"ანუკისაც მე ვიღებდი, კახა კალაძესაც... მე ჩემით ვთქვი უარი მათ ფოტოგრაფობაზე. არქივში კიდევ ბევრი ფოტო მაქვს" - მარიამ ნაკანი - Marao

ცნობილი ფოტოგრაფი მარიამ ნაკანი საკუთარ პოზიციას ქვეყანაში მიმდინარე მოვლენებისა და „უცხოური გავლენის გამჭვირვალობის კანონის შესახებ“ აქამდეც ღიად აფიქსირებდა. ის წინააღმდეგია ამ კანონის და საჯარო პირებს, მათ შორის, თბილისის მერს, კახა კალაძეს, აქციიდან საჯაროდაც მიმართა. მაშინ ნაკანი კალაძეს სთხოვდა, რომ ეს კანონი პარლამენტს უკან გაეწვია. 

ამჯერად მარიამ ნაკანი სოციალურ ქსელში ვრცელ პოსტს აქვეყნებს: 

"კალა, როგორ მიყვარდი... ჩემო გამომწერებო, ჩემს ფოტოებს თვალს თუ გადაავლებთ, მიხვდებით, რამხელა სითბოთი ვიღებდი მას. მაშინ მეც მჯეროდა, რომ საქართველოს ეშველება. პირადად ვიყავი ბატონი ღარიბაშვილის ფოტოგრაფი რამდენიმე წლის მანძილზე. ანუკისაც მე ვიღებდი, კახა კალაძესაც, მაგრამ როცა გავრილოვი დასვეს პარლამენტში, მე ჩემით ვთქვი უარი მათ ფოტოგრაფობაზე. არქივში კიდევ ბევრი ფოტო მაქვს. შეგახსენებთ, 22 წელია, ვემსახურები ჩემს ქვეყანას, როგორც ფოტოგრაფი.

მიხარია, რომ უმეტესობამ სწორად აღიქვით ჩემი შეშფოთება დღევანდელი სტატუსით, სადაც ნათია ღაჭავას პოსტი გავაზიარე. იყო რამდენიმე ბრალდებაც, რომ მე ძალით “ვაშავებ” ამ პიროვნებას.

• "არა რუსეთს და არა ყველაფერს, რაც საქართველოს რუსეთისკენ მიაქანებს" - ეროვნული ნაკერების მოთამაშეები რუსული კანონის წინააღმდეგ 

მარტივად გიპასუხებთ: ნათია ღაჭავა ჩემი “კონკურენტი” არც არასდროს ყოფილა და არც იქნება, რადგან სულ სხვადასხვა სამიზნე აუდიტორია გვყავს. ის რუსებზე მუშაობს, მე - არა. მე სხვა სახის კონტენტს ვქმნი, ის - სხვას. მას რუსებმა ასწავლეს, მე - გურამ წიბახაშვილმა.

გაჟღერდა ასევე ის აზრი, რომ მე ვინმეს ვაბულინგებ. ეს ბულინგი არაა, მე ჩემს თავისუფალ აზრს გამოვხატავ. მის პოსტში იყო ძალიან ძალადობრივი მესიჯები გაჟღერებული, რაც, როგორც ამ აქციების მონაწილემ და 2 შვილის დედამ, ძალიან მძაფრად აღვიქვი. ვციტირებ:

“ქართულმა ოცნებამ რადიკალებს თავის დროზე არ გასცა სათანადო პასუხი, ამჯერად გამოასწორებენ” - ეს არის ძალიან არასწორი და საშიში განცხადება იმ ფონზე, რომ აქციის მონაწილეებს ხან გაზი გვაყლაპეს, ხან რეზინის ტყვიები გვესროლეს და ხან წყლის ჭავლი დაგვიშინეს. ნებისმიერი ადამიანის ასეთ ძალადობრივ პოსტს საჯაროდ გამოვფენ აუცილებლად.

“ილუზია შეგექმნათ, რომ ბევრი ხართ, რეალურად არ ხართ” - ამას მარტივად ვუპასუხებ. კი, ბევრი ვართ და რაც უფრო მეტი ადამიანი დაველაპარაკებით ჩვენ გარშემო უფროსს თაობას და ავუხსნით არგუმენტირებულად, რატომ არის ეს კანონი რუსული, კიდევ უფრო ბევრი ვიქნებით! ვიდეოებს დაგილინკავთ, სადაც კარგად არის ახსნილი ყველაფერი.

არა ძალადობის მომწოდებელ განცხადებებს!

ახლა პოლიტკორექტულობის და “კოლეგიალობის” დრო არ არის. ყველა, ვინც ასეთ ამორალურ განცხადებებს აკეთებს, საჯაროდ გამოსაჩენია! და ვისაც არ მოგწონთ ჩემი ემოციურობა და პირდაპირობა, გააუქმეთ ჩემი გამოწერა", - წერს მარიამ ნაკანი. 

• "ჩემი ოჯახი აფხაზეთიდანაა, დაკარგეს სახლი, მეგობრები, ცხოვრება..." - ვინ არის გოგო საქართველოს დროშით 

დაზუსტებისთვის, მარიამ ნაკანი თავის პოსტში ასევე ფოტოგრაფ ნათია ღაჭავას შესახებ საუბრობს. ნათია სოციალურ ქსელში, "ფეისბუკზე", "ინსტაგრამსა" და "ტიკ-ტოკზე" ცნობილი სახეა. მასთან არაერთ ცნობილ სახეს უთანამშრომლია. გარდა ფოტოგრაფობისა, ნათია ინფლუენსერობასაც ითავსებს და საკუთარ გამოცდილებას სხვებსაც უზიარებს. 

ცოტა ხნის წინ ნათიამ საჯარო პოსტი გამოაქვეყნა, სადაც წერდა, რომ ის  „უცხოური გავლენის გამჭვირვალობის კანონის" მომხრეა: