"ნამდვილი არისტოკრატი - ქართული სილამაზე": ნინო გაჩეჩილაძის განსხვავებული ფოტოსესია - Marao
"ნამდვილი არისტოკრატი - ქართული სილამაზე": ნინო გაჩეჩილაძის განსხვავებული ფოტოსესია
კინოსა და თეატრის მსახიობი, უმშვენიერესი ნინო გაჩეჩილაძე, 1980 წლის 31 მარტს თბილისში დაიბადა. დაამთავრა ქალაქ თბილისის № 100 საჯარო სკოლა და მე-2 მუსიკალური შვიდწლედი. დაამთავრა შოთა რუსთაველის თეატრისა და კინოს უნივერსიტეტი. ნინო ასევე დაინტერესებულია ფოტოგრაფიით და გავლილი აქვს ფოტოგრაფიის კურსი გურამ წიბახაშვილთან.
ნინო გაჩეჩილაძე ფართო საზოგადოებამ სერიალ „ჩემი ცოლის დაქალებიდან“ გაიცნო და უკვე წლებია, რაც მის პერსონაჟს, კატოს, არაერთი გულშემატკივარი ჰყავს. მსახიობს ბევრი ოდრი ჰეპბერნს ამსგავსებს და, გარდა სამსახიობო ნიჭისა, მის გარეგნობასაც უსვამს ხაზს. ამჯერად ნინო Bowie • ბოუვი-ს ობიექტივშია. უმშვენიერესმა მსახიობმა ასევე მშვენიერი აქსესუარები მოირგო და დიდი მოწონებაც დაიმსახურა:
ნინო გაჩეჩილაძის ბიოგრაფია
წლების მანძილზე ნინომ თეატრის სცენასა თუ კინოში არაერთი დასამახსოვრებელი სახე შექმნა. გარდა "ჩემი ცოლის დაქალებისა", მას მონაწილეობა აქვს მიღებული ისეთ ცნობილ ფილმებში, როგორებიცაა: „რაც ყველაზე ძალიან გიყვარს", "წვრილვარსკვლავთა ღამე“, "ტაქსი“ და სხვ. თეატრში კი მისი გამორჩეული როლები შემდეგ სპექტაკლებს უკავშირდება: სემუელ ბეკეტის „ბედნიერი დღეები“, დოსტოევსკის „დამცირებულნი და შეურაცხყოფილნი“, ლაშა თაბუკაშვილის „თოვლივით თეთრი თოვლი“, ვაჟა-ფშაველა „გველისმჭამელი“, ბერტოლტ ბრეხტის „სამგროშიანი ოპერა“, ჯოვანი ბოკაჩოს „დეკამერონი“, ლევ ტოლსტოის „ჰაჯი-მურატ“, ლევან წულაძის და სანდრო ელოშვილის „მთვრალი ალუბალი“, ვაცლავ ჰაველის „წასვლა“ და სხვ.
ნინო გაჩეჩილაძის პირადი ცხოვრება
43 წლის მსახიობი ამბობს, რომ ცხოვრებაში სიყვარული მხოლოდ ერთხელ ეწვია.
"თაყვანისმცემლები კი ყოველთვის მყავდნენ, მაგრამ მათთან ურთიერთობა არ მაქვს, კატოსგან განსხვავებით. ის შეყვარებული უკვე წარსულს ჩაჰბარდა, ორი წლის წინ დავშორდი. ჩემს მშობლებს არ მოსწონდათ ის ბიჭი. რა თქმა უნდა, ეს ყველაფერი მოქმედებდა ჩემზე. როდესაც ამ საკითხში მშობლის კურთხევა არ გაქვს, ძალიან ძნელია, მაგრამ სანამ მე თვითონ არ დავინახე, რომ ჩემები მართლები იყვნენ, მანამდე არ გადავდგი დაშორების ნაბიჯი.
ცნობილი დები ქართულ შოუბიზნესში - გოგონები განსაკუთრებული გარეგნობითა და წარმატებული კარიერით
დღეს მიმაჩნია, რომ კარგად მოვიქეცი, რადგან ამ ფაქტის შემდეგ ჩემთვის დაიწყო ბევრად საინტერესო ცხოვრება შემოქმედებითი თვალსაზრისით", – ამბობდა მსახიობი.
"ალბათ, ისიც ცოტათი რომანტიკოსი უნდა იყოს, როგორც მე. მე ძალიან რომანტიკული ვარ და ვფიქრობ, ეს არ არის ცუდი. ბევრად უფრო საინტერესოდ ვგრძნობ თავს, როცა რომანტიკაში ვარ ჩაფლული. ამ დროს ბევრად უფრო მაინტერესებს ცხოვრება და აჟიტირებული ვარ.
როცა ძალიან რეალისტი ვხდები და მატერიალურ რაღაცებზე ვფიქრობ, ჩემთვის ეს უკვე აბსოლუტურად უინტერესოა. ამიტომ, ჩემ გვერდით მამაკაციც ასეთი უნდა იყოს – უფრო სულიერი, მხიარული, უნდა ჰქონდეს კარგი იუმორის გრძნობა. ასევე, უნდა იყოს მზრუნველი და ყურადღებიანი.
განსაკუთრებულს არაფერს ვითხოვ, არც მილიონერი მჭირდება, რადგან მინდა, ღამე მშვიდად მეძინოს."
"მშვენიერი, დახვეწილი და გემოვნებიანი" - უმშვენიერესი ნინო გაჩეჩილაძის საშემოდგომო ფოტოსესია
მის თქმით, პირად ცხოვრებაში რაც უფრო მეტი დათმო, უფრო მეტი შეცდომა დაუშვა: “რაც უფრო მეტი დავთმე, თუნდაც პირად ცხოვრებაში, მით მეტი შეცდომა დავუშვი. ადამიანმა, ამ შემთხვევაში ქალმა, როცა იცის, რომ მართალია, პირველ რიგში საკუთარ თავთან და მერე სხვა ადამიანთან, არ უნდა წავიდეს დათმობაზე, თუნდაც იმიტომ, რომ ვიღაცა სხვას ასიამოვნოს ამით. თითქოს მე ყველაფერს სწორად ვაკეთებ, მაგრამ გარშემო ყველაფერი ისე არ არის, როგორც შენ გინდა“, - ამბობს ნინო გაჩეჩილაძე.
