"ძალიან მნიშვნელოვანია არა მარტო მეუღლეში, არამედ მის ოჯახშიც გაგიმართლოთ" - ნანუკა გულუა - Marao

ნანუკა გულუა ყოველთვის აღნიშნავდა, რომ წლების მატებასთან ერთად, სულ უფრო ხშირად უსვამდნენ კითხვას დაოჯახების შესახებ. 2021 წლის შემოდგომაზე კი მან გულშემატკივრებს სასიხარულო ამბავი ამცნო და დაწერა, რომ დაქორწინდა. "კახაბერ კაშიას არ უყვარს ბევრი ხატოვანი საუბარი მასზე და სულ მიკრძალავს, რომ ვაქებ. ჩემი “ოცდაყველა” კი არა, “ასყველა” წელი ღირდა, რომ დავლოდებოდი! ძალიან მოვუფრთხილდი, რომ ოთხი დღე გადაგიმალეთ. მიყვარხართ ყველა და დიდი მადლობა !!! რა კარგია, რომ “როდის თხოვდები” დავასრულეთ", - წერდა ის. "ერთი დღე დაიკარგა ნანუკა, ასეთი რაღაც არ მომხდარა ჩვენი ურთიერთობის მანძილზე. მირეკავს და მეუბნება, არ ვიცი, მგონი, გავთხოვდი, მაგრამ ვერ ვარკვევო და გამითიშა“ - იხსენებდა ნანუკას მეგობარი, მსახიობი სალომე შარვაძე.

"40 წელი ადრე მეგონა ცხოვრების დასასრული და თურმე დასაწყისი ყოფილა: ზუგდიდში ყოველთვის პოპულარული ბავშვი ვიყავი. ახლა რომ ვფიქრობ, ენერგეტიკა იყო ის, რაც ასე იზიდავდა ადამიანებს ჩემში… სულ ნანუკა, ნანუკა ისმოდა გარშემო – უფრო სწორად, ნანული, ნანული... ამ ყურადღებასა და სითბოში ვიყავი ყველგან: სახლში, უბანში, სკოლაში, წრეებზე… სულ საჭირო მეგობრებისთვის და სულ გამხალისებელი თავშეყრებში, გაზულუქებული ამდენი სიყვარულით, ჩამოვედი დედაქალაქში და აქაც მალევე შემიყვარეს უბანშიც, სტუდენტობის მეგობრებმა თუ ახალმა ნაცნობებმა… ყველგან უკვე ისმოდა ნანუკა… მერე ქეთი დევდარიანი გამოჩნდა და ზღაპრად აქცია ჩემი ყოველდღიურობა - პატარა პუბლიკიდან ყველა შემხვედრი მესიყვარულება… მერე ღმერთმა კახათი დამაჯილდოვა, დიდხანს მაკვირდებოდა, ისე... მერე ნინათი, რომელიც სამყაროში ყველაზე დიდი ჯილდოა. მალე მეორე შვილი მომცემს კიდევ უფრო გაუსაძლის ბედნიერებას. საოცნებო სამსახური, სადაც ყველაფერი და ყველა ჩემი ბედნიერებისთვისაა მომართული. ჩემი სუპერძალა - მეგობრები და ჩემი ოჯახი, რომლისთვისაც ყოველთვის მცირეა ჩემი წარმატება. არც განსაკუთრებული ნიჭი მაქვს, არც ჟიზელი ვარ და არც სექსბომბა, მხოლოდ შემიძლია ვთქვა, ვარ კეთილი და ამიტომ ხდება ყველაფერი… არასოდეს მიღალატია, არასოდეს შემშურებია… წარმატების ფორმულაც შევქმენი... მიყვარხართ,“ – წერდა ნანუკა გულუა. 

ოჯახური მხიარულება და "ჟოზეს" "აჭარულზე" აცეკვებული მამა-შვილი - ნანუკა გულუა ვიდეოს გვიზიარებს 

ფოტოები: ნანუკა გულუა მეორე შვილის, უსაყვარლესი ირაკლის პირველ კადრებს აქვეყნებს 

ნანუკა სოციალურ ქსელშიც ძალიან აქტიურია - გამომწერებს სხვადასხვა საკითხთან დაკავშირებით მნიშვნელოვან რჩევებს აძლევს და საკუთარ გამოცდილებასაც უზიარებს: 

"დედამთილი ჩემი უსაყვარლესი ქალია. ყველაფერში ძალიან გამიმართლა. ამაზე ხმამაღლა საუბარი მერიდება, მაგრამ ძალიან მნიშვნელოვანია არა მარტო მეუღლეში გაგიმართლოთ, ასევე მის ოჯახშიც. 

ნუ ინერვიულებთ, თუ ორსულობის დროს ხასიათი შეგეცვლებათ - ეს ბუნებრივი მოვლენაა და აუცილებლად გაივლის. ორსულობის დროს პრინცესები ვართ, უფლება გვაქვს, ყველანაირ ხასიათზე ვიყოთ და გარშემომყოფები უნდა გაგვიფრთხილდნენ.

ორსულობის პერიოდში დეპრესია არ მქონდა. მაგრამ მეორე შვილი გაჩენის შემდეგ ურთულესი პერიოდი გავიარე. ყველაფერს განვიცდიდი და ყველა წვრილმანზე ვნერვიულობდი. თქვენს თავს აუცილებლად უთხარით, რომ ეს ყველაფერი დროებითია და ძალიან მალე გაივლის" - ამბობს ნანუკა გულუა.