"დაბადების დღეს გილოცავ, დე. სად ხარ..." - ნანუკა ჟორჟოლიანი გარდაცვლილი დედის შესახებ - Marao

„დაბადების დღეს გილოცავ, დე. სად ხარ... ჩემი ხასიათის ყველა ძლიერი მხარე შენი შექმნილია, დაჯიკო, მიყვრხარ“, – წერს ჟურნალისტი ნანუკა ჟორჟოლიანი სოციალურ ქსელში და გარდაცვლილ დედას დაბადების დღეს ულოცავს. ნანუკას დედა 2020 წელს მძიმე სენთით გარდაიცვალა. მას შემდეგ კი ჟურნალისტი ხშირად წერს და საუბრობს დედაზე: 

"იმ­დე­ნად ცუ­დად ვი­ყა­ვი, დედა რომ ვერ გა­და­ვარ­ჩი­ნე, ამან იმ­დე­ნად მომ­სპო, რომ ვერ ვიგ­ლო­ვე. იმას კი არ ვდარ­დობ­დი, რომ დე­და­ჩე­მი აღარ იყო, ისე­თი თვა­ლე­ბით მი­ყუ­რებ­და და ფუ­ლის და­ხარ­ჯვა ვერ მო­ვას­წა­რი. იცი, რო­გორ მი­ყუ­რებ­და, ნა­ნუ­კა მყავს შვი­ლი და ის ყვე­ლა­ფერს იზამ­სო.... არც მა­მა­ჩემს, არც ძმას, ღმერ­თსაც კი ისე არ სთხოვს, რომ გა­და­ერ­ჩი­ნა, იმი­ტომ, რომ ნა­ნუ­კა ჰყავ­და... ბო­ლოს გა­და­ვე­დით ექ­სპე­რი­მენ­ტულ წამ­ლებ­ზე, ამე­რი­კა­ში შე­ვუკ­ვე­თეთ... მა­რი­ა­მის ღე­რო­ვა­ნი უჯრე­დი გა­და­ვუ­ნერ­გეთ. ეს ექი­მი ქალი მე­უბ­ნე­ბო­და, აზრი არ აქვს ღე­რო­ვა­ნი უჯრე­დის გა­და­ნერგვა­სო და ვუ­თხა­რი, ამას ვის უბე­დავ, ვინ გე­კი­თხე­ბა - მეთ­ქი. ჩემი ის­ტე­რი­კა ახ­სოვთ კლი­ნი­კა­ში..." - ამბობდა ის. 

"როცა პატარები და ბედნიერები ვიყავით" - ნანუკა ჟორჟოლიანის ქალიშვილის, მარიამ გეგუჩაძის ფოტოები მამასთან, ნიკოლოზ გეგუჩაძესთან ერთად 

ფოტოები წარსულიდან: "მიყვარს, როგორც გარდავქმენი საკუთარი თავი" - ნანუკა ჟორჟოლიანი და მისი ქალიშვილი, უმშვენიერესი მარიამი წლების წინ 

ნანუკა ჟორჟოლიანი დაიბადა 1979 წლის 26 ივნისს. დაამთავრა ივანე ჯავახიშვილის სახელობის თბილისის სახელმწიფო უნივერსიტეტის ჟურნალისტიკის ფაკულტეტი. 1999 წელს დაიწყო მუშაობა გადაცემა „ალიონში“, „პირველ არხზე“. 2001 წელს გადავიდა ტელეკომპანია „რუსთავი 2“-ზე. მუშაობდა პოლიტიკური სიახლეების მიმართულებით. 2008 წელს იყო რეპორტიორი რუსეთ-საქართველოს ომში. 2009 წლიდან 2019 წლამდე ჰქონდა საავტორო გადაცემა „ნანუკას შოუ“, რომელიც 2009-2012 წლებში "იმედზე", ხოლო 2013-2019 წლებში "რუსთავი 2"-ზე გადიოდა. 2019 წლიდან გადავიდა „მთავარ არხზე“, სადაც მიჰყავს გადაცემა „სხვა ნანუკა“. ასევე, 2005-2007 წლებში იყო ნატოს საინფორმაციო ცენტრის დირექტორი. 2020 წლის 23 სექტემბერს „ძალა ერთობაშიამ“ წარადგინა წყალტუბოს, სამტრედიის, ვანისა და ხონის მაჟორიტარობის კანდიდატად. მან ხმების 31,52 % (25 806) მიიღო და მეორე ადგილი დაიკავა. 

პირველად ნანუკამ ადრეულ ასაკში, 16 წლისამ იქორწინა. მისი მეუღლე მასზე რამდენიმე წლით უფროსი ნიკოლოზ გეგუჩაძე იყო. მას საკმაოდ პერსპექტიული მომავალი ჰქონდა, მუშაობდა ბანკში და დიდ დროს სწორედ კარიერას უთმობდა. ნანუკა კი მაშინ დიასახლისის ამპლუაში აღმოჩნდა. როგორც მედია წერდა, წყვილს შორის მესამე პირის გამოჩენამ და აზრთა სხვადასხვაობამ ოჯახის დანგრევა გამოიწვია. 18 წლის ორსული ნანუკა ჟორჟოლიანი მარტო დარჩა. მას ქალიშვილი, მარიამ გეგუჩაძე შეეძინა. 

ყოფილ მეუღლესთან მეგობრული დამოკიდებულება შეინარჩუნა თავად ნანუკამაც და მის მიმართ მადლიერებაც არაერთხელ გამოხატა:

"კოკა - მა­რი­ა­მის მამა რომ არ ყო­ფი­ლი­ყო ჩემს ცხოვ­რე­ბა­ში, არ ვიქ­ნე­ბო­დი სა­ერ­თოდ არა­ფე­რი. კო­კას­თან თა­ნა­ცხოვ­რე­ბამ და­მა­წყე­ბი­ნა ტე­ლე­ვი­ზი­ა­ში მუ­შა­ო­ბა და შექ­მნა ის ნა­ნუ­კა... ჩემი შვი­ლე­ბით ვა­მა­ყობ, მა­რი­ა­მით და სა­ბა­თი" - ამბობდა ის. 

ბოლო დროს ხშირად აღნიშნავენ, რომ ნანუკა შესანიშნავ ფორმაშია. სოციალურ ქსელში ხშირად საუბრობს პიროვნული განვითარების, თავის მოვლისა და წონის კლების შესახებ. ტელეწამყვანი ამ მიმართულებით საკუთარ გამოცდილებას გამომწერებს ხშირად უზიარებს და საუბრობს, თუ როგორ მოახერხა წლების განმავლობაში ზედმეტი წონის კლება, მენტალური ჯანმრთელობის გაუმჯობესება და სასურველ ფორმაში ჩადგომა. როგორც ნანუკა ამბობს, მეორე შვილის გაჩენისას ის 108 კილოგრამს იწონიდა, მშობიარობის შემდეგ კი ზედმეტი წონა მისი პრობლემა გახდა და ამ პრობლემას სხვადასხვა გზით ებრძოდა.

მის შემთხვევაში მონო-დიეტები ეფექტური არ აღმოჩნდა. მისი განმარტებით, თუკი სწორ კვებას ცხოვრების წესად არ ვაქცევთ, დიეტის დროს დაკლებული კილოგრამები შემდეგ ისევ მარტივად დაბრუნდება.