"მე, პირველ რიგში, დედა ვარ და მერე სხვა დანარჩენი" - თამთა გოდუაძის შვილი და ყოფილი ქმარი: უცნობი დეტალები მომღერლის პირადი ცხოვრების შესახებ - Marao

თამთა გოდუაძე სოციალურ ქსელში ძალიან პოპულარულია. "ინსტაგრამზე" მას 225 ათასამდე გამომწერი ჰყავს და მისი ფოტოები განსაკუთრებული მოწონებით სარგებლობს. თამთა საბერძნეთში ერთ-ერთ ყველაზე პოპულარულ მომღერლად ითვლება. მის შესახებ ხშირად წერს ბერძნული მედიაც. 

თამთა გოდუაძის საოცარი გარდასახვა მარია კალასის როლში - მომღერალი შთამბეჭდავ ფოტოებს აქვეყნებს 

"გაჩვენებთ ჩემს სახლს, სადაც გავიზარდე და მშობლიურ სკოლას" - თამთა გოდუაძის ემოციური ვიდეო ბავშვობის სახლიდან და მოგოგნებები საქართველოზე 

თამთა გოდუაძის შვილი და პირველი ქმარი

თამთა საქართველოში დაიბადა და გაიზარდა. 14 წლის იყო, როცა ცოლად 16 წლის შეყვარებულს გაჰყვა. ქორწინებაში მომღერალს პირველი შვილი - ანი შეეძინა. ამავე პერიოდში დაამთავრა სკოლა და თბილისის სახელმწიფო უნივერსიტეტის სტუდენტი გახდა. თამთას პირველი მეუღლე შმაგი ხაჭვანია. 

"მე და თამთამ პატარა ასაკში შევქმენით ოჯახი, ის 14 წლის იყო, მე კი - 16-ის. ჩვეულებრივად გავიცანით ერთმანეთი. დაახლოებით 6 თვე ვიყავით შეყვარებულები და მერე გავიპარეთ. 6 წელი ვიყავით ერთად. როცა გავიზარდეთ, მივხვდით, რომ ის სიყვარული არ ყოფილა სიყვარული, რასაც ოჯახი ჰქვია და დავშორდით. იმან თავისი გზით გააგრძელა ცხოვრება, მე - ჩემი გზით. იმაზე მწყდებოდა გული, რომ შვილთან არ მქონდა მამაშვილური ურთიერთობა, ტელეფონით და სხვადასხვა საშუალებით ვკონტაქტობდით. ზაფხულობით, როცა თბილისში ჩამოდის, 2–3 კვირით ჩემთან არის" - ამბობდა შმაგი ერთ-ერთ ინტერვიუში. 

“მითხრა, რომ ქუჩაში არ დავმდგარიყავით, რადგან ხალხი დაგვინახავდა. მანქანაში ჩავჯექი და მივხვდი, რომ ყავის დასალევად კი არა, უფრო შორს მივდიოდით. ისინი მართლაც გასცდნენ თბილისს. ამ დღის შემდეგ მის მშობლებთან ერთად, მის სახლში ვცხოვრობდი. ის 16 წლის იყო, მე კი  - 14-ის. თებერვალში მომიტაცა, აპრილში კი დავქორწინდით.

ოფიციალური ქორწინების გაკეთება არ შეგვეძლო, რადგან არასრულწლოვნები ვიყავით და ამის უფლება არ გვქონდა. მაშინ ყველა გრძნობა გამეყინა, ყველაზე ცივი გადაწყვეტილება მივიღე და ვთქვი, რომ უნდა გავშორებოდი, რაც უნდა მომხდარიყო, რადგან ასეთი ცხოვრებით ვერ ვიცხოვრებდი", - იხსენებდა თამთა.

• 6-წლიანი ურთიერთობის შემდეგ თამთა ქმარს დაშორდა და შვილთან ერთად საბერძნეთში წავიდა, სადაც მისი უფროსი ძმა და დედა ცხოვრობდნენ. 

ცოტა ხნის წინ ინტერვიუში აღნიშნა, რომ წარმატებული კარიერის მიუხედავად, მისი პირველი პრიორიტეტი ყოველთვის შვილი იქნება:

 "ამით ვამაყობ. მე, პირველ რიგში, დედა ვარ და მერე სხვა დანარჩენი. ჩემი ქალიშვილის გაზრდაში დედაჩემი მეხმარებოდა. სხვანაირად არ შემეძლო. როცა კარიერაზე ფიქრი დავიწყე, ანი უკვე რვა წლის იყო" - ამბობდა თამთა.

პოპულარული დედისგან განსხვავებით, ანის საზოგადოებაში გამოჩენა არ უყვარს. თუმცა სოციალურ ქსელში აქტიურია და დედასთან ერთად გადაღებულ ფოტოებსაც ხშირად აზიარებს. 

პირადი ცხოვრება

2004 წლიდან 2010 წლამდე თამთას ურთიერთობა ჰქონდა გრიგორის პეტრაკოსთან. 2015 წლის დასაწყისიდან კი პარიზ კასიდოკოსტას-ლაცის ხვდება. 2022 წელს იგი საბერძნეთის მოქალაქე გახდა. გარდა ბერძნულისა და ქართულისა, თამთა თავისუფლად საუბრობს ინგლისურ და რუსულ ენებზე.