"ჩემთვის პრიორიტეტი ყოველთვის ოჯახი იყო" - გვანცა დარასელია ოჯახურ კადრებს გვიზიარებს - Marao
"ჩემთვის პრიორიტეტი ყოველთვის ოჯახი იყო" - გვანცა დარასელიას ოჯახური კადრები ჩეხეთიდან
გვანცა დარასელია უკვე არაერთი წელია აქტიურად ჩანს ტელეეკრანებზე და არაერთი გადაცემის, გასართობი შოუსა თუ გათამაშების წამყვანის ამპლუა მოირგო, ადრეულ წლებში კი მას სამოდელო კარიერა ჰქონდა.
გვანცა დარასელიას დედა, ნატო ღეჩუაშვილი, სამედიცინო სფეროს წარმომადგენელია. ის პროფესიით რადიოლოგია და უკვე მრავალი წელია, წერს ლექსებს. ნატო ღეჩუაშვილმა საკუთარი ლექსების კრებულიც გამოსცა.
"დედა იყო ჩემთვის გეზის მიმცემი და, შემიძლია ვთქვა, ჩემი მამოძრავებელი ძალა. ყოველთვის მეუბნებოდა, მეტი შეგიძლია, ის შესაძლებლობები მე რომ მქონოდა, უფრო მეტს მივაღწევდიო. დიდი სტიმულია ჩემთვის დედა, ყოველთვის ვითვალისწინებ მის რჩევებს, მაგრამ გადაწყვეტილებას მე ვიღებ და ამისთვის დიდი მადლობა მას. მან ჩამომიყალიბა უნარები და მომცა თავისუფლება თუნდაც რადიკალური გადაწყვეტილების მიღებისა" - ამბობდა გვანცა.
გვანცა დარასელია პირადი ცხოვრების ამსახველ კადრებს გამომწერებს ხშირად უზიარებს და საკუთარი ცხოვრების წესზე კამერების წინაც არაერთხელ უსაუბრია. გვანცა შვილებთან და მეუღლესთან ერთად მცხეთაში ცხოვრობს და საკმაოდ აქტიური ცხოვრებითაა დაკავებული, თუმცა, როგორც თავად ამბობს, დასვენებისთვის დრო ყოველთვის რჩება.
"ჩემთვის პრიორიტეტული ყოველთვის ოჯახი იყო და შემდეგ – ყველაფერი დანარჩენი. ყოველთვის ყველაფერს ისე ვგეგმავ, რომ შვილებსა და მეუღლეს ყურადღება არ მოვაკლო.
ბავშვები რაც უფრო იზრდებიან, მეტი ყურადღება და მეგობრობა სჭირდებათ მშობლებისგან. არის რაღაცები, როცა უპირობოდ მათ გვერდით ვარ, ყველაფერს ვუსრულებ.
გარეგნულად ბიჭი უფრო მგავს, მაგრამ ამბობენ, რომ გოგო ძალიან მგავს მიზანდასახულობით, სპორტულობითა და ნიჭით. ორივე ძალიან გონიერია. კარგი ადამიანები არიან, რაც ძალიან მახარებს. ორივეს აქვს ზრუნვის საოცარი უნარი. როდესაც ემპათიური ხარ ბავშვობიდან, ესე იგი, კარგი ადამიანი ხარ. როგორც ამბობენ, მეც 4 წლის ასაკში ვისწავლე წერა-კითხვა, როგორც ლილემ. ერეკლეს მათემატიკური ტვინი აქვს, ჭადრაკს და ფეხბურთს თამაშობს. ყველანაირად ვცდილობ, ხელი შევუწყო საკუთარი ინტერესების გამოვლინებაში" - ამბობდა გვანცა ერთ-ერთ ინტერვიუში. ამჯერად კი სწორედ ოჯახთან ერთად გადაღებულ კადრებს გვიზიარებს.
