერის დედამ გახსნა. ამ ფაქტს კი სოციალურ ქსელში დემნას ძმა, ასევე დიზაინერი, VETEMENTS-ის კრეატიული დირექტორი გურამ გვასალია გამოეხმაურა: 

"ვა­მა­ყობ, რომ Balenciaga-ს შოუ დე­და­ჩემ­მა გახ­სნა. ძა­ლი­ან სამ­წუ­ხა­როა, რომ ჩვე­ნე­ბა­ზე არ მი­მიწ­ვი­ეს. ვლო­ცუ­ლობ ჩემი ძმის სუ­ლის­თვის. ღმერ­თმა და­ლო­ცოს იგი" - წერს გუ­რამ გვა­სა­ლია. 

„ჩემი ძმა ექვსი წლით უფროსია. როცა მეორე კლასში ვიყავი, ის მერვეში იყო. შესაბამისად, ცხოვრებაში გარკვეული შესაძლებლობები ჩემზე ადრე მიიღო. მაგრამ თუ გავითვალისწინებთ, სად ვარ მე დღეს და სად იყო ჩემი ძმა ჩემს ასაკში, მგონია, რომ ბევრად უფრო მოწინავე ვარ“ - ამბობდა გურამ გვასალია ძმაზე The New York Times-სთან ინტერვიუში. რომ არა ეს ინტერვიუ, ძმებს შორის გაუგებრობა ისედაც ცხადი იქნებოდა, რადგან გურამი ხშირად აქვეყნებს საკუთარ "ინსტაგრამზე" "მინიშნებებს", რომ უფროს ძმასთან კარგი ურთიერთობა არ აქვს. 

ქართველებისთვის სიურპრიზი იყო ისიც, რომ დემნა გვასალიას შოუს ქართველი მომღერალი ლელა წურწუმიაც დაესწრო. სოციალურ ქსელში წერენ, რომ როცა დემნას  საქართველოს ნოსტალგია აქვს, ლელა წურწუმიას სიმღერებს უსმენს. მათი შეხვედრის კადრებს "ინსტაგრამზე" დიდი გამოხმაურება მოჰყვა.