76 წლის შერი სილამაზისა და და ახალგაზრდობის საიდუმლოს შესახებ საუბრობს - Marao
76 წლის შერი სილამაზისა და და ახალგაზრდობის საიდუმლოს შესახებ საუბრობს
საიდუმლო არ არის, რომ შერი თავისი ასაკისთვის შესანიშნავად გამოიყურება. მომღერალი აღიარებს, რომ კოსმეტოლოგის კაბინეტს ხშირად სტუმრობს. შერი ასაკის მატების შესახებ ჯერ კიდევ 80-იან წლებში საუბრობდა და აღნიშნავდა, რომ ეს მომენტი გარდაუვალია და მასთან შეგუება ყველამ უნდა ისწავლოს.
„ერთხელ დედაჩემმა მითხრა: ყოველთვის არ იქნები ყველაზე ახალგაზრდა, მაგრამ განსაკუთრებული ხარ და გახსოვდეს, რომ სამყაროში სილამაზეზე მნიშვნელოვანი თვისებებიც არსებობსო“ - ამბობდა მომღერალი. მისი თქმით, ყოველთვის იყენებდა დაბერების საწინააღმდეგო ერთსა და იმავე მეთოდებს:
"ყველაზე მნიშვნელოვანი ის არის, რომ საკუთარ თავს ბრძოლის შანსი მისცე. მე თავი დავანებე მოწევას. არ ვიღებ ნარკოტიკებს. არასდროს ვსვამ ყავას და ალკოჰოლს“ - ამბობს შერი და აღნიშნავს, რომ კანის ახალგაზრდული იერის შესანარჩუნებლად წლებია Retin-A -ს იყენებს.
"ექიმ არნოლდ კლაინთის რჩევით დავიწყე Retin-A-ს გამოყენება ქრონიკული კისტოზური აკნეს სამკურნალოდ და უკვე 10 წელია ვიღებ“ - განუცხადა მან People-ს. მომღერალი იმასაც აღიარებს, რომ ცხვირის ოპერაცია გაიკეთა.
"ადამიანებმა უნდა გააკეთონ ის, რაც მათ ახარებს. გულწრფელად რომ ვთქვათ, როცა ჩემი სახე ეკრანებზე დავინახე, მინდოდა ჩემი ცხვირი გამეკეთებინა, რადგან ეს ნამდვილად მაწუხებდა", - თქვა მან.