„დიდებული საუკუნის“ კვალდაკვალ. როგორი იყო რეალური ცხოვრება ჰარამხანაში - Marao

"დიდებული საუკუნე" ერთ-ერთი ყველაზე პოპულარული თურქული სერიალია. ამაღელვებელი სიყვარულის ისტორია, მშვენიერი პეიზაჟები და კოსტიუმები, მთელი დინასტიის ბედზე მოგვითხრობს. სერიალს ისტორიულს უწოდებენ, თუმცა ბევრმა კრიტიკოსმა აღნიშნა ფაქტების დამახინჯება. 

სიუჟეტი ეძღვნება უკრაინელი ხარჭის ბედს. ეს არის ისტორია ოსმალეთის იმპერიის ყველაზე გავლენიანი და ძლიერი ქალის შესახებ. როგორც უბრალო ხარჭამ, მან მოახერხა სულთან სულეიმანის სიყვარულის მოპოვება და მისი კანონიერი ცოლი გახდა.

ინტრიგა, ცილისწამება, ტყუილი, ეშმაკობა, მექრთამეობა, მკვლელობა - ალექსანდრა ანასტასია ლისოვკამ ყველაფერი გამოიყენა მიზნის მისაღწევად. 

ქართველი ვალიდე სულთნების ხანა ოსმალეთის იმპერიაში - ვინ იყო “შაჰის მზეს” და სულთნის დედებს შორის ყველაზე ქველმოქმედი ქალი? 

ვინ არის ქოსემ სულთანი, რომელსაც ოსმალეთის იმპერიაში ყველაზე ძლიერ ქალად მოიხსენიებენ 

ქალთა სამეფო

სულთნის გარდა ჰარემში სხვა მამაკაცს შესვლის უფლება არ ჰქონდა. სიტყვა "ჰარამი" არაბულად ნიშნავს "აკრძალულს". ოსმალეთის იმპერიის დროს იქ ცხოვრობდნენ ცოლები, მცირეწლოვანი ბავშვები, ხარჭები, მონები, სულთნის მრავალი ნათესავი, აგრეთვე საჭურისები, რომლებიც მათ ემსახურებოდნენ და ასრულებდნენ მცველების როლს. ჰარემს განსაკუთრებული ეტიკეტი და წესები გააჩნდა. თითოეულ მათგანს მკაცრი იერარქია ჰქონდა. 

დიდი ჰარემი ათასზე მეტ ხარჭას ითვლიდა. გინესის რეკორდების წიგნის მიხედვით, მსოფლიოში ყველაზე დიდი ჰარემი სტამბოლში მდებარე ტოპკაპის დიდი ზამთრის ჰარემი იყო, რომელიც 400 ოთახისგან შედგებოდა. იგი აშენდა ჯერ კიდევ 1589 წელს. მეოცე საუკუნის დასაწყისში, 1909 წელს სულთან აბდულ ჰამიდ II-ის ჩამოგდების დროისთვის, მცხოვრებთა რაოდენობა საგრძნობლად შემცირდა - 1200-დან 370 ხარჭამდე.

აგენტები მონების აუქციონებზე ლამაზმანებისთვის უზარმაზარ თანხებს იხდიდნენ. მათ მოვლაზე უზარმაზარი თანხები იხარჯებოდა.

ჰარემის მთავარი და ხშირად ერთადერთი სტუმარი იყო ქმარი, სახლის პატრონი. სულთნის პალატების მცველს, ვაზირს, აგრეთვე საჭურისებსაც ჰქონდათ იქ შესვლის უფლება. 

"ქალი სამეფოს" მკვიდრთა ცხოვრება არ შემოიფარგლებოდა სასახლის კედლებით. ჰარემის ბევრ ლამაზმანს შეეძლო ნათესავების მონახულება და ქალაქში გასვლა (რა თქმა უნდა, თანხლებით).

ოსმალეთის იმპერიის ისტორიაში პირველი მონა, რომელიც სულთანმა ოფიციალურად მიიღო ცოლად, იყო ჰურემ სულთანი.

სიმართლე და ფიქცია

სულეიმანის ჰარამხანაში ჰურემის გამოჩენის ამბავი სწორად არის მოთხრობილი. ის რეალურად ბაზარში იბრაჰიმ ფაშაm იყიდა და სულეიმანს გადასცა საჩუქრად. იმ დროს გოგონა 14 წლის იყო. ჰარემისთვის განკუთვნილ ყველა ხარჭას ასწავლიდნენ თურქულ ენას, მუსიკას, ცეკვას, პოეზიას და ხელსაქმეს. სხვა სარწმუნოების ქალებს, როგორც ეს მოხდა როქსოლანასთან, უნდა მიეღოთ მუსლიმანური რწმენა. სიყვარულისა და სექსუალური სიბრძნის მეცნიერებას დიდი გამოცდილების მქონე ქალბატონები ასწავლიდნენ - სპეციალურად დაქირავებული მენტორები ან, მაგალითად, სულთნის ნათესავები.

ჰარემში თითოეულ ქალს ჰქონდა საკუთარი სტატუსი, უფლებები და მოვალეობები. მისი სტატუსიდან გამომდინარე განისაზღვრა ხელფასის ოდენობა, მისთვის გამოყოფილი პალატებისა და მოსამსახურეების რაოდენობა და გარკვეული თანამდებობის დაკავების უფლება. 

შემორჩენილია იმდროინდელი ვენეციის ელჩის მოგონებები. ის წერს, რომ ალექსანდრა ანასტასია ლისოვსკა საერთოდ არ ყოფილა ლამაზი. "დიდებულ საუკუნეში" ჰურემი უბრალოდ მშვენიერია. მკვლევრები ადასტურებენ, რომ ჰარემში გამოჩენის შემდეგ სულთანმა სულეიმანმა შეწყვიტა სხვა ქალებთან ღამის გატარება.

XXI საუკუნის ჰარამხანები

სტატისტიკის მიხედვით, პაკისტანში, იორდანიაში, იემენში, სირიაში, მადაგასკარში, ირანში, ერაყსა და აფრიკის ზოგიერთ ქვეყანაში ქალების 40%-ზე მეტი ცხოვრობს პოლიგამიურ ქორწინებაში.

ერთ-ერთი უდიდესი ჰარემის მფლობელი იყო ერაყის ყოფილი პრეზიდენტი სადამ ჰუსეინი - ზოგიერთი წყაროს თანახმად, მას დაახლოებით ხუთასი ხარჭა ჰყავდა. და ჩვენი დროის ერთ-ერთი უმდიდრესი მამაკაცის ჰარემში - ბრუნეის სულთანი - დაახლოებით შვიდასი ქალია. ძალიან ხშირად, სულთნის ჰარემში ევროპელი ქალები ხვდებიან. 2000 წელს კი, სირიის ყოფილი პრეზიდენტის ჰაფეზ ალ-ასადის გარდაცვალების შემდეგ, აღმოჩნდა, რომ მის 40 ხარჭას შორის არც ერთი არაბი გოგონა არ იყო - როგორც ევროპული პრესა წერდა, მათ შორის იყვნენ გერმანელები, შვედები და ფრანგები.