"საოცარი სილამაზე... თოვლის ანგელოზები" - ხატია ბუნიათიშვილი ოჯახურ კადრებს აქვეყნებს - Marao

ხატია ბუნიათიშვილმა ფორტეპიანოზე დაკვრა 6 წლის ასაკში დაიწყო, დღეს კი მსოფლიოში ერთ-ერთი წამყვანი და ყველაზე პოპულარული პიანისტია. 

ხატიას კარიერისა თუ პირადი ცხოვრების მიმართ ინტერესი კი მუდმივად არსებობს.

ვინ არის ხატია ბუნიათიშვილის რჩეული - პიანისტი მეორე ნახევარსა და შვილთან ერთად გადაღებულ ფოტოს აქვეყნებს 

14 თებერვალს, სიყვარულის დღეს, ქართველმა პიანისტმა ხატია ბუნიათიშვილმა სოციალურ ქსელში ფოტო გამოაქვეყნა და გამომწერებს გაუმხილა, რომ ის ორსულად იყო. 7 ივნისს კი მან პატარას პირველი ფოტო გამოაქვეყნა. "ჩვენი ცხოვრების სიყვარული დაიბადა" - დაწერა ხატიამ. "შვეიცარიაში დაიბადა, შარლოტი დავარქვით" - თქვა ხატიას დედამ, ნატალი ბუნიათიშვილმა.

ვინ არის ხატია ბუნიათიშვილის რჩეული, ამაზე პიანისტი საჯაროდ არ საუბრობს, თუმცა პარტნიორთან ერთად გადაღებული ოჯახური კადრები გამოაქვეყნა და გულშემატკივრების მოწონებაც დაიმსახურა: "მადლობა, მიყვარხარ“ - წერდა ის.

"დედა, მამა და პატარა შარლოტი" - ხატია ბუნიათიშვილი მეუღლესა და შვილთან ერთად გადაღებულ ოჯახურ კადრებს აქვეყნებს 

ამჯერად კი ხატია შვილთან ერთად გადაღებულ ფოტოებს აქვეყნებს. დედა-შვილი თოვლში პოზირებს. 

ხატიას 1999 წლიდან არაერთი კონცერტი გაუმართავს ავსტრიაში, შვეიცარიაში, საფრანგეთში, იტალიაში, გერმანიაში, ბელგიაში, პოლონეთში, ჩეხეთში, დანიაში, უკრაინაში, ისრაელსა და აშშ-ში. მისი კონცერტები იმართებოდა ისეთ ცნობილ დარბაზებში, როგორებიცაა: კარნეგი-ჰოლი (ნიუ-იორკი), პარიზის შანზ-ელიზეს თეატრი, ლუვრის აუდიტორიუმში, მუსიკის ნორმალური სკოლა (ფრანგ. École normale de musique de Paris, გავოს დარბაზი, ვენის კონცერტჰაუსი და დარბაზი Musikverein-ი, მონაკოს ოპერა, სანქტ-პეტერბურგის ფილარმონიის დიდი დარბაზი, თბილისის ოპერისა და ბალეტის თეატრი და სხვა.

ხატია მონაწილეობდა ისეთ მნიშვნელოვან ფესტივალებში, როგორებიცაა: Verbier Festival, Progetto Martha Argerich, Menuhin Festival Gstaad, Sommets Musicaux de Gstaad, Musicales de Compesières“ (შვეიცარია), გიდონ კრემერის Internationales Kammermusikfest Lockenhaus-ი (ავსტრია), საერთაშორისო მუსიკალური Elba isola musicale d’Europa — იტალია (თავმჯდომარე იური ბაშმეტი), Les nouveaux Solistes aux Serres d’Auteuil-ი (პარიზი), Chamber Music Connect the World 2008 — კრონბერგ აკადემია (გერმანია), „შემოდგომის თბილისი“, Musical Olympus International Festival-ი, სანქტ-პეტერბურგი და სხვა.

"ზღაპრული, ნიჭიერი და გამორჩეული დები" - მსოფლიოს წამყვანი კლასიკური მუსიკის არხი ქართველი პიანისტის, ხატია ბუნიათიშვილისა და მისი დის, გვანცას ვიდეოს აქვეყნებს 

ხატია ასრულებდა სხვადასხვა სიმფონიურ ორკესტრთან ერთად (UBS ვერბიე ფესტივალის, ისრაელისა და სანქტ-პეტერბურგის ფილარმონიული, არტურ რუბინსტეინის ფილარმონიული, საქართველოს ეროვნული სიმფონიური ორკესტრები).

ხატია ბუნიათიშვილი რამდენიმე საერთაშორისო კონკურსის ლაურეატია. მათ შორის მნიშვნელოვანია: პიანისტთა თბილისის III საერთაშორისო კონკურსი (II პრემია და სპეციალური პრიზი „არტისტიზმისათვის“, 2005, თბილისი); არტურ რუბინშტეინის სახელობის XII საერთაშორისო საფორტეპიანო კონკურსი (III პრემია და სპეციალური პრიზები: „შოპენის ნაწარმოების საუკეთესო შესრულებისათვის“ და „მსმენელის სიმპატია“, 2008, თელ-ავივი).

2004 წელს თბილისის ზაქარია ფალიაშვილის სახელობის ცენტრალური სამუსიკო სკოლის დამთავრების შემდეგ სწავლა განაგრძო ვანო სარაჯიშვილის სახელობის სახელმწიფო კონსერვატორიაში (პროფ. თენგიზ ამირეჯიბი). ამჟამად ხატია ბუნიათიშვილი ვენის მუსიკისა და საშემსრულებლო ხელოვნების უნივერსიტეტის სტუდენტია (პროფ. ოლეგ მაიზენბერგი).