"ეს თარიღი მიხაროდა ყოველთვის. ასაკს ვერ ვგრძნობ და კარგ ხასიათზე ვარ" - ეკა მამალაძე იუბილარია - Marao
ორი ქორწინება, სამი შვილი, ცნობილი ოჯახი და ხმაურიანი ცხოვრება - ეკა მამალაძე 64 წლის გახდა: მომღერლის საინტერესო ცხოვრება და განვლილი გზა
ეკა მამალაძე დღეს იუბილარია. მას 64 წელი შეუსრულდა.
"გასაგიჟებლად ვგრძნობ თავს. რომ მემატება ასაკი, ვერ ვგრძნობ. ეს დღე ყოველთვის ძალიან მიხარია. ვისაც ვახსენდები, აუცილებლად მოდის ჩემთან. მე თვითონ ასე ხალხს არ ვპატიჟებ. თუ ვახსენდები, ვეუბნები, რომ უნდა მოვიდნენ. არ მიყვარს, როცა დაბადების დღეს არ აღნიშნავენ. ყოველთვის მიხდიდნენ გრანდიოზულ დაბადების დღეს. ეს თარიღი მიხაროდა ყოველთვის. უკვე სიბერეში ასეა… თუმცა, მგონი, სიბერე არ უნდა დავარქვა, რადგან ასაკს ვერ ვგრძნობ და კარგ ხასიათზე ვარ" - ამბობს ეკა რადიო "ფორტუნასთან" საუბრისას.
ვიდეო: ბებია უსაყვარლეს შვილთაშვილთან ერთად - როგორ ეთამაშება ნანი ბრეგვაძე პატარა სანდროს
ეკა მამალაძის ბიოგრაფია
ეკა მამალაძე 1960 წელს ქალაქ თბილისში დაიბადა. მომღერლობაზე არასდროს უოცნებია, თუმცა პროფესიონალური მუსიკალური განათლება ოჯახში აუცილებელი იყო. ტელევიზიაში პირველად 6 წლის ასაკში გამოჩნდა, როცა კომპოზიტორ მარიკა კვალიაშვილის საახალწლო სიმღერა შეასრულა. დიდ სცენაზე გამოსვლა კი 1980-ინი წლებიდან დაიწყო. გამორჩეულია დედასთან ერთად ნამღერი ცნობილი სიმღერები: „მინდვრად დაგიჭერ პეპელას“, „ერთხელ ამამღერე“, „გოგოვ, გოგოვ შავთვალა“, „მეფის ქალი“ და სხვა.
ყოველთვის ინტერესს წარმოადგენდა ეკას პირადი ცხოვრება. მისი პირველი მეუღლე გოგი საყვარელიძე იყო. მათი ურთიერთობა რვა წელს გაგრძელდა, გოგი ორი წელი ავადმყოფობდა და მალე გარდაიცვალა. ეკა 26 წლის ასაკში დაქვრივდა და ორი შვილი დარჩა - ლევანი და გოგი.
"18 წლის ასაკში ვიპოვე პირველი სიყვარული. მეგობრების წრეში გადაიკვეთა ჩვენი გზები. სახლში ვთქვი, ეს ადამიანი მიყვარს-მეთქი და გავთხოვდი. ალბათ მძიმე იყო ჩემი ოჯახისთვის. არავის გაუხარდება ასეთ ახალგაზრდა ასაკში შვილის გათხოვება. თუმცა, ხდება, რომ შვილი არ გიჯერებს და ვერ ერევი მას. მე გამიმართლა, რომ ჩემი მეუღლე, გოგი საყვარელიძე, ჩემზე 10 წლით უფროსი იყო, უკვე დაღვინებული გახლდათ. ძალიან ავადმყოფობდა და გარდაიცვალა. 26 წლის დავქვრივდი და ორი შვილი დამრჩა. ჩემი ბიჭები ნანის გაზრდილია, მათზე დიდი ამაგი აქვს" - იხსენებდა ეკა მამალაძე.
31 წლის ასაკში ეკას კვლავ ეწვია სიყვარული და მომღერალი ბიოლოგ მერაბ ქუთათელაძეს გაჰყვა ცოლად. მერაბი და ეკა პირველად ერთმანეთს მეგობარმა გააცნო, შემდეგ მათი გზები მოსკოვშიც გადაიკვეთა და რამდენიმე წელში საზოგადოებამ ეკა მამალაძის მეორე ქორწილის შესახებაც შეიტყო.
მალე მომღერალს ოცნების გოგო ეყოლა, 1991 წელს ნატალია ქუთათელაძე დაიბადა. როდესაც ნატალია 12 წლის იყო, ეკა და მერაბი დაშორდნენ. მომღერალს დაშორების მიზეზი არ გაუმხელია. როგორც თვითონ ამბობს, უბრალოდ ასე მოხდა და გადაწყვიტეს, ცალ-ცალკე ეცხოვრათ. ნატალიაზე მშობლების დაშორებას არ უმოქმედია.
- "ჩემთვის ყველაზე დიდი იმედგაცრუება ოჯახის დანგრევა იყო. ეს სტრესი საკუთარმა თავმა გადამატანინა. ასეთ დროს სხვა ვერაფერი გიშველის" - ამბობდა ეკა.
მას შემდეგ თამრიკო ჭოხონელიძისა და გია როინიშვილის სკანდალიც გახდა ცნობილი: ეკა მამალაძე და თამრიკო ჭოხონელიძის ქმარი, გია როინიშვილი, ერთმანეთს მალულად ხვდებოდნენ და ამ ურთიერთობას იქამდე მალავდნენ, სანამ თამრიკო გიას მობილურ ტელეფონს შეამოწმებდა და ბოლო განხორციელებულ ზარს ეკასთან ნახავდა. თამრიკოს თქმით, ამან ძალიან დააეჭვა და ნაცნობს მობილურიდან საუბრის ამოღება სთხოვა, რის შემდეგაც მისთვის ყველაფერი ნათელი გახდა. ამის შემდეგ გიას და თამრიკოს ოჯახი დაინგრა და მეგობრები, ეკა და თამრიკო, ერთმანეთს სამუდამოდ დაშორდნენ. როგორც ცნობილია, სწორედ ეკამ გააცნო თამრიკოს გია როინიშვილი.
მოგვიანებით, ჭოხონელიძემ მედიასთან საუბარში განაცხადა, რომ ეკა და გია ერთმანეთს ოლეგ მელნიკოვის გამო დაშორდნენ და მამალაძე უკვე მას ხვდებოდა. თუმცა ეკამ ეს ინფორმაცია უარყო.