ედვარდ ენინფულის რედაქტორობით ბოლო ნომერი - 40 გამორჩეული ქალი Vogue-ის გარეკანზე - Marao
"ლეგენდარული ეპოქის დასასრული!" - 40 გამორჩეული ქალი Vogue-ის გარეკანზე და ბოლო ნომერი ედვარდ ენინფულის რედაქტორობით
Vogue-მა ბრიტანული გამოცემის მარტის ნომრის მთავარი გარეკანი გამოაქვეყნა, რომელზეც თანამედროვე კულტურის 40 ცნობილი ქალია გამოსახული, მათ შორის: სუპერმოდელები სინდი კროუფორდი, ნაომი კემპბელი, კრისტი ტურლინგტონი და ლინდა ევანგელისტა, ასევე - ოპრა უინფრი, ვიქტორია ბექჰემი, დუა ლიპა და მაილი საირუსი...
იდეა გამოცემის რედაქტორს, ედვარდ ენინფულს ეკუთვნოდა - ამით მისი Vogue-თან თანამშრომლობა დასრულდა. როგორც თავად ენინფული აღნიშნავს, სურდა, ლეგენდარული ნომერი მთლიანად ქალებისთვის მიეძღვნა.
ენინფული ბრიტანული Vogue-ის მთავარი რედაქტორის პოზიციაზე 2017 წლის აგვისტოში დაინიშნა, 2020 წელს კი, ბრიტანულ "ვოგთან" ერთად, Vogue-ის ევროპული გამოცემების სარედაქციო დირექტორიც გახდა. გასულ წელს ცნობილი გახდა, რომ ენინფული Vogue-ის ბრიტანული გამოცემის მთავარი რედაქტორის თანამდებობას ტოვებდა და სანაცვლოდ მას მოდის ბიბლიად წოდებული ჟურნალის კრეატიულ და კულტურულ მრჩევლად წარადგენდნენ. პრესა ენინფულისა და ამერიკული "ვოგის" მთავარი რედაქტორის, ანა ვინტურის შესაძლო დაპირისპირებაზე ალაპარაკდა.