ევგენიძეების ოჯახს საზოგადოება უკვე წლებია, კარგად იცნობს. დათო ევგენიძემ მუსიკალური კარიერა ადრეულ ასაკში დაიწყო და დღემდე იღებს მონაწილეობას სხვადასხვა პროექტში. მაყურებლისთვის საყვარელი ტელესახეა მისი ქალიშვილი ლიკა ევგენიძეც, რომელიც უმშვენიერესი ქართველი მსახიობის, კირა ანდრონიკაშვილის შვილიშვილია.
„ცხოვრებაში სულ რომ არაფერი არ გამეკეთებინა, მარტო ამ მშვენიერების შესაქმნელად ღირდა, დავბადებულიყავი… რა ლამაზი შვილი მყავს“, – წერდა დათო ევგენიძე ქალიშვილის შესახებ.
მიხეილ სააკაშვილის ბიძაშვილები, ნიკოლოზი და გიორგი, საზოგადოებამ წლების წინ გაიცნო, როდესაც წარმატებულ და ლამაზ ქართველ ქალებზე იქორწინეს.
ნიკა ალასანიამ და ლიკა ევგენიძემ 2011 წელს იქორწინეს და ჯვარი თბილისში, მამადავითის ეკლესიაში დაიწერეს.
გრანდიოზული ქორწილი მთაწმინდის პარკში გადაიხადეს. პატარძლის ერთ-ერთი მეჯვარე ნინი ბადურაშვილი გახლდათ. ქორწილს ესწრებოდა მაშინდელი პირველი ლედი სანდრა რულოვსიც. რამდენიმეწლიანი ქორწინებისა და ორი შვილის დაბადების შემდეგ, 2017 წელს, ლიკა საქართველოში დაბრუნდა.
მოგვიანებით ცნობილი გახდა, რომ ლიკა ევგენიძეს ურთიერთობა მუსიკოს ნიკა კოჩაროვთან ჰქონდა. ლიკა და ნიკა უკვე წლებია, ერთად არიან და ცოტა ხნის წინ ცნობილი გახდა, რომ ისინი პირველ საერთო შვილს ელოდებიან.
ამჯერად ლიკამ თაკო ჩხეიძის რუბრიკაში „შენი დრო“ მიიღო მონაწილეობა, სადა დედობის შესახებ ისაუბრა და მოჰყვა, როგორ ანაწილებს დროს ოჯახსა და სამსახურს შორის.
„ახალი სფეროები გაიხსნა ჩემს ტვინში, რომლებიც არ ვიცოდი, რომ იყო. ორსულობის დროს რაღაც უჯრედები იხსნება გონებაში და სულ რაღაც შფოთი გაქვს. აი, ეს ღელვა შემოვიდა და არასდროს არ მიდის. სადღაც ქვეცნობიერშია და არ მთავრდება…
დროს ორგანულად ვანაწილებ. რომ გითხრა, რაღაც განსაკუთრებული მექანიზმი მაქვს შემუშავებული, მოგატყუებ. დილით გაღვიძება არ მიყვარს. ვცდილობ, დღე დავგეგმო ცოტა გვიან. დილა მჭირდება იმისთვის, რომ საკუთარ თავს დავუთმო, ენერგიას აკუმულაცია გავუკეთო და შემდეგ უკვე მქონდეს რესურსი, საქმეები ვაკეთო. რასაც ვაკეთებ, ყველაფერი ძალიან მიყვარს“, – აღნიშნა ლიკამ.