"ქალების ძალა" - ქანიე უესტის ყოფილი და ახლანდელი ცოლები კანიეს მხარდასაჭერად გაერთიანდნენ - Marao
"ქალების ძალა" - ქანიე უესტის ყოფილი და ახლანდელი ცოლები კანიეს მხარდასაჭერად გაერთიანდნენ
რეპერ ქანიე უესტის მხარდასაჭერად მისი ყოფილი და ახლანდელი ცოლები გაერთიანდნენ - სან-ფრანცისკოში კიმ კარდაშიანი და ბიანკა ცენსორი ერთად დაესწრნენ კონცერტს, სადაც ქანიემ ახალი ალბომი წარადგინა.
სოციალურ ქსელებში გავრცელდა ვიდეოკადრები, სადაც კიმ კარდაშიანი დაძაბული და მოწყენილი ჩანდა. მართალია, კიმი და ბიანკა კონცერტზე გვერდიგვერდ ისხდნენ, მაგრამ საზოგადოების დიდი ნაწილის შეფასებით, ისინი სულაც არ ჰგავდნენ მეგობრებს და უფრო მეტიც, ისე ჩანდა, რომ სურდათ, რაც შეიძლება მალე დასრულებულიყო ყველაფერი.
კიმი და ქანიე დაშორების შემდეგ მეგობრულ ურთიერთობას ინარჩუნებენ. მათ ოთხი საერთო შვილი ჰყავთ. ისინი ერთად აგვარებენ შვილებთან დაკავშირებულ სხვადასხვა საკითხს და ბავშვებთან ერთად ხშირად ჩნდებიან ერთად. აღსანიშნავია, რომ ქანიესა და კიმის შვილები ამ კონცერტსაც ესწრებოდნენ.
წყაროს ინფორმაციით, ქანიეს კარდაშიანმა მოსთხოვა, რომ ბიანკა მის შვილებთან ჩვეული სტილით, ნახევრად შიშველი არ მისულიყო.
რაც შეეხება ბიანკა ცენსორს, საზოგადოების ინტერესი მის მიმართ დიდია - რეპერისა და ავსტრალიელი არქიტექტორის ურთიერთობა ბოლო დროს ტაბლოიდების განხილვის მთავარი თემაა.
კანიე უესტის შეყვარებულის ყველაზე უცნაური ჩაცმულობა - რატომ დადის ბიანკა ცენსორი ნახევრად შიშველი
ეჭვობენ, რომ რეპერი ქალზე ფსიქოლოგიურად ძალადობს. ამბობენ, რომ ბიანკა უჩვეულოდ სწორედ ქანიეს მოთხოვნის გამო იცვამს. თვითონ ბიანკას ჟურნალისტებთან კომენტარი არასდროს გაუკეთებია. ქალი საჯაროდ, ფაქტობრივად, არასდროს საუბრობს.
დაათვალიერეთ პაპარაცული ფოტოები
ქანიე უესტი
ქანიე ომარი უესტი ამერიკელი მუსიკალური პროდიუსერი, რეპერი, მომღერალი, სიმღერების ავტორი და დიზაინერია. პოპულარობა მოიპოვა 2000-იან წლებში. ის დაიბადა ატლანტაში, გაიზარდა ჩიკაგოში და გახდა ცნობილი, როგორც Roc-A-Fella Records-ის პროდიუსერი, თუმცა შემდგომში მან თავისი რეპ-კარიერაც წამოიწყო და 2004 წელს გამოსცა პირველი ალბომი The College Dropout, რომელმაც კომერციული წარმატება და კრიტიკოსების მიერ აღიარება მოიპოვა. შემდეგში მან თავისი ლეიბლი, GOOD Music დააარსა. მის მუსიკაში გამოიყენებოდა როგორც ორკესტრის, ასევე სინთეზატორებისა და Auto-Tune-ის ელემენტები, რაც განსაკუთრებით შეინიშნებოდა ალბომებში Late Registration (2005), Graduation (2007) და 808s & Heartbreak (2008). მისმა მე-5 და მე-6 ალბომებმა: My Beautiful Dark Twisted Fantasy-მ (2010) და Yeezus-მა (2013) ასევე მოიპოვეს კომერციული წარმატება და კრიტიკოსების მოწონება. უესტმა სხვადასხვა მუსიკალური სტილის გამოყენება მის შემდგომ 2 ალბომში, The Life of Pablo-ში (2016) და Jesus Is King-ში (2019) დაიწყო. მისმა მე-10 ალბომმა Donda-მ ასევე მიაღწია კომერციულ წარმატებას, თუმცა კრიტიკოსებისგან შედარებით დაბალი შეფასება დაიმსახურა. უესტის დისკოგრაფიაში ასევე შედის 2 კოლაბორაციული ალბომი. ესენია Watch The Throne (2011) ჯეი-ზისთან ერთად და Kids See Ghosts (2018) Kid Cudi-სთან ერთად.
"არის ღამეები, რომ ძილის წინ დაღლილობისგან ვტირი" - კიმ კარდაშიანმა დედობის სირთულეებზე ისაუბრა
უესტი, რომელმაც 160 მილიონზე მეტი ეგზემპლარი გაყიდა, 100 ყველაზე გაყიდვადი მუსიკალური შემსრულებლის სიაში შედის. მას მიღებული აქვს "გრემის" 90-ზე მეტი ნომინაცია. აქედან მან 22-ში გაიმარჯვა, რაც რეპერებს შორის ყველაზე დიდი მაჩვენებელია. მას ასევე მოგებული აქვს ბილბორდის Artist Achievment Award, BRIT Awards, როგორც საუკეთესო საერთაშორისო მამაკაცი სოლო-შემსრულებელი და მაიკლ ჯექსონის სახელობის Video Vanguard Award. კანიეს 6 ალბომი Rolling Stone-ის ყველა დროის 500 საუკეთესო ალბომის სიაში მოხვდა. ამავე ჟურნალმა ის ყველა დროის 100 საუკეთესო ავტორის სიაში შეიყვანა. 2005-დან 2015-მდე ის 100 ყველაზე გავლენიანი ადამიანის სიაში შედიოდა.
დაიბადა 1977 წლის 8 ივნისს ქალაქ ატლანტაში (ჯორჯია). კანიეს მშობლები ერთმანეთს უესტის დაბადებიდან 3 წლის შემდეგ დაშორდნენ, რის შემდეგაც უესტი დედამისთან ერთად საცხოვრებლად ჩიკაგოში გადავიდა.