"ქალში ყველაზე ლამაზი რა არის? რამდენი მინახავს შველივით ლამაზი და მერე დააბრეხვებს რაღაცას და სილამაზე ქრება" - ნუკი კოშკელიშვილი - Marao

ნუკი კოშკელიშვილი საზოგადოებამ რამდენიმე წლის წინ გაიცნო. ის საქართველოში ცნობილი ტელესახეა, რომელიც არაერთხელ მოგვევლინა სხვადასხვა შოუსა თუ გადაცემის წამყვანის ამპლუაში. ნუკიმ მონაწილეობა რამდენიმე ფილმშიც მიიღო და ჰქონდა ფოტომოდელის კარიერაც. იგი სოციალურ ქსელშიც საკმაოდ აქტიური და გამომწერებს სასარგებლო რჩევებს ხშირად უზიარებს. ამჯერად ნუკი "ინსტაგრამზე" ახლა პოსტს აქვეყნებს: 

„თქვენ იცით, რომ აქ „ოზემპიკი“ იშოვება... სინამდვილეში ორგანიზმს ანგრევს" - რა უნდა იცოდეთ პოპულარული გასახდომი საშუალების შესახებ და რას ამბობს ნუკი კოშკელიშვილი 

"ტყუპები?" - ნუკი კოშკელიშვილი მშობლებთან ერთად გადაღებულ კადრებს აქვეყნებს 

"ქალში ყველაზე ლამაზი რა არის? მე მგონია, რომ ინტელექტი. ოღონდ, აი, ბარათაშვილის და გალაკტიონის ზეპირი ცოდნა კი არა, უფრო სხვა ინტელექტზე ვლაპარაკობ, იუმორი… და, ნუ, შეიძლება, თმა კიდევ, მე მიყვარს, ქალს რომ ლამაზი თმა აქვს. დანარჩენი მგონია მაგარი დებილობა, ფეხი, ტანი, აი, საერთოდ ყველაფერი.

• რამდენი მინახავს შველივით ლამაზი და მერე დააბრეხვებს რაღაცას და სილამაზე ქრება. ან პირიქით, ერთი შეხედვით შეუხედავი და უცბად დაიწყებს ლაპარაკს და - ვაიმე, გიყვარდება, გელამაზება, ანათებს… მამაკაცზეც იგივე წესი მოქმედებს, თუმცა იქ უფრო ქცევებია თვალსაჩინო და არა საუბრის მანერა ან ხელის და ლავიწის კუნთის (თუ ასეთი არსებობს) სიმძლავრე.

თქვენ რას ფიქრობთ? რა თქმა უნდა, ვითომ საერთოდ არ ვაქცევ ყურადღებას მიწიერ სტერეოტიპებს, სამაგალითოდ გავიზნიქე და წელი ჩავაგდე ამ ფოტოში… მე ხომ ეგეთი რაღაცები არ მაინტერესებს", - წერს ნუკი.

თქვენ რა მოსაზრების ხართ სილამაზის აღქმაზე? 

ნუკი კოშკელიშვილი

ნუკი კოშკელიშვილმა 2015 წელს ბენ ჰაიმზე იქორწინა. ტელეწამყვანმა მომავალი მეუღლე სპეციალური აპლიკაციით გაიცნო. ნუკი დიდი ხნის მანძილზე მალავდა, ვინ იყო მისი რჩეული, თუმცა ამბობდა, რომ ძალიან იყო შეყვარებული. 

"ძალიან შეყვარებული ვარ. ეს ადამიანი ცნობილი არ არის. ჩვეულებრივი სფეროდანაა – ჰოსპიტალში მუშაობს, ექიმია. მაგრამ ჯერჯერობით მის შესახებ არაფერს ვამბობ. ულამაზესი ბიჭია. ულამაზესი და, თან, ძალიან კარგი ხასიათის, უპრობლემო" - ამბობდა მაშინ ნუკი. მოგვიანებით, 2015 წლის შემოდგომაზე, ცნობილი გახდა, რომ ნუკი და ბენი დაოჯახდნენ. ტელეწამყვანს ამერიკაში მოუწია წასვლა, რადგან მისი მეუღლე ის ცხოვრობს და საქმიანობს. მიუხედავად ამისა, ნუკი ხშირად სტუმრობს სამშობლოს და ოჯახთან და მეგობრებთან ერთად დიდ დროს ატარებს. 

ნუკი კოშკელიშვილის ოჯახი

ნუკის და ბენს ერთი შვილი ოლივერი ჰყავთ. ცოტა ხნის წინ წყვილმა მეგობრებს სასიხარულო ინფორმაცია გაუზიარა, რომ ისინი მეორე შვილს ელოდებოდნენ, თუმცა, სამწუხაროდ, ცნობილი გახდა, რომ ნუკის მუცელი მოეშალა და ამის შემდეგ ის ხშირად საუბრობს ღიად ამ საკითხზე, აძლევს რჩევებს სხვა ქალებს და ამხნევებს მათ, ვინც ამ რთულ გზას გადის. 

ნუკიმ უკვე რამდენიმე წელია, რაც საკუთარი ბრენდი Nuki Cosmetics შექმნა და, როგორც თავად განმარტა, შეეცადა, ხარისხიანი პროდუქტები ყველასთვის ხელმისაწვდომ ფასად შეეთავაზებინა ქართველი მომხმარებლებისთვის. მოგვიანებით კი მან საკუთარი კოსმეტიკა ამერიკულ ბაზარზეც გაიტანა. მისი ბრენდი მოიცავს როგორც დეკორატიულ კოსმეტიკას, ისე თავის მოვლის საშუალებებსა და სუნამოებს.