"ემოციების ზღვა მაქვს... ეს ჩემი ოცნების ასრულებაა და მინდა ყველას ვუთხრა: არასოდეს დანებდეთ! რამდენიმე წლის წინ ამაზე ვერც ვიოცნებებდი" - რას ჰყვება თაკო ტაბატაძე კარიერულ წარმატებაზე - Marao
"ემოციების ზღვა მაქვს... ეს ჩემი ოცნების ასრულებაა და მინდა ყველას ვუთხრა: არასოდეს დანებდეთ! რამდენიმე წლის წინ ამაზე ვერც ვიოცნებებდი" - რას ჰყვება თაკო ტაბატაძე კარიერულ წარმატებაზე
ერთი წლის წინ ცნობილი გახდა, რომ თაკო ტაბატაძე და გია ბაღაშვილი ერთმანეთს დაშორდნენ. წყვილმა 2009 წელს იქორწინა. იმჟამად თაკო 17 წლის იყო და მიუხედავად იმისა, რომ მათ შორის 20-წლიანი ასაკობრივი სხვაობა იყო, წყვილი ბედნიერად გრძნობდა თავს.
10-წლიანი თანაცხოვრებისა და ოთხი გოგონას დაბადების შემდეგ ოჯახი დაინგრა და ახლა ცალ-ცალკე ცხოვრობენ. თაკოს 4 შვილის დედობა წარმატებულ სამსახიობო კარიერაში ხელს არ უშლის. ქართველი მსახიობი ბოლო წლებში რამდენიმე უცხოურ ფილმში გადაიღეს, მათ შორის, ინდურ ფილმში.
მეუღლესთან დაშორებასა და მომხდარის შემდეგ საზოგადოების რეაქციებზე მან "ნანუკას შოუში" ისაუბრა:
"ზოგადად, მსოფლმხედველობრივი ცვლილებები ხდება ასაკის მატებასთან ერთად. 17 წლის ვიყავი, როცა გავთხოვდი. თითქოს ერთად იზრდებით. პირველი პერიოდი იყო დიდი ემოციების პერიოდი, შემდეგ შემოდის პრობლემები, მერე ბავშვები და მეტი პასუხისმგებლობა ჩნდება. მერე უკვე ხვდები, საით მიდიხართ - შენ სად მიდიხარ, ის საით მიდის. ირჩევ პროფესიას... ამ დროს შეიძლება რაღაცებში ვერ შეთანხმდე ადამიანთან. სამწუხაროა და ძალიან მტკივნეულია. მინდა ვთქვა, რომ დედობა ჩემთვის ყველაზე დიდი მონაპოვარია. მინდა, ჩემი გოგონებისთვის მაგალითი ვიყო" - ამბობდა თაკო.
როგორც ცნობილია, თაკო ტაბატაძე აქტიურადაა დაკავებული საკუთარი პროფესიით - მსახიობობით და არაერთ წარმატებულ პროექტშიც იღებს მონაწილეობას. ერთ-ერთი ნანა ჯორჯაძის "ოსკარის" კინოაკადემიის ნომინანტი კინოსურათი „პეპლების იძულებითი მიგრაციაა", რომლის ნახვაც ქართველ მაყურებელს თბილისის 24-ე საერთაშორისო ფესტივალზე შეეძლო. თაკო ტაბატაძე ფილმში მთავარ როლს ასრულებს და ამ გამოცდილებაზე ის "ფორმულას" ეთერში საუბრობს:
"როდესაც საკუთარ თავს ეკრანზე ვუყურებ, ემოციების ზღვაა. ძალიან კრიტიკული ვარ და საკუთარ თავს გამადიდებელი შუშით ვაკვირდებოდი, ყველა დეტალს, ყველა ფრაზას. ვფიქრობ, ეს ჩემი ოცნების ასრულებაა და მინდა ყველას ვუთხრა: არასოდეს დანებდეთ. ის, რომ მე დღეს ნანა ჯორჯაძის ფილმს ეკრანზე ვუყურებ, სადაც მთავარ როლს ვასრულებ, რამდენიმე წლის წინ ოცნება იქნებოდა“, - ამბობს თაკო ტაბატაძე.