„ქართველი ქალები მართლაც ინდივიდუალური სტილით გამოირჩევიან. საქართველოში ჩამოსული ყველა უცხოელი ამას ერთხმად აღნიშნავდა. ზოგადად, მე მიყვარს თავისუფალი სტილი. ტანსაცმელი უნდა იყოს ჩემზე მორგებული და არა - მე ტანსაცმელზე. როდესაც პირველი ლედი ვიყავი, კომპრომისებზე მიწევდა წასვლა, მაგრამ მაინც ვცდილობდი, არ ვყოფილიყავი შეზღუდული.
ძალიან მიყვარს შავი ფერი, თეთრი, მწვანე. არ მიყვარს იასამნისფერი, ვარდისფერი. მოდა და ტენდენციები არ მაინტერესებს. განსაკუთრებულად მომწონს იაპონური სტილი და შემდეგ უკვე ფრანგული, რომელსაც განსაკუთრებული სიკეკლუცე ახლავს თან და, ამავდროულად, არ გადადის სიმსუყეში" - ამბობდა მაკა ჩიჩუა, საქართველოს ყოფილი პირველი ლედი ეკა ხოფერიას რუბრიკაში საუბრისას.
მაკა ჩიჩუა არის ქართველი მსახიობი, მხატვარი, ვიზაჟისტი და მუსიკოსი; საქართველოს პირველი ლედი 2013-18 წლებში; არის საქართველოს მე-4 პრეზიდენტის, გიორგი მარგველაშვილის მეუღლე. არის შემსრულებელი სიმღერისა „ელექტროტალღები“. ჰყავს სამი შვილი: მაშო, თეიმურაზი და თომა.
მაკა ჩიჩუა და გიორგი მარგველაშვილი დაქორწინდნენ 2014 წლის 10 სექტემბერს. მათ ხელი დუშეთის სამოქალაქო რეესტრის სამსახურში მოაწერეს. საქორწინო ხელისმოწერისას მოწმეები მათი შვილები — ანა მარგველაშვილი და მაშო ჩიჩუა იყვნენ. მაკას 2015 წლის 2 თებერვალს მეორე შვილი შეეძინა. ახალშობილი გიორგი მარგველაშვილისა და მაკა ჩიჩუას პირველი საერთო შვილია. პრეზიდენტის ვაჟს ბაბუის სახელი, თეიმურაზი (თემიკო) დაარქვეს. მოგვიანებით კი წყვილს კიდევ ერთო ვაჟი, თომა გაუჩნდა. მაკა ჩიჩუა ოჯახთან ერთად დუშეთში ცხოვრობს.
„ჩემს ცხოვრებაში სრული უძრაობაა.. ვზივარ სახლში, ტყეში. საერთოდ არსად არ დავდივარ. ეს ის იშვიათი გამონაკლისია, რომ ჩამოვედი. ვზივარ სახლში იმიტომ, რომ მყავს ორი ცალი პატარა ბავშვი და ძალიან დიდ ყურადღებას მოითხოვენ ერთიც და მეორეც. ახლა მაქსიმალურად ვჭირდები მათ. ძალიან დავიღალე, მართლა დავიღალე, მაგრამ ყველა დედის ხვედრი ესაა...
"თომა ლიდერია, თემო ძალიან არტისტულია, თუ ყურადღებას არ აქცევენ, არ მოსწონს. იქ იმდენი სასიამოვნო მომენტია. უყურებ, როგორ ვითარდებიან, რა ახალ ფრაზებს და ნააზრევს ამბობენ, თან უნდათ, რომ შენ გაგიზიარონ. რადგან ჩემი პროფესია უფრო განმარტოების პროფესიაა, არ ვარ გუნდური მოთამაშე, მინდა ხოლმე უფრო მეტად განმარტოება, მაგრამ ვინ გაცდის?" - ამბობს მაკა ჩიჩუა ნანუკა ჟორჟოლიანთან სტუმრობისას.