„კირა საკმაოდ მშვიდია გარეთ, მაგრამ სახლში დედოფალია... მამიკოს გოგოა" - გიორგი გაბუნია მამობისა და ქალიშვილის, უსაყვარლესი კირას შესახებ - Marao

ტელეწამყვანი გიორგი გაბუნია ქალიშვილთან, პატარა კირა გაბუნიასთან ერთად გია ბაღაშვილის გადაცემას სტუმრობდა.

„კირა საკმაოდ მშვიდია გარეთ, მაგრამ სახლში დედოფალია მოუსვენართა შორის. სულ უნდა თამაში. მამიკოს გოგო კი არის, მაგრამ ჯერ მაინც უფრო დედის  და ბებიას გოგოა და  მე მესამე ადგილზე ვარ.  საპრიზო სამეულში ვარ და არაა სახუმარო ამბავი“, – ამბობს გიორგი გაბუნია.

"მეკვლე გვესტუმრა, საოცარი... დაგვლოცა და წავიდა" - გიორგი გაბუნია შვილის, უსაყვარლესი კირას ვიდეოს გვიზიარებს 

"კირას დილის სელფი" - გიორგი გაბუნია უსაყვარლესი კირას ფოტოებს გვიზიარებს 

გიორგი გაბუნიამ რჩეულზე, ნინი ფუტკარაძეზე ცოტა ხნის წინ იქორწინა. 

“ჩვენ ოჯახებით ვართ დაკავშირებული, ჩვენი მშობლები იყვნენ კლასელები. მაგრამ ბავშვობის შემდეგ შეხება დიდად არ გვქონია, უნივერსიტეტიდან იწყება ყველაფერი. ერთხელ, უნივერსიტეტიდან რომ გამოვედი, გადავაწყდი ნინის, ავტობუსის გაჩერებასთან იდგა. ეს იყო 3 წლის წინ. მახსოვს ნინი პატარა, მაგრამ მანამდე არანაირი გრძნობა არ გვქონია. ერთმანეთს ისედაც ვიცნობდით, გვქონდა მიმოსვლა და ასე თუ ისე მშობლებისგანაც მსმენია მასზე. ამიტომ რაღაც ნიღბები არ გვქონია ურთიერთობაში. როცა დავიწყეთ ურთიერთობა, ნელ-ნელა ჩემი ბნელი მხარეები გამოვაჩინე, ნინიმაც, მაგრამ უმეტესად დროის ამბავი იყო. სულ ტელევიზიაში ვარ და ცოტა ვბრაზდებოდი, რომ არ ესმოდა, როცა ვმუშაობდი. ახლა სახლში ერთად ვცხოვრობთ და მინდა-არ მინდა, სახლში მაინც ვბრუნდები. ამიტომ ასეთი პრობლემები აღარ გვაქვს. „როცა ჯვარს იწერ, ცოტა რთულია, თუმცა ჩვენ არ გვქონია ძალიან აშკარა შეგრძნება, რომ რაიმე შეიცვალა. მეგონა, რომ უფრო რთული იქნებოდა.

ჩემს ქალიშვილთან გატარებული ყოველი წუთი ყველაზე დიდი ბედნიერებაა ჩემთვის. საოცარი რამ ყოფილა შვილი, თანაც, ქალიშვილი! წამოიზარდა, ცდილობს, მელაპარაკოს, უცნაურ ხმებს გამოსცემს, სულ მეთამაშება და ეს ყველაფერი საოცრად დიდი დამმუხტველია ჩემთვის. ერთი სული მაქვს, გათენდეს, კირამ გაიღვიძოს, რომ სახლიდან გამოსვლამდე მივიღო ის საოცარი ენერგია, რასაც შვილი მაძლევს. დილა ჩვენია, ჩემი და კირასი. საღამოს თუ ისე მოხდა, რომ ადრე მივედი, ჩავერთვები ხოლმე მისთვის გამართულ მხიარულ წარმოდგენებში, სადაც ბევრი სიმღერა, ცეკვა და თამაშია. მოკლედ, ნამდვილი „ღამის შოუ“ გვაქვს სახლში, ამჯერად, კირა გაბუნიასთან ერთად…“, - ამბობდა გიორგი გაბუნია.