"ქართული გენის ზეიმი" - ნაცვლიშვილების ახალი ოჯახური კადრები - Marao

ცნობილი მოდელი ნინა ცქიტიშვილი სოციალურ ქსელში დიდი პოპულარობით სარგებლობს. ნინო "მის საქართველო 1997"-ისა და საქართველოში ერთ-ერთი ყველაზე წარმატებული სააგენტოს, Look Models-ის დამფუძნებელია. ის ასევე წარმატებული კალათბურთელის,  ვატო ნაცვლიშვილის მეუღლეა და მათ ოთხი შვილი ჰყავთ. ყველაზე უფროსს, თაკო ნაცვლიშვილს, საზოგადოება უკვე კარგად იცნობს.

ამჯერად ვატო ნაცვლიშვილი სწორედ მეუღლესა და ქალიშვილებთან ერთად გადაღებულ ფოტოს აქვეყნებს წარწერით: "ვატოს ანგელოზები" 

თაკო ნაცვლიშვილი ერთ-ერთი პირველი ქართველი მოდელია, რომელმაც მსოფლიოს წამყვან ბრენდებთან ითანამშრომლა.  მოდელობა 14 წლის ასაკში დაიწყო ქართულ სამოდელო სააგენტო „ლუქმოდელს მენეჯმენტში“. მისი ბრწყინვალე სამოდელო კარიერა ბევრი გოგონასთვის საოცნებო და იმედისმომცემია. როგორც თავად ამბობს, არასდროს არავის აზრს ყურადღება არ უნდა მიაქციო, რადგან თუ რამე გულით გინდა, აუცილებლად გამოგივა. თაკო პირველი ქართველი მოდელია, რომელმაც მაღალი მოდის პოდიუმზე გზა გაიკვალა და ითანამშრომლა ყველა იმ პრემიუმმარკის ბრენდთან, რომლებიც მსოფლიო მოდის ინდუსტრიაში ერთგვარ „ამინდს ქმნიან“.  

"ჩემი ცხოვრების ფავორიტი გოგო იუბილარია... მიყვარხარ" - მილოცვა ანა ნაცვლიშვილს და რომანტიკული კადრები სანდრო ჩიჩუასთან ერთად 

"როცა უცხოეთში ვარ, ადამიანები მენატრებიან, მეგობრები, ჩემი საყვარელი ადამიანი, ოჯახის წევრები..." - თაკო ნაცვლიშვილის გულახდილი ინტერვიუ საკუთარი ცხოვრების, ბრენდისა და კარიერის შესახებ 

ანა ნაცვლიშვილი დის, თაკო ნაცვლიშვილის მსგავსად, სამოდელო სფეროში ანაც წარმატებულია და ხშირად იღებს მონაწილეობას სხვადასხვა გადაღებაში. სოციალურ ქსელში ხშირად აღნიშნავენ, რომ ანას განსაკუთრებული გარეგნობა აქვს და მას დიდ წარმატებასაც უწინასწარმეტყველებენ. საზოგადოება ანას რჩეულს, სანდრო ჩიჩუასაც კარგად იცნობს, რადგან ის ასევე ცნობილი ექიმების, გიორგი ჩიჩუასა და ქეთი ასათიანის ვაჟია.

გუგა ნაცვლიშვილი მამის გზას მიჰყვება და კალათბურთელია, გასულ წელს ცნობილი გახდა, რომ საქართველოს 20-წლამდელთა ნაკრების წევრ გიორგი (გუგა) ნაცვლიშვილს კონტრაქტი გაუფორმა ლატვიურმა კლუბმა რიგა ზელიმ, რომელიც ესტონეთისა და ლატვიის გაერთიანებულ ლიგაში თამაშობს. გუგამ გასული სეზონები ესპანეთში, კანარიასის ახალგაზრდულ კლუბში გაატარა, ხოლო ივლისში საქართველოს 20-წლამდელთა ნაკრების ღირსებას იცავდა. 

ყველაზე უმცროსი, ანდრია ნაცვლიშვილი ჯერ სკოლის მოსწავლეა და რა გზას აირჩევს, უცნობია.