გადაცემაში „მხოლოდ ლელასთან“ მაკა ზამბახიძე ქალიშვილთან, სალომე ჩიტაძესთან ერთად იმყოფებოდა.
მაკამ პირველ გათხოვებასა და მშობიარობაზე ისაუბრა.
„დედობა ჩემთვის მოულოდნელობა იყო. არ ვაპირებდი არც გათხოვებას და არც დედობას. მომიტაცეს. 18 წლის ვიყავი, სალომე რომ გაჩნდა. უნდა ვაღიარო, სალომე სამშობიაროში რომ დავინახე, არ მომეწონა. ჩემი თანმხლები ტკივილები მახლდა, მშობიარობის შემდგომი... იცი, როდის ვიგრძენი პირველად დედობა? სამშობიაროში, ბავშვთა პალატაში განწირული ხმით ტიროდა. არავინ არ იყო, შევვარდი და ხელში ავიყვანე. მაშინ ვიგრძენი პირველად მის მიმართ დედობრივი სიყვარული“, – იხსენებს მაკა ზამბახიძე.
"ბევრი ადამიანი მსაყვედურობს რატომ არ ვდებ მსგავს ვიდეოებს ჰოდა ვასრულებ პირობას" - რა ვიდეოს აქვეყნებს რატი დურგლიშვილი
"წარმოუდგენელია, რომ ბებია ხარ" - მაკა ზამბახიძის შთამბეჭდავი ფოტოები ულამაზეს შავ კაბაში
მაკა ზამბახიძის ბიოგრაფია
მაკა ზამბახიძე 1983 წლის 16 მარტს, თბილისში დაიბადა. 2005 წელს დაამთავრა სულხან-საბა ორბელიანის სახელობის უნივერსიტეტის (ახლანდელი ი. ჭავჭავაძის სახელობის უნივერსიტეტი) საგუნდო-სადირიჟორო ფაკულტეტი. სიმღერა 7 წლიდან დაიწყო, ჯილდოც დაიმსახურა - „ოქროს მართვე”, რომელიც ცნობილმა მომღერალმა ნუგზარ კვაშალმა გადასცა სიმღერისთვის „ამ პატარას, იმ პატარას“.
2007 წელს გაიმარჯვა პროექტში „იმედის ტალღა“. 2008 წელს წარმატებული აღმოჩნდა მისი მონაწილეობა პროექტში „ნუცას სკოლა“. 2008 წელს მომღერალ რატი დურგლიშვილთან ერთად შექმნა „დუეტი ჯორჯია“ და ფესტივალ „იურმალაზე” გაიმარჯვა. ხალხის სიყვარულმაც არ დააყოვნა და მას მერე მისი კარიერა უფრო და უფრო წინ მიიწევს.
ბოლო წლებია სოლო-კარიერით დაკავდა, თუმცა „დუეტი ჯორჯია“ ნამდვილი ტრამპლინი იყო. ერთ-ერთ წარმატებულ სინგლად სიმღერა „ესა-მესას“ ასახელებს. 2015 წელს წამყვანის ამპლუაშიც მოგვევლინა და ცნობილ ტელესახე და მსახიობ დუტა სხირტლაძესთან ერთად მიჰყავდა შოუ „ორი ვარსკვლავი“. დაწყებული აქვს მზადება სოლო-ალბომისთვის, ასევე ჩამოაყალიბა ბენდი „მაკა ზამბახიძე და ნონსტოპი“. აღსანიშნავია, რომ ბენდში ბექვოკალი მისი ქალიშვილი სალომე ჩიტაძეა. ბენდის პროდიუსერი კახა მამულაშვილია.
მაკა ზამბახიძის პირადი ცხოვრება
მომღერლის პირველი ქმარი მუსიკოსი ნოდარ ჩიტაძე იყო. ის ამჟამად ანსამბლ "აკაპელა-საქართველოს" სოლისტია და მოსკოვში ცხოვრობს. მაკას და ნოდარს ერთი ქალიშვილი, სალომე ჰყავთ.
მომღერლის მეორე ქმარი ბანკირი ვახო ჭუმბურიძე იყო. მათი ოჯახური ცხოვრება 5 წელზე მეტხანს გაგრძელდა. წყვილი ერთმანეთს 2015 წელს დაშორდა. ვახომ მეორედ იქორწინა.
მომღერალმა მაკა ზამბახიძემ და მისმა რჩეულმა მიხეილ ჩოხელმა ურთიერთობა 2020 წლის შუა პერიოდში გააოფიციალურეს. წვეულება ვიწრო წრეში გაიმართა და მხოლოდ ახლო მეგობრები ესწრებოდნენ. მაკა და მიხეილი რა ხანია ერთად ცხოვრობენ და თავს ძალიან ბედნიერად გრძნობენ. მათი ტანდემი ბევრს მოსწონს, გულშემატკივრობენ და თბილი სიტყვებით ავსებენ.