ფოტო: როგორ აღნიშნა ვალენტინობა თაკო ნაცვლიშვილმა - Marao
საჩუქარი მეუღლისგან და რომანტიკული კადრები - რა ფოტოებს გვიზიარებს უმშვენიერესი თაკო ნაცვლიშვილი
ვალენტინობას სოციალურ ქსელში არაერთმა ცნობილმა სახემ გამოაქვეყნა მეორე ნახევართან ერთად გადაღებული ფოტო-ვიდეო. ისინი საყვარელ ადამიანებს საჯაროდ კიდევ ერთხელ გამოუტყდნენ სიყვარულში და არაერთი ლამაზი საჩუქარიც მიიღეს:
ბევრი ქართველი ვარსკვლავის მსგავსად სიყვარულის დღე თაკო ნაცვლიშვილმაც აღნიშნა და ფოტოები სოციალურ ქსელში გააზიარა:
25 წლის მოდელი თაკო ნაცვლიშვილი საზოგადოებისთვის კარგად ნაცნობი და საყვარელი ფიგურაა. მან სამოდელო კარიერა ადრეულ ასაკში დაიწყო, რაც გასაკვირი არავისთვის ყოფილა, რადგან მისი დედა, უმშვენიერესი ნინა ცქიტიშვილი, ასევე მოდელი და სამოდელო სააგენტოს დამფუძნებელია. ნინა "მის საქართველო 1997"-ის ტიტულის მფლობელია. მას და მის მეუღლეს, ყოფილ კალათბურთელ ვატო ნაცვლიშვილს, ოთხი შვილი ჰყავთ. ანა, რომელიც ასევე სამოდელო სფეროში საქმიანობს, გუგა, რომელიც მამის გზას აგრძელებს და ყველაზე უმცროსი ანდრია, რომელიც ჯერ სკოლის მოსწავლეა.
როგორ აღნიშნეს ვალენტინობა ცნობილმა ქართველმა წყვილებმა
თაკო ნაცვლიშვილის კარიერა
თაკო ნაცვლიშვილი ერთ-ერთი პირველი ქართველი მოდელია, რომელმაც მსოფლიოს წამყვან ბრენდებთან ითანამშრომლა. მოდელობა 14 წლის ასაკში დაიწყო ქართულ სამოდელო სააგენტო „ლუქმოდელს მენეჯმენტში“. მისი ბრწყინვალე სამოდელო კარიერა ბევრი გოგონასთვის საოცნებო და იმედისმომცემია. როგორც თავად ამბობს, არასდროს არავის აზრს ყურადღება არ უნდა მიაქციო, რადგან თუ რამე გულით გინდა, აუცილებლად გამოგივა. თაკო პირველი ქართველი მოდელია, რომელმაც მაღალი მოდის პოდიუმზე გზა გაიკვალა და ითანამშრომლა ყველა იმ პრემიუმმარკის ბრენდთან, რომლებიც მსოფლიო მოდის ინდუსტრიაში ერთგვარ „ამინდს ქმნიან“.
კარიერის დასაწყისში მისით ერთ-ერთი ყველაზე პრესტიჟული საერთაშორისო სამოდელო სააგენტო Next Models-ი დაინტერესდა, რომელთანაც მალევე გააფორმა კონტრაქტი. სწორედ ამ კონტრაქტის გაფორმებას მოჰყვა მისი თანამშრომლობა ისეთ დიდ ბრენდებთან, როგორებიცაა: "ვერსაჩე", "არმანი", "ელი სააბი", "რალფ & რუსო", "ზუჰაირ მურადი", "დიორი", "ჩალაიანი", "იამამოტო" და სხვ.
თაკო ნაცვლიშვილის ბრენდი
ცოტა ხნის წინ თაკო ნაცვლიშვილმა ქალის თეთრეულის ბრენდი SHEIDISH შექმნა. გარდა ხარისხისა და სტილისა, ბრენდს ისიც გამოარჩევს, რომ მისი კონცეფცია მთლიანად ეკომეგობრულობაზეა დაფუძნებული. ამის შესახებ თაკომ მარიამ კვაშილავას რუბრიკაში ისაუბრა:
"9 წლის წინ, როცა ვიყავი 15 წლის, ამერიკიდან სკაუტები იყვნენ ჩამოსულები, მეც სააგენტოში ვიყავი, მაგრამ იმ კასტინგში მონაწილეობას არ ვიღებდი. როცა ყველა გოგო ნახეს, მეც დამინახეს დერეფანში, დაინტერესდნენ ჩემით, გადამიღეს ფოტოები და აქედან დაიწყო ჩემი კარიერა. სხვა ადამიანების ინტერესი რომ დავინახე, მეც გამიჩნდა მოტივაცია. ქალის თეთრეულით სულ გატაცებული ვიყავი. უცხოეთში სულ დავდიოდი მაღაზიებში და ვათვალიერებდი. ბოლო დროს, გადაღებებშიც სწორედ ამ მიმართულებით ვმონაწილეობდი. ბევრ ბრენდთან მომიწია თანამშრომლობა და ბევრი რამ ვისწავლე. საქართველოში ქალის თეთრეულის დიდი არჩევანი არ გვაქვს და რადგან ამხელა გატაცება მქონდა, გადავწყვიტე, გამეკეთებინა ჩემი. წარმოება, როგორც პროდუქტები, ისე შეფუთვა, სრულად ეკომეგობრულია, რაც გულისხმობს, რომ გამოყენებული ქსოვილები არის ან გადამუშავებული, ან სხვა მოდის სახლებიდან დარჩენილი ნაჭრები" - ამბობდა თაკო.