რა საიდუმლოს ინახავს ჯეკი კენედის ვარდისფერი კოსტიუმი, რომელიც მას ქმრის მკვლელობის დღეს ეცვა - Marao

ყოველდღიურად ათასობით ადამიანი სტუმრობს აშშ-ის ეროვნული არქივის შენობას ვაშინგტონში. ისინი აქ მოდიან ამერიკის ისტორიის სამი ყველაზე მნიშვნელოვანი დოკუმენტის სანახავად - დამოუკიდებლობის დეკლარაცია, კონსტიტუცია და უფლებათა კანონპროექტი, მაგრამ მუზეუმში განთავსებულია კიდევ ერთი თანაბრად მნიშვნელოვანი ექსპონატი, რომელიც გახდა როგორც ადამიანის სიცოცხლის, ისე სისუსტის სიმბოლო, სიყვარულის უკვდავება. საუბარია ვარდისფერ კოსტიუმზე, რომელიც ჟაკლინ კენედის ეცვა ზუსტად 60 წლის წინ - 1963 წლის 22 ნოემბერს - იმ დღეს, როცა მისი ქმარი, აშშ-ის 35-ე პრეზიდენტი ჯონ ფიცჯერალდ კენედი მოკლეს.

რატომ ჰქონდა ჟაკლინ კენედის საკუთარ დასთან რთული ურთიერთობა: ლი რაჯივილი - ამერიკის პირველი ლედის დის ისტორია 

ვინ იყო ჯონ კენედის უფროსი და, რომლის არსებობასაც ოჯახი წლების მანძილზე მალავდა 

თუმცა, ამ დროისთვის შეუძლებელია სისხლიანი სამოსის დანახვა: 2003 წელს ჟაკლინ კაროლინ კენედის ქალიშვილმა ხელი მოაწერა დოკუმენტს, რომლის მიხედვითაც სამოსი საჯაროდ კიდევ 100 წელი მაინც არ გამოიფინებოდა. ეს ყველაფერი 1963 წლის 22 ნოემბერს მოხდა. დილით, ჯონ კენედი და მისი მეუღლე დალასში ჩავიდნენ, რათა საარჩევნო კამპანიის ფარგლებში რამდენიმე შეხვედრა გაემართათ. იმ დროისთვის ის უკვე ამერიკელების ფავორიტი და აღიარებული სტილის ხატი იყო.

მოდა ყოველთვის იყო ჯეკი კენედის კიდევ გატაცება: ის აღმერთებდა ლამაზ ნივთებს და მათზე ზღაპრულ თანხებს ხარჯავდა. საჯარო გამოსვლების არჩევისას, პრეზიდენტის ცოლი ყოველთვის მიმართავდა მის მუდმივ სტილისტს ოლეგ კასინს, მაგრამ 1963 წლის 22 ნოემბერს მისთვის სამოსი ქმარმა აარჩია. ჯონმა ჯეკის სთხოვა ჩაეცვა მისი ერთ-ერთი საყვარელი კოსტიუმი - ნათელი და ამავდროულად ელეგანტური.

სწორედ ამ კოსტიუმში სწორი ქვედაკაბით, მოკლე ქურთუკითა და ქუდით ჟაკლინ კენედი თვითმფრინავიდან გადმოვიდა 22 ნოემბერს და ქმართან ერთად კაბრიოლეტით დაჯდა. მანქანა მთავარ ქუჩაზე დაიძრა, შევიდა Dealey Plaza-ში, შეუხვია ჰიუსტონის ქუჩაზე - ყველგან პრეზიდენტს ენთუზიაზმით სავსე ხალხი ხვდებოდა.

გახარებული ხალხის დანახვისას, ტეხასის პირველი ლედი ნელი კონალი მიუბრუნდა კენედის და უთხრა: „ბატონო პრეზიდენტო, უნდა დამეთანხმო, რომ დალასს უყვარხარ. ჯონმა თავი დაუქნია და რამდენიმე წუთის შემდეგ სროლის ხმა გაისმა. ჯეკი, რომელსაც ვერაფერი გაეგო, მიუახლოვდა ქმარს და აღმოჩნდა, რომ ის სისხლისგან იცლებოდა. ინციდენტის შემდეგ, ჟაკლინს სთხოვეს ტანსაცმლის გამოცვლა, მაგრამ მან კატეგორიულად უარი თქვა ვარდისფერი კოსტიუმის გახდაზე და თქვა: ”მინდა ნახონ, რა გაუკეთეს ჯონს”. 

„ქალბატონი კენედის სისხლით შეღებილ კაბას დავხედე. ერთი ფეხი თითქმის მთლიანად სისხლით იყო დასვრილი მარჯვენა ხელთათმანი კი დაფარული, სისხლით დაფარული - ქმრის სისხლით. ნებისმიერ შემთხვევაში, ეს იყო მტკივნეული სანახაობა - უმწიკვლო ქალი, ლამაზად ჩაცმული და სისხლით შეღებილი“, - იხსენებს ჯონსონის მეუღლე.ერთ დღეს ჯეკიმ გადაწყვიტა სამუდამოდ მოეშორებინა ტანსაცმელი. და ის ჯანეტ ოჩინკლოსს გაუგზავნა, რომელმაც იგი გადასცა ეროვნული არქივისა და ჩანაწერების ადმინისტრაციას - ყველაფერი ქუდისა და ხელთათმანების გარდა, რომელიც უკვალოდ გაქრა. ახლა ნაკრები ინახება სპეციალურ კონტეინერში ტემპერატურისა და ტენიანობის განსაკუთრებული პირობების შენარჩუნებით. მუზეუმის მუშაკების თქმით, ის ზუსტად ისე გამოიყურება, როგორც პრეზიდენტის გარდაცვალების დღეს, მაგრამ ჩვეულებრივი მას ხალხი 2103 წლამდე ვერ ნახავს.