"11 წელი, როგორც ოჯახი" - გიგი დედალამაზიშვილი და მარინა კარპი ქორწინების იუბილეს აღნიშნავენ: როგორია მათი ოჯახური ტრადიცია - Marao

მუსიკოსს, ჯგუფ „მგზავრების“ სოლისტს, გიგი დედალამაზიშვილს, საზოგადოება უკვე წლებია, კარგად იცნობს. გიგიმ მოკლე დროში შეძლო საზოგადოებისთვის თავის შეყვარება და მისი გულშემატკივრების რიცხვი ყოველდღე უფრო და უფრო იზრდება. გარდა გიგი დედალამაზიშვილის კარიერული წარმატებისა, საზოგადოების განსაკუთრებულ ყურადღებას მისი პირადი ცხოვრებაც იმსახურებს.

მომღერლის მეუღლე უკრაინელი ფოტოგრაფი მარინა კარპია. მათ ორი შვილი ჰყავთ. „მარინას რომ შევხვდი, რაღაცნაირად მივხვდი, რომ ჩემი ადამიანი ვიპოვე და ერთმანეთისთვის ვიყავით დაბადებული. ბავშვი იყო და დიდს ჰგავდა. მივხვდი, რომ ვეძებდი ისეთ ქალს, როგორიც მარინაა. ძალიან მიხარია, რომ ერთმანეთი ვიპოვეთ”, – ამბობდა გიგი დედალამაზიშვილი.

ამჯერად გიგი სწორედ მეუღლესთან და შვილებთან ერთად გადაღებულ ფოტოებს აქვეყნებს. ისინი ქორწინების 11 წლის თავს აღნიშნავენ. გიგი და მისი მეუღლე ამ დღეს ერთსა და იმავე ადგილას მსგავს ფოტოს იღებენ.