„ძალიან მაგარია, როცა ახალგაზრდა გოგოს შეუძლია ბულინგს ასეთი ფორმით უთხრას – მკიდიხარ" - რას წერს ნანუკა ჟორჟოლიანი ნიცა თავაძის შესახებ - Marao

საქართველოს ეროვნული ნაკრებისა და საფეხბურთო კლუბ „ნაპოლის“ შემტევი ნახევარმცველის სახელი და გვარი, ხვიჩა კვარაცხელია, იგივე "კვარა", ერთდროულად ცნობილი და საყვარელი გახდა არა მხოლოდ ქართველებისთვის, არამედ მთელი მსოფლიოსთვის. ახალგაზრდა ტალანტს საქართველოდან ფეხბურთის ლეგენდას, მარადონასაც კი ადარებენ და მას "კვარადონას" უწოდებენ. როგორც ამბობენ, ხვიჩას განსაკუთრებული ნიჭი, თავმდაბლობა და შრომისმოყვარეობა გახდა მიზეზი იმისა, რომ ფეხბურთის გულშემატკივარი სტადიონსა და ეკრანს დაუბრუნდა. 

"მხიარული მეგობრები" - რა ვიდეოს აქვეყნებს სოციალურ ქსელში ნიცა თავაძე 

ხვიჩა კვარცხელიასა და ნიცა თავაძის საჩუქარი "სუხიშვილებს" - რა ფოტოებს აქვეყნებენ ნინო და ილიკო სუხიშვილები იტალიიდან 

ხვიჩა კვარაცხელია საზოგადოების ყურადღების ცენტრში ხშირად ექცევა, ამის მიზეზი კი, მისი სპორტული წარმატების გარდა, პირადი ცხოვრებაცაა. 21 წლის ფეხბურთელის რჩეული უმშვენიერესი ნიცა თავაძეა, რომელიც მომავალი ექიმია და ხვიჩას ერთ-ერთი ყველაზე გულმხურვალე გულშემატკივარი. 15 ოქტომბერს ხვიჩა იტალიიდან საქართველოში კვიპროსთან მატჩისთვის ჩამოვიდა, 16 ოქტომბერს კი მან და ნიცამ იქორწინეს. წყვილმა ჯვარი სამთავროს მონასტერში დაიწერა, რომლის სტუმრები მანამდეც ხშირად იყვნენ. საქორწინო წვეულებას სულ 60 ადამიანი, ოჯახის წევრები და უახლოესი მეგობრები დაესწრნენ. საღამო არ გამოირჩეოდა პომპეზურობით, წყვილმა პატარა ზომის ტორტი გაჭრა, ტრადიციული ქართული ცეკვა შეასრულა და სტუმრებთან ერთად იმხიარულა. მიუხედავად იმისა, რომ ხვიჩა კვარაცხელიამ მოკრძალებული ქორწილი გადაიხადა, იტალიური მედია ვარსკვლავური წყვილის შესახებ მაინც ბევრს წერს:  „ხვიჩა კვარაცხელიამ საქართველოში იქორწინა. მისი რჩეული 21 წლის სამედიცინოს სტუდენტი ნიცა თავაძეა. წყვილმა ჯვარი დაიწერა… კვარაცხელიამ თავისი ყველაზე დიდი ოცნება აიხდინა, დაქორწინდა თავის სიყვარულზე, რომელსაც გოლებს უძღვნის, სიმბოლოთი N“. – წერდა იტალიური მედია.

ხვიჩა კვარაცხელიას ცხოვრებაში განსაკუთრებული ადგილი რომ ოჯახს უჭირავს, ამას ფეხბურთელი ხშირად აღნიშნავს. მშობლებისა და მეუღლის შესახებ ერთ-ერთ ბოლო ინტერვიუში ისაუბრა:

„ოჯახია ჩემი მოტივაციის წყარო. ჩემი აზრით, ყველაზე მეტს ეს ადამიანები ნერვიულობენ – ცუდი პერიოდია თუ კარგი. ჩემს ცხოვრებაში ყოფილა ცუდი პერიოდიც და ყველაზე მეტად ჩემმა მეუღლემ იმოქმედა... ერთად ბევრი ცუდი მომენტი გამოვიარეთ, რა თქმა უნდა, კარგიც, მაგრამ… მადლობა ოჯახს, პირველ რიგში, ნიცას, სულ ჩემ გვერდით არიან. სანამ რამე შემიძლია, მათ გამო, ქართველი ადამიანების გამო, რომლებიც ყოველთვის ჩემ გვერდით არიან, არაფერს დავიშურებ" - ამბობდა ხვიჩა.

ხვიჩა კვარაცხელია და ნიცა თავაძე სერია "ა"-ს წლის შემაჯამებელ ღონისძიებაზე გამოჩნდნენ. ულამაზესი წყვილის კადრები სოციალურ ქსელში გავრცელდა.

ნანუკა ჟორჟოლიანი ნიცა თავაძის სერია "ა"-ს შემაჯამებელ ღონისძიებაზე გამოჩენას ეხმაურება.

„ძალიან მაგარია, როცა ახალგაზრდა გოგოს შეუძლია ბულინგს ასეთი ფორმით უთხრას – მკიდიხარ. თუ ყველა ასე მოვიქცევით, უცხო ადამიანები სხვების ცხოვრებიდან ცხვირსაც ამოყოფენ და დიზაინერობასაც თავს დაანებებენ. ჰოოო და რაც მთავარია, სწორ ფაქტებზე კონცენტრირდებიან“. – წერს ნანუკა ჟორჟოლიანი სოციალურ ქსელში.