"ვინც ამბობს, რომ ზედმეტი მომდის, მანახონ, სად არის ზედმეტი?! მე ძალიან მომწონს ჩემი საბოლოო შედეგი" - ნანუკა ჟორჟოლიანი - Marao

ნანუკა ჟორჟოლიანს საქართველოში ბევრი იცნობს. ის უკვე წლებია, რაც ტელეეკრანებზე აქტიურად ჩანს და სოციალურ ქსელშიც ხშირად აზიარებს საკუთარ ფოტოებს. ნანუკა არც პირად ცხოვრებასა და საკუთარ პრობლემებზე ღიად საუბარს ერიდება და გულშემატკივრების მხრიდან ყოველთვის დიდ მხარდაჭერას იღებს.

ამჯერად ნანუკა "ინსტაგრამზე" ახალ ვიდეოს აქვეყნებს, სადაც ამბობს, რომ საკუთარი ინიექციური პროცედურებითა და კოსმეტოლოგიური ჩარევებით კმაყოფილია: "ვინც ამბობს, რომ ზედმეტი მომდის, მანახონ, სად არის ზედმეტი?! არის თუ არა ეს იდეალური მოცულობა?! მე ძალიან მომწონს ჩემი საბოლოო შედეგი" - ამბობს ნანუკა.