„ღვთაებრივი კომედია“, „ხანუმა“, „ჭინჭრაქა“, „კავკასიური ცარცის წრე“, „რიჩარდ III“, „ჯაყოს ხიზნები“… ეს იმ სპექტაკლების მცირე ჩამონათვალია, რომლებშიც ნანა ფაჩუაშვილმა კარიერის დაწყებიდან დღემდე ითამაშა. მდიდარია მისი ფილმოგრაფიაც - სხვადასხვა დროს მთავარი თუ მეორეხარისხოვანი როლი არაერთ ცნობილ ფილმში შეასრულა. მსახიობი ამჯერად თეატრისა და მისი საქმისადმი დიდ სიყვარულზე საუბრობს:
"ფანატიკურად მიყვარდა ჩემი საქმე. თეატრი იოლი რამ არ არის. ჩემი თაობიდან სულ მარტო დავრჩი - თეატრში პარტნიორი აღარ მყავს. ეს ძალიან დასანანია. ზოგი ვერ უძლებს იმ კანონებსა და ატმოსფეროს, რაც თეატრშია" - ამბობს მსახიობი.