პირველი შვილი 21 წლის ასაკში, ორსულობისას მომატებული 6 კილოგრამი და გადამდები ღიმილი სახეზე - ლიზა ჩიჩუას ცხოვრების საინტერესო მომენტები - Marao

რამდენიმე დღის წინ ლიზა ჩიჩუა 22 წლის გახდა, რამდენიმე თვის წინ კი მას პირველი შვილი, გიორგი შეეძინა. ლიზას მეუღლე ტემეწამყვანი და ბიზნესმენი ირაკლი მაქაცარიაა, მშობლები კი ცნობილი ექიმები - გიორგი ჩიჩუა და ქეთი ასათიანი. 

ირაკლი მაქაცარია უკვე არაერთი წელია, რაც აქტიურად ჩანს ტელეეკრანებზე. ის სხვადასხვა პროექტის მონაწილის, ჟიურისა და წამყვანის ამპლუაში არაერთხელ მოგვევლინა და საზოგადოებას თავი მალევე შეაყვარა. რამდენიმე წლის წინ ცნობილი გახდა, რომ ირაკლი შეყვარებული იყო, მისი რჩეული კი ცნობილი ექიმების, ქეთი ასათიანისა და გიორგი ჩიჩუას ქალიშვილი ლიზა ჩიჩუაა. 

"როგორი მამა ვარ, ჩემს თავზე ვერ ვისაუბრებ, ძალიან რთულია სიტყვებით აღვწერო ეს გრძნობა. სამყარო სულ სხვა ფერებით დავინახე. რაც შეეხება ლიზას, ძალიან ყოჩაღია. იყო ახალგაზრდა დედა, თან სწავლობდე სამედიცინოზე, თან ასწრებდე ყველაფერს, ყურადღებას ყველას მიმართ, ლიზა არის არაჩვეულებრივი…" - ამბობდა ირაკლი მაქაცარია ცოტა ხნის წინ; მოგვიანებით კი აღნიშნა ისიც, რომ მეუღლის მშობიარობას თავად დაესწრო: 

"ლიზამ ფიზიოლოგიური გზით იმშობიარა. მეც დავესწარი მშობიარობას და ეს იყო ერთ-ერთი ყველაზე ემოციური მომენტი ჩემს ცხოვრებაში. დედები ხართ ნამდვილი გმირები, გულწრფელად ვამბობ ამას" - აღნიშნა ირაკლი მაქაცარიამ. 

• ქართველი ვარსკვლავები, რომლებსაც სამი და მეტი შვილი ჰყავთ 
• "არ უნდა ოჯახის წევრები, განსაკუთრებით, დედა, ანერვიულოს და პრობლემებზე არ საუბრობს.... ურჩევნია საკუთარ თავში ჩაიკეტოს ან მეგობრებთან ილაპარაკოს" - ვინ არიან ირაკლი მაქაცარიას მშობლები და რატომ არ ჩნდებიან საზოგადოებაში? 

ლიზა ჩიჩუა და ირაკლი მაქაცარია 

ლიზას ირაკლიმ ხელი მეგობრებისა და ოჯახის წევრების თანხლებით, სპეციალურად მოწყობილ გარემოში 2022 წლის აპრილში სთხოვა. უმშვენიერესი ლიზა, რასაკვირველია, თხოვნას დათანხმდა და წყვილის ქორწილი იმავე წლის ივლისში გაიმართა. მათ ჯვარი სამების საკათედრო ტაძარში დაიწერეს. წყვილს 2-2 მეჯვარე ჰყავდა, საკურთხევლამდე კი ლიზა მამამ მიაცილა. ქორწილს ლიზას და ირაკლის ოჯახი და მეგობრები ესწრებოდნენ. მათ შორის უამრავი ცნობილი წყვილი და ტელესახე იყო, რომლებმაც ცნობილი დიზაინერების სამოსი მოირგეს.

2023 წლის 2 ივნისს ლიზა და ირაკლი პირველი შვილის, გიორგი მაქაცარიას მშობლები გახდნენ. მშობლები ახალშობილის საჯაროდ გამოჩენას ერიდებიან, თუმცა მის ფოტოებს დაფარული სახით მაინც აქვეყნებენ და მეგობრებისგან დიდ სიყვარულს იმსახურებენ.

ლიზამ „ინსტაგრამზე“ გამომწერების შეკითხვებს უპასუხა. 

მან აღნიშნა, რომ ორსულობისას მხოლოდ 6 კილოგრამი მოიმატა და ეს არა დედის, ქეთი ასათიანის რეკომენდაციების, არამედ, უფრო მეტად, მეტაბოლიზმის შედეგია. მან ისიც თქვა, რომ დეპრესია არასდროს, მათ შორის, არც მშობიარობის შემდეგ არ ჰქონია.

ლიზა შვილის, გიორგის შესახებაც წერს და ამბობს, რომ ის უკვე 8 თვისაა და ჰყავს ძიძა, რომელიც ლიზას ყოველდღიურად ეხმარება. ლიზამ განმარტა ისიც, რომ მაქსიმალურად ცდილობს, შვილი სოციალურ ქსელს მოარიდოს და სწორედ ამიტომ არ აქვეყნებენ მის ფოტოებს.