„40 წელი ადრე მეგონა ცხოვრების დასასრული და თურმე დასაწყისი ყოფილა" - რას წერს ნანუკა გულუა განვლილი ცხოვრებისა და წლების მატების შესახებ - Marao

მსახიობი და ტელეწამყვანი ნანუკა გულუა სოციალურ ქსელში დიდი აქტიურობით გამოირჩევა და გამომწერებს ფოტოებს ხშირად უზიარებს. იგი საზოგადოებამ სერიალ "ჩემი ცოლის დაქალებიდან" გაიცნო. ნანუკასა და მის მეუღლეს, კახაბერ კაშიას, სულ ცოტა ხნის წინ გოგონა შეეძინათ.

ნანუკა, რომელიც ცოტა ხნის წინ იუბილარი იყო, სოციალურ ქსელში სტატუსს აქვეყნებს და წერს, რომ 40 წელი ცხოვრების დასაწყისი ყოფილა: 

„40 წელი ადრე მეგონა ცხოვრების დასასრული და თურმე დასაწყისი ყოფილა: ზუგდიდში ყოველთვის პოპულარული ბავშვი ვიყავი. ახლა რომ ვფიქრობ, ენერგეტიკა იყო ის, რაც ასე იზიდავდა ადამიანებს ჩემში…სულ ნანუკა, ნანუკა ისმოდა გარშემო – უფრო სწორად, ნანული, ნანული... ამ ყურადღებაში და სითბოში ვიყავი ყველგან: სახლში, უბანში, სკოლაში, წრეებზე… სულ საჭირო მეგობრებისთვის და სულ გამხალისებელი თავშეყრებში, გაზულუქებული ამდენი სიყვარულით, ჩამოვედი დედაქალაქში და აქაც მალევე შემიყვარეს უბანშიც, სტუდენტობის მეგობრებმა თუ ახალმა ნაცნობებმა… ყველგან უკვე ისმოდა ნანუკა… მერე ქეთი დევდარიანი გამოჩნდა და ზღაპრად აქცია ჩემი ყოველდღიურობა - პატარა პუბლიკიდან ყველა შემხვედრი მესიყვარულება… მერე ღმერთმა კახათი დამაჯილდოვა, დიდხანს მაკვირდებოდა ისე... მერე ნინათი, რომელიც სამყაროში ყველაზე დიდი ჯილდოა, მალე მეორე შვილი მომცემს კიდევ უფრო გაუსაძლის ბედნიერებას, საოცნებო სამსახური, სადაც ყველაფერი და ყველა ჩემი ბედნიერებისთვისაა მომართული, ჩემი სუპერძალა - მეგობრები და ჩემი ოჯახი, რომლისთვისაც ყოველთვის მცირეა ჩემი წარმატება. არც განსაკუთრებული ნიჭი მაქვს, არც ჟიზელი ვარ და არც სექსბომბა, მხოლოდ შემიძლია ვთქვა, ვარ კეთილი და ამიტომ ხდება ყველაფერი… არასოდეს მიღალატია, არასოდეს შემშურებია… წარმატების ფორმულაც შევქმენი... მიყვარხართ, დიდი მადლობა ჩემი დაბადების დღის გაფერადებისთვის“ – წერს ნანუკა გულუა.