რა არის ჩაკვეტაძის საყვარელი "გოჯი ბერი" და რატომ უმზადებს კონსტანტინე თედელური ფეხბურთელებს მას? - Marao

ჩვენს ქვეყანაში ბოლო რამდენიმე თვის მანძილზე ფეხბურთის გულშემატკივრები აქტიურად განიხილავდნენ სცენარებს, როგორ შეიძლებოდა განვითარებულიყო მოვლენები, რა შედეგებით შეიძლებოდა დასრულებილიყო მარტის შეხვედრები... სულ უფრო აქტიურად იწერებოდა "ისტორიული შანსის" შესახებ, რომელზეც თავდაპირველად, ალბათ, ბევრმა არაფერი იცოდა, თუმცა ამ საერთო მოლოდინმა ქვეყანა ერთ მუშტად შეკრა და უკვე 21 მარტისთვის, ქუჩაში გამვლელი, ალბათ, ნებისმიერი ადამიანი, დიდი თუ პატარა, გეტყოდათ, რას ნიშნავდა ჩვენი ნაკრებისთვის, ქვეყნისა და ხალხისთვის ჯერ ლუქსემბურგის, შემდეგ საბერძნეთის დამარცხება და 2024 წლის ევროპის ჩემპიონატზე გასვლა. 

აი, სწორედ ასე აღმოჩნდა, რომ 26 მარტის საღამოს, ქართველი ხალხის ნაწილი ბორის პაიჭაძის სახელობის "დინამო არენის" ტრიბუნებზე, ნაწილი ქუჩაში, საგულდაგულოდ დამონტაჟებული დიდი ეკრანების, ნაწილი კი სახლში - ტელეეკრანების წინ მოკალათდა. ფაქტი კი ერთი იყო - 26 მარტის საღამოს ქართველების აბსოლუტურმა უმრავლესობამ ეროვნული ნაკრების საგულშემატკივროდ ყველა საქმე გადადო და ამ მართლაც ისტორიული მატჩის საყურებლად მოემზადა. 

• არამხოლოდ მოედანზე, პირად ცხოვრებაშიც წარმატებულები - ვინ არიან ქართველი ვარსკვლავების უმშვენიერესი მეორე ნახევრები 
• "ჩანს, რომ ისინი თავმდაბლები არიან, ერთმანეთს პატივს სცემენ, გამარჯვებაც ლაღად და მსუბუქად, ცეკვით და სიმღერით მიიღეს" 

საქართველომ გაიმარჯვა და რაც შემდეგ მოხდა, ალბათ, ბევრი თქვენგანი თბილისის ქუჩებში საკუთარი თვალით ან სოციალური ქსელებით მაინც ნახავდა. გახარებულმა ფეხბურთელებმა გასახდელიდან "ლაივი" ჩართეს, სადაც ცეკვავდნენ, მღეროდნენ, ერთმანეთს ამ წარმატებას ულოცავდნენ. გასახდელში მათთან და სამწვრთნელო შტაბის სხვა წევრებთან ერთად, ნაკრების მთავარი შეფი, კონსტანტინე თედელურიც იმყოფებოდა. 

როგორც ცნობილია, შეფი კონსტანტინე ატქიურად ზრუნავს ფეხბურთელების სწორ კვებაზე და მათთვის შესაფერს კერძებს ამზადებს, რომელთა შორის გიორგი ჩაკვეტაძისთვის საყვარელი გოჯი ბერიც აღმოჩნდა. "შეფ, რა ჰქვია იმას? გოჯი ბერი. გო ჯი ბე რი, გო ჯი ბე რი..." - ისმის გასახდელიდან გამოქვეყნებულ კადრებში. 

ევროპის ჩემპიონატზე ასპარეზობა საქართველომ ჩეხეთთან და თურქეთთან მარცხით დაიწყო, თუმცა პორტუგალიასთან და მის ვარსკვლავთან, კრისტინო რონალდოსთან გამარჯვებით ჩვენი დებიუტანტი ქვეყანა ჯგუფიდან გავიდა და მერვედფინალში მოხვდა. 

სამწუხაროდ, საქართველოსთვის EURO 2024 30 ივნისს, ესპანეთთან მარცხით დასრულდა, თუმცა გერმანია ფეხბურთელებმა ამაყად დატოვეს - ზღაპრის ბოლო, ბევრი მიზეზის გამო,  ნამდვილად კეთილი აღმოჩნდა, თუმცა ყველამ ვიცით, რომ ეს ბოლო კი არა, რაღაც ახლის, რაღაც უფრო დიდის დასაწყისია. 

ამ საფეხბურთო ჟრიამულის კვალდაკვალ, მოგიყვებით, რა არის ჩვენი ვარსკვლავის, გიორგი ჩაკვეტაძის საყვარელი გოჯი ბერი და მის სასარგებლო თვისებებსაც გაგაცნობთ: 

რა არის გოჯი ბერი? 

გოჯი ბერი - Lycium barbarum-ის ან Lycium chinense-ის ტკბილი ნაყოფი, თეთრეკალას ორი მჭიდროდ მონათესავე სახეობა ძაღლყურძენასებრთა ოჯახისა.

ხილი მსგავსია, მაგრამ შეიძლება გამოირჩეოდეს განსხვავებული გემოთი და შაქრის შემცველობით. მის შესახებ პირველი ინფორმაცია გვხვდება დაახლოებით 4000 წლის წინ შანის დინასტიის ჩინურ ხელნაწერში, ხოლო მისი სამკურნალო თვისებები „სიცოცხლის ხის“ სახელით აღიწერა „სიმღერების წიგნში“ 2000 წლის წინ.

• სტადიონზე გადარჩენილი სიცოცხლე, რთული პერიოდი და დიდი დაბრუნება ნაკრებში - ჯაბა კანკავას ცხოვრების საინტერესო მომენტები 
• "იმ წამს ყველაფერზე და თან არაფერზე ვფიქრობდი, ხმაურიანი სიჩუმე იყო ჩემს ტვინში" - გადამწყვეტი გოლის ავტორის, ნიკა კვეკვესკირის ცხოვრება და კარიერა მოედანს მიღმა 

ჩანაწერებიდან ირკვევა, გოჯი ბერის სამკურნალო თვისებები პირველად ტიბეტელმა ბერებმა შენიშნეს. 2000 წლიდან გოჯი ბერი და მისგან მიღებული პროდუქტები გავრცელდა განვითარებულ ქვეყნებში, როგორც ჯანსაღი საკვები და ალტერნატიული მედიცინის საშუალება.

გოჯი ბერი არის მარადმწვანე ბუჩქი. მცენარის სიმაღლე აღწევს 3-3.5 მეტრს. ზევიდან ქვევით დაკიდებული ტოტები დაფარულია ნაცრისფერი კანით და ეკლებით. ფოთლები უბრალოა და აქვთ ელიფსის ფორმა.

გოჯის ყვავილები თეთრია და გადაჰკრავს ვარდისფერი. მწიფე გოჯის ნაყოფის ფორმა არის წაგრძელებული და აღწევს 1.5-2.0 სმ-ს. ნაყოფი საკმაოდ წვნიანია და შეიცავს საშუალოდ 10-30 წვრილ თესლს. ნაყოფის ფერი არის მოწითალო-მარჯნისფერი.

ყვავილობს მაისიდან სექტემბრის ჩათვლით, ნაყოფიერება - ივნისიდან ოქტომბრის ჩათვლით. მცენარე საშუალოდ უძლებს -25°C – 40°C ტემპერატურას.

გოჯი ბერის 40-მდე სახეობა არსებობს. აქედან მხოლოდ 2-ს (ჩინური, ტიბეტური) აქვს მაღალი კვებითი და სამკურნალო ღირებულება.

რატომ იყენებს შეფი კონსტანტინე გოჯი ბერს? 

გოჯი ბერი ერთ-ერთი ყველაზე ძვირფასი კენკროვანი მცენარეა და ჩინურად დღეგრძელობის ნაყოფს ნიშნავს. მას გააჩნია მრავალმხრივი სამკურნალო თვისებები და უამრავ სასარგებლო ნივთიერებას შეიცავს.

ვიტამინები: B1, B2, B6, E, C, კაროტინი

მიკროელემენტები: რკინა, თუთია, ფოსფორი, კალციუმი, კალიუმი, სელენი, სპილენძი, იოდი, მანგანუმი, ნიკელი, ქრომი, კობალტი, კადმიუმი, გერმანიუმი.

ანტიოქსიდანტები: ზაექსანტინი, ომეგა 3, ომეგა 6, ბეტა სიტოსტეროლი.

პოლისაქარიდები: LPB-1, LPB-2, LPB-3, LPB-4. პოლისაქარიდები რთული ნახშირწყლებია და წარმოადგენს ენერგიის ძირითად წყაროს, არ არის არცერთ სხვა საკვებ პროდუქტში. ორგანიზმში ისინი წარმოქმნება ნივთიერებათა ცვლის შედეგად.

ამ ჯიშის კენკრას მრავალი დადებითი თვისება ახასიათებს, როგორებიცაა: მხედველობის გაუმჯობესება, მეხსიერების უნარის დახვეწა, ღვიძლის ეფექტური მუშაობა, არის საუკეთესო გასახდომი საშუალება და გამოიყენება ორგანიზმიდან ცხიმების გამოსადევნად.

ამასთან ერთად, ნაყოფი ხშირად გამოიყენება სიმსივნის, დიაბეტის, ალცჰაიმერის, გულ-სისძარღვთა და სხვა დაავადებებთან საბრძოლველად.

ნაყოფი აუცილებლად კარგად უნდა დამწიფდეს. ნაყოფის წვენმა შეიძლება გამოიწვიოს კანის გაღიზიანება, ამიტომ მოსავლის აღებისას ჩაიცვით ხელთათმანები.

გოჯი ბერის სასარგებლო თვისებების შესახებ თავად შეფმა კონსტანტინემაც ისაუბრა: