"ჩემი შვილიშვილი უკვე 26 წლისაა... ,,მთელი ოჯახი მინდოდა ერთად ვყოფილიყავით, მაგრამ მარტო მე და ჩემი ცოლი დავრჩით" - ყველასთვის საყვარელი "ბაბუს", დავით დვალიშვილის ოცნების სახლი, ოჯახი და კარიერა - Marao
"ჩემი შვილიშვილი უკვე 26 წლისაა... ,,მთელი ოჯახი მინდოდა ერთად ვყოფილიყავით, მაგრამ მარტო მე და ჩემი ცოლი დავრჩით" - ყველასთვის საყვარელი "ბაბუს", დავით დვალიშვილის ოცნების სახლი, ოჯახი და კარიერა
მსახიობი დათო დვალიშვილი უკვე არაერთი წელია, ყველა თაობის საყვარელი მსახიობია. მან დაუვიწყარი როლები შექმნა როგორც კინოში, ისე თეატრში. დათო დვალიშვილის სახელის სხენებისას, ალბათ, უმრავლესობას, გიი ინწკირველი და "ცხელი ძაღლი" გაახსენდება. დათო დვალიშვილი მონაწილეობას იღებდა ფილმებში "მონანიება", თეთრი ბაირაღები“, „ნუცას სკოლა“, „კონფლიქტის ზონა“, „ქერჩი“, "ჩემი ცოლის დაქალები“... განსაკუთრებით ბევრს საუბრობენ მის მიერ შესრულებულ როლზე ახალ სერიალში „ბოლო სეზონი“.
მსახიობმა დათო დვალიშვილმა თავისი ცხოვრების საინტერესო მომენტებზე გადაცემაში „ნიკოლოზის კითხვები“ ისაუბრა და გაიხსენა, როგორ აშენდა მისი ოცნების სახლი:
„ყოველთვის მინდოდა, რომ დიდი სახლი მქონოდა. ყოველთვის მომწონდა, სახლში რომ პატარა ბავშვი დარბის. ოცნება მქონდა, რომ ყველას ერთად გვეცხოვრა.
სანზონაში ნახეს ორსართულიანი სახლი, რომელიც 18 ათასად იყიდებოდა. ჭერიდან წვიმა ჩამოდიოდა, იატაკიც შესაცვლელი იყო. ამ ფასად ნორმალურ სახლს ვინ მოგცემდა.
მეგობრებში გავიკითხე და ერთმა მითხრა, "ტრუბებს" მოგცემო; ცემენტზე მივედით, ვიღაცამ მიცნო და მეტი მომცა. მოკლედ, მეგობრობისა და ნაცნობობის წყალობით, მესამე სართული დავაშენეთ სახლს. სუფრა გაიშალა, მეგობარი ჩამოვიდა ახალციხიდან, გაუკვირდა, პარკეტი არ გაქვსო? მეორე დღეს ჩამოგივა ფულიო. მოკლედ, მესამე დღეს 100 კვადრატული პარკეტი მოვიდა სახლში. ახლა მისი სახელობის პარკეტი მაქვს. ასე, ძმაკაცობით და მეგობრობით აშენდა ეს სახლი.
ჩემი შვილიშვილი 26 წლისაა, არაა სახლში. გოგო "სუხიშვილებში" ცეკვავს. არავის უნდა გათხოვება და ცოლის მოყვანა. მე უკვე აღარ შემიძლია ბავშვების კეთება და ისეა საქმე, რომ მე და ჩემი ცოლი ვრჩების სახლში მარტო“, – ამბობს დათო დვალიშვილი და აღნიშნავს, რომ მის სახლში არ შეიძლება არც გინება და არც სიგარეტის მოწევა.