"მთელი ჩემი ძალა ნინიში ჩავდე, ანასტასია უფრო სხვანაირი ბავშვია, ისეთი დამოუკიდებელია და ისეთი ამაყია" - ხათუნა ჟორდანია - Marao

ხათუნა ჟორდანიას შვილები 

„დღეს ბევრ რამეზე მწყდება გული. არ მინდა, რომ თავის ქებაში ჩამეთვალოს, მაგრამ ბევრი ნიჭი მქონდა, ბევრი რამის გაკეთება შემეძლო. ახლაც სახლში ბევრ რამეს ვაკეთებ: ვხატავ, ვკერავ, ვქსოვ, ავეჯის რესტავრაციას ვაკეთებ. ბევრი რამეა, რასაც ვაკეთებ. სახლში ყოფნა ძალიან მიყვარს, განსაკუთრებით, ბოლო პერიოდში. უსაქმოდ არასდროს ვარ, სულ რაღაცით ვარ დაკავებული. რაღაც ეტაპზე კარიერის ნაცვლად ავირჩიე ნინი. ჩემი პრიორიტეტი გახდა ნინი.

მთელი ჩემი ენერგია და მთელი ჩემი ძალა ნინიში ჩავდე. რამდენად კარგად გამომივიდა, არ ვიცი, მაგრამ მე როდესაც ჩემს თავთან მარტო ვრჩები, ყოველთვის ვიცი, რომ ჩემი შვილისთვის მაქსიმუმი გავაკეთე, რასაც ვერ ვიტყვი ანასტასიაზე, იმიტომ, რომ ანასტასია უფრო სხვანაირი ბავშვია და ისეთი დამოუკიდებელია და ისეთი ამაყია, ამდენი ამაგის მიცემის საშუალებას არ გაძლევს. ხანდახან მაქვს ხოლმე ფიქრები, ანასტასიას არ მოეჩვენოს, რომ ნინის უფრო მეტს ვუკეთებ, ვიდრე მას. თუმცა ნინისთან ერთად გავიზარდე და მიჩვეულია, რომ აბსოლუტურად ყველაფერში ვიყო ჩართული“ - ამბობდა ხათუნა ჟორდანია 3 მარტს „რუსთავი 2“-ის დილის ეთერში, სადაც ძლიერი ქალები საკუთარი გამოცდილების შესახებ საუბრობდნენ. 

"ჩემი ანგელოზი, ანასტასია დისნეილენდში" - ზურა ხაჩიძე ანასტასია ხაჩიძის ფოტოს გვიზიარებს 

ხათუნა ჟორდანიას ბიოგრაფია  

ზურა ხაჩიძემ და ხათუნა ჟორდანიამ ერთმანეთი დუეტის ჩაწერის დროს გაიცნეს. კომპოზიტორ რუსა მორჩილაძეს იდეა დაებადა, რომ ხათუნა ჟორდანიას ქალიშვილ ნინი ქარსელაძესთან ერთად ჩაეწერა სიმღერა. დუეტი შედგა და მალევე ჰიტად იქცა. "ვატყობდი, რომ ზურას მოვწონდი, მაგრამ ეს სერიოზულად არ მიმიჩნევია, რადგან ჩემზე გაცილებით უმცროსი იყო. ბიჭებს არაერთხელ დაურეკავთ ჩემთვის და უთქვამთ, ზურა საწოლიდან ვერ დგება, ისე ენატრები და შენი ნახვა უნდაო. იყო პერიოდი, როცა ზურა თავისი გრძნობით მაბრაზებდა კიდეც. ჩვენ სამებაში დავიწერეთ ჯვარი. თითქმის ყველა ჟურნალის გარეკანზე ჩვენი ფოტოები იყო დაბეჭდილი" - იხსენებდა ხათუნა ჟორდანია.

ბრძოლა მძიმე სენთან, ორი ქორწინება და ცხოვრების საინტერესო ამბები - ხათუნა ჟორდანია იუბილარია 

წყვილს ერთი საერთო შვილი, ანასტასია ხაჩიძე ჰყავს. გოგონა ბავშვობიდან სიმღერის და ცეკვის განსაკუთრებული ნიჭით გამოირჩეოდა და მის ვიდეოებს ხშირად აქვეყნებენ მშობლები, გულშემატკივრებისგან კი ყოველთვის თბილ კომენტარებს იმსახურებენ.

ხათუნა ჟორდანიას დაავადება

ხათუნა ჟორდანიამ 3 წლის წინ მძიმე დაავადება – სიმსივნე დაამარცხა და იმედი გახდა ონკოლოგიური პაციენტებისთვის, რომლებსაც ამ რთული ეტაპის გავლა უწევთ. ამ ბრძოლაში ხათუნასთან ერთად მისი მეგობრები და ოჯახის წევრებიც იყვნენ და ყოველთვის გვერდით ედგნენ. ნინი ქარსელაძე ხშირად აქვეყნებდა ინფორმაციასა და ფოტოებს დედის ჯანმრთელობის შესახებ. მისმა პოსტმა, რომ ხათუნამ სიმსივნე დაამარცხა, უამრავი ადამიანი გაახარა. 

ნინის რომ დედასთან განსაკუთრებული ურთიერთობა აქვს, ამაზე საჯაროდ ბევრჯერ უსაუბრია:

"მამის გარეშე გავიზარდე, მამა არ ცხოვრობდა ჩვენთან ერთად, დედა იყო ჩემთვის მამაც და დედაც. ძალიან მკაცრი იყო დედაჩემი – 22 წლამდე 10 საათზე უნდა ვყოფილიყავი სახლში. კარიერას და სიმღერას რაც შეეხება, ყველაფერი, ალბათ, ხათუნას დამსახურებაა. მას შეეძლო ღამეები გაეთენებინა სტუდიაში, როდესაც კეთდებოდა სიმღერა. ყველაზე მთავარი თვისება, რაც დედისგან ვისწავლე, ეს არის სიკეთის კეთება", – ამბობს ნინი.

ხათუნა ჟორდანიას პირველი ქორწინება

ხათუნას პირველი მეუღლე თეკუჩა ქარსელაძე იყო. 90-იანებში ხათუნას, როგორც გამორჩეული გარეგნობის გოგოს, ბევრი ეტრფოდა, მაგრამ მისი და თეკუჩას სიყვარულმა ყველა აალაპარაკა. მიუხედავად იმისა, რომ წყვილი ერთმანეთს დაშორდა, ხათუნა ყოფილ მეუღლეს ყოველთვის დადებითად იხსენებდა: 

"ჩემი ანგელოზი" - ნინი ქარსელაძის ახალი ფოტოები, გამორჩეული სტილი და ოჯახური ცხოვრება, რომელზეც ძალიან ცოტას საუბრობს 

"20 წლის ვიყავი, როცა წითელზე, შუქნიშანთან, მანქანა გავაჩერე და გვერდზე რაღაც მანქანა გაჩერდა. გავიხედე იმიტომ, რომ ბიჭი მიყურებდა. როცა მწვანე აინთო, ის წავიდა, მე კი დავრჩი კიდევ ნახევარი საათით, მანქანა ვეღარ დავძარი, გული მიცახცახებდა...

მალევე გავიცანი და, დაახლოებით, 1 წლის მერე თბილისში ყველაზე მოდური და სიმპათიური ბიჭის, თეკუჩა ქარსელაძის ცოლი გავხდი. მერე? მერე იყო ბევრი კარგიც და ცუდიც. ყველაზე დიდი ბედნიერება ნინია, რომელიც მისი ასლია. თვითონ ყოველთვის ეამაყებოდა, რომ ასეთი შვილი ჰყავდა. სულ ამბობდა, ზუსტად მე ვარ ახალგაზრდობაშიო“ - წერდა ხათუნა ჟორდანია.