ბრედ პიტი დაიღალა სკანდალებით: მსახიობი შვილის ბრალდებებს უარყოფს - Marao

დრამა ჯოლისა და პიტის ოჯახში გრძელდება. მიუხედავად იმისა, რომ მსახიობების პირადი გზები დიდი ხანია არ გადაკვეთილა, ისინი მაინც აგრძელებენ შვილების მეურვეობის მოთხოვნით სასამართლოში სიარულს და, როგორც ჩანს, ანჯელინა იგებს ამ სასტიკ ბრძოლას.

ამის დასტურია ის ფაქტი, რომ მსახიობების შვილები თანდათან იწყებენ მამის წაშლას ცხოვრებიდან. მაგალითად, ზაჰარა თავის ახალ ნაცნობებს უბრალოდ ზაჰარა ჯოლის სახელით ეცნობა, თუმცა აქამდე მისი გვარი ჯოლი-პიტი იყო. შაილო კი ცდილობს რაც შეიძლება ნაკლებად მოიხსენიოს თავისი ცნობილი მამა, მაგრამ ადრე მას მსახიობის ყველაზე საყვარელ ქალიშვილს ეძახდნენ.

თუმცა, როგორც ჩანს, სწორედ მისი ვაჟი პაქსი იყო პირველი, ვინც ბრედ პიტის წინააღმდეგ დაიწყო ბრძოლა. ახლახან ინტერნეტმა გაიხსენა მისი 2020 წლით დათარიღებული პოსტი. მასში, მაშინ 16 წლის ბიჭმა თავის მშვილებელ მამას "მსოფლიო კლასის ნაბიჭვარი" და "საშინელი და საზიზღარი ადამიანი" უწოდა. 

2016 წელს გაჩნდა ჭორები, რომ ჯოლისა და პიტს შორის კერძო თვითმფრინავში მომხდარი ჩხუბის დროს მსახიობმა ბევრი ალკოჰოლი მიიღო და დაიწყო ოჯახზე თავდასხმა. მან ჯოლი სცემა, ერთი ვაჟის დახრჩობა სცადა, მეორეს კი მუშტი დაარტყა სახეში. 

The Sun-ის ინსაიდერები აღნიშნავენ, რომ მიუხედავად იმისა, რომ ბრედს აწუხებს შვილების მსგავსი დამოკიდებულება, ის არ აპირებს რაიმე საჯარო განცხადების გაკეთებას, პატივს სცემს როგორც შვილებს, ასევე ყოფილ მეუღლეს და სურს დისტანცირება მოახდინოს კონფლიქტებისგან, რათა ახალი ცხოვრება დაიწყოს.

ახლა ბრედ პიტი ცდილობს რაც შეიძლება ნაკლები ყურადღება მიაქციოს ოჯახურ სკანდალებს. მრავალი წლის განმავლობაში პირველად გრძნობს თავს ჭეშმარიტად ბედნიერად და ტკბება რომანით ფიტნეს ტრენერ ინეს დე რამონთან.