"ყველას და ყველაფერს მირჩევნია საქართველო, ბევრი რომ ჩემს შვილს ნათელი მომავალი ჰქონოდა და არ ვფიქორბ დაოჯახებაზე , მირჩევნია ჯერ ჩემი შვილი დადგეს გზაზე" - ნინი შერმადინი პირადი ცხოვრების, ემიგრაციისა და ქალიშვილის შესახებ - Marao
"ყველას და ყველაფერს მირჩევნია საქართველო, ბევრი რომ ჩემს შვილს ნათელი მომავალი ჰქონოდა და არ ვფიქორბ დაოჯახებაზე , მირჩევნია ჯერ ჩემი შვილი დადგეს გზაზე" - ნინი შერმადინი პირადი ცხოვრების, ემიგრაციისა და ქალიშვილის შესახებ
მომღერალი ნინი შერმადინი ცოტა ხნის წინ დროებით სამშობლოში ჩამოვიდა. ის უკვე არაერთი წელია, რაც ამერიკაში ცხოვრობს და საქმიანობს და საქართველოს მონატრება მისთვის განსაკუთრებით ძლიერი გრძნობაა. ამის შესახებ ნინიმ ფორტუნასთან ინტერვიუში ისაუბრა:
"დედაჩემის გარდაცვალებიდან 3 წელი გავიდა 22 დეკემბერს. ყოველ წელს ვცდილობ, ამ დროს აქ ვიყო. პირველი, რასაც ვაკეთებ, აეროპორტიდან მივდივარ მათ საფლავზე. ორივე მხვდებოდა ხოლმე, როცა ჩამოვდიოდი. ახლა ვერ მხვდებიან და მე ვაკითხავ…
ასე გამზარდეს და ჩემი მირჩევნია ყველას, ამას ხელოვნურად არ ვაკეთებ. მართლა ყველას და ყველაფერს მირჩევნია საქართველო, რომელიც ქვეყნის მოქალაქეც უნდა გავხდე და ჩემთვის ამერიკა უკვე მართლა არის მეორე სახლი, ჩამომაყალიბა, მომცა განათლება და სამსახური, ძალიან ბევრი რამ. მიმაჩნია, რომ ბევრი ღირებული რამ დავთმე იმისთვის, რომ ჩემს შვილს ნათელი მომავალი ჰქონოდა, ამერიკა უფრო მეტი შესაძლებლობების ქვეყანაა. მე რეალურად იმიტომ წავედი, რომ ჩემი შესაძლებლობები ჩემი ქვეყნისთვისაც მომეხმარებინა.
გამოვედი დეპრესიიდან, რაც მქონდა მშობლების გარდაცვალების შემდეგ, დავიწყე სიმღერების ჩაწერა და კონცერტების ჩატარება და აქაც უფრო ხშირად ვივლი. ვიღებ მონაწილეობას კასტინგებში, რაც აშშ-ში ტარდება…
არ ვფიქორბ დაოჯახებაზე და ვფიქრობ, რომ არც არის საჭირო. ჯერ ასეთი განწყობა მაქვს. მირჩევნია, მარიამი დადგეს გზაზე. იმდენი წელი დავკარგე ემიგრაციაში, არ ავაწყვე ჩემი პირადი ცხოვრება და არ ვმობილიზდი, რომ მეორე ოჯახი შემექმნა და კიდევ მყოლოდა შვილები. 23 წლისამ ჩემი თავი, ფაქტობრივად, გავწირე და წავედი უკეთესი მომავლის საძიებლად. სულ ვოცნებობდი და ვფიქრობდი იმაზე, ამერიკაში რომ გავზრდილიყავი, როგორი იქნებოდა ჩემი ცხოვრება, იქ რომ მესწავლა და მემღერა… ეს განცდა რომ მარიამს არ ჰქონოდა, მრავალი წელი გავწირე… არ ვარ ჯერ იმ ასაკში, რომ ხელი ჩავიქნიო. 35 წლის ვარ და მგონია, კიდევ მაქვს დრო რაღაცებისთვის" - აღნიშნა ნინი შერმადინმა.
მომღერალი ნინი შერმადინი საზოგადოებისთვის ცნობილი წლების წინ გახდა, როცა ის მონაწილეობას არაერთ პოპულარულ მუსიკალურ შოუში იღებდა. მას შემდეგ ნინის კარიერა თუ პირადი ცხოვრება მუდმივად ინტერესის საგანს წარმოადგენს.
განსაკუთრებული პოპულარობა ნინიმ 2003 წელს მოიპოვა, როცა მონაწილეობა მიიღო პროექტში "ნუცას სკოლა". იურმალაში „ახალ ტალღაში“ მონაწილეობის შემდეგ პირველი ქართველი გახდა, რომელმაც ამ კონკურსში მიიღო მონაწილეობა. იგი ბერძნულ X Factor-შიც მონაწილეობდა, სადაც მე-2 ადგილი დაიკავა და საბერძნეთში საკმაოდ პოპულარული გახდა.
ნინის ყოფილი მეუღლე ვაჟა ციცაგი იყო. როცა წყვილი დაშორდა, ქალაქში ხმა გავრცელდა, რომ ვაჟა ქალების მოყვარული გამოდგა და ნინის ფიზიკური შეურაცხყოფა მიაყენა. მომღერალი ამ ჭორის სასტიკად უარყოფდა:
"ეს ჭორი დიდი შეურაცხყოფაა, პირველ რიგში, ვაჟასი და მერე ჩემი. გამოდის, რომ სულელი ვარ, რომ ასეთ ვამპირს და ფსიქოპათს გავყევი ცოლად. ეს ბევრჯერ დაიწერა და მეც სულ ვიმეორებ, ხალხო, მსგავსი სისულელე აღარ თქვათ-მეთქი. ხომ შეიძლება, ორმა ადამიანმა ერთმანეთს ვერ გაუგოს? ადამიანები არ შეიძლება, სკანდალის გარეშე დაშორდნენ? მეც და ვაჟაც ძალიან ჯიუტები ვართ. ორივეს ჩვენი პრინციპები გვაქვს. მე ჩემს პრინციპებს ვერაფრით გადავაბიჯე. სულით ხელოვანი ვარ და ბავშვობიდან ვოცნებობ, ჰოლივუდის მსახიობი ან მომღერალი ვიყო და "გრემიზე" საუკეთესო მომღერლად დამასახელონ. ჩემი შრომისმოყვარეობისა და ნერვების წყვეტის ფასად მალე დიდ წარმატებებს მივაღწევ. ვაჟა კარგი ადამიანია, მაგრამ წარმატებას მარტო უფრო მივაღწევ, ვიდრე ვაჟასთან ერთად.
ყოველთვის გვერდში მედგა "იქს ფაქტორიდან" დაწყებული. მაგრამ ქართველ კაცს ცოლი სახლში უნდა. რთულია, ცოლი ერთი თვე წავიდეს და კაცი სახლში დარჩეს. მე არ ვცხოვრობ ჩვეულებრივი, რიგითი ქალის ცხოვრებით. ხელოვანის ცხოვრება მაქვს. როგორ ფიქრობ, დედაჩემისა და მამაჩემისთვის ადვილი ასატანია, შვილი ღამის თორმეტ საათზე რომ გადის სახლიდან და ოთხზე შემოდის? მაგრამ იმდენად მენდობიან, რომ ეს სალაპარაკო თემა არ ხდება. ჩემი მიზანი ისაა, რომ ოცნება ავისრულო და ჩემი შვილი უზრუნველყოფილი იყოს. ჩემსა და ვაჟას შორის ბოლო დროს ურთიერთობა დათბა, შვილს ნახულობს. ვაჟამ გაიგო, რომ მე ჩემი კარიერა მაქვს გასაკეთებელი, მიხვდა, რომ ცუდს არაფერს ვაკეთებ და მისი შვილის დედა არაფერს შეურაცხმყოფელს არ აკეთებს" - ამბობდა ნინი "რეიტინგთან" ინტერვიუში.
ვაჟას და ნინის ერთი შვილი, მარიამი ჰყავთ. ნინი უკვე წლებია ამერიკაში ცხოვრობს და მუშაობს. ის ერთ-ერთი ბანკის თანამშრომელია და, პარალელურად, მუსიკისთვისაც ხშირად იცლის.
"როცა ჩადიხარ მეგაპოლისში, დიდ და უცხო ქალაქში, სადაც არავინ გყავს, არავის იცნობ, ენაც დიდად არ იცი, რა თქმა უნდა, რთულია და თავიდან გიჭირს ყველაფერთან შეგუება. აქ უფრო სითბოა, ოჯახი აქეთ გყავს, მეგობრები და ქართული რეალობა ბევრად სხვაა. ნოსტალგია გეუფლება, მაგრამ, როდესაც ძლიერი ხარ შინაგანად, ფსიქოლოგიურად და მიზნები გაქვს, ყველაფერს მიაღწევ.
მინდოდა, როგორც პროფესიონალი, გავზრდილიყავი და ბევრი რამ მესწავლა. როცა უცხო ქვეყანაში ადგილს იმკვიდრებ, მერე უკვე ადვილია შენს ქვეყანაში დაბრუნება და იმ გამოცდილებით ცხოვრება, რასაც იქ იღებ" - ამბობდა ნინი ჟურნალ "სარკესთან" ინტერვიუში.
ნინი წლების განმავლობაში ერთადერთი შვილისგან შორს ცხოვრობდა. ცოტა ხნის წინ კი მან მოახრხა, რომ მარიამი ამერიკაში წაეყვანა და ცხოვრება ერთად გაეგრძელებინათ. ამ სიხარულს, სამწუხაროდ, თან დიდი მწუხარებაც ახლდა. ნინიმ 2020 წელს ორივე მშობელი დაკარგა.
დღეს ნინი აქტიურად აგრძელებს კარიერას, იღებს არაერთ კონკურსში მონაწიელობას და ქართველ გულშემატკივარს კვლავ ხშირად ახარებს საკუტარი წარმატებებით.