TOP 10 კაბა მაკა კვიციანის გარდერობში და გამორჩეული ვარცხნილობა - Marao
TOP 10 კაბა მაკა კვიციანის გარდერობში და გამორჩეული ვარცხნილობა
მაკა კვიციანს სოციალურ ქსელში ბევრი იცნობს. ის ცნობილი ქართული ბრენდის, Dalood-ის კრეატიული დირექტორია. მაკა რამდენიმე წლის წინ პოპულარულ კულინარიულ შოუში იღებდა მონაწილეობას, მოგვიანებით კი ერთ-ერთი პროექტის ჟიურის წევრიც იყო. მას შემდეგ მის მიმართ ინტერესი და ყურადღება უფრო მეტად გაიზარდა. მაკა პირად თუ ოჯახურ ფოტოებს „ინსტაგრამზე“ ხშირად აზიარებს და გამომწერებისგან ყოველთვის დადებით შეფასებას იღებს.
განსაკუთრებულ მოწონებას კი მაკა კვიციანის სტილი და გემოვნება იმსახურებს. ის თითქმის არასდროს ჩნდება სპორტული სამოსით, შესანიშნავად ირგებს კლასიკურ სტილს და ხშირად ხდება სხვა ქალებისთვის შთაგონების წყაროც.
მაკას სამი ვაჟი ჰყავს. მისი მეუღლე კი ბიზნესმენი შოთა ბერეკაშვილია, რომელიც 2017 წლიდან "მ² უძრავი ქონების" მმართველი პარტნიორი და მშენებლობის მენეჯმენტის მიმართულების ხელმძღვანელია.
მაკა კვიციანის სტილი
მაკა კვიციანის სტილზე საუბრისას, პირველ რიგში, მისი ვარცხნილობა უნდა აღვნიშნოთ, რომელსაც დიზაინერი უკვე რამდენიმე წელია, რაც ატარებს. მოკლე წინამო და კარე - მის დამახასიათებელ ნიშნად იქცა. მაკა ადრე ქერა თმას ატარებდა, თუმცა ახლა არჩევანი ბუნებრივ ყავისფერზე შეაჩერა. თმის ფორმისა და ფერის ეს კომბინაცია სახის ნაკვთებს უკეთესად გამოკვეთს და მას უფრო მეტად ახალგაზრდულ იერს ანიჭებს.
გარდა ვარცხნილობისა, მაკას გამორჩეული გარდერობიც აქვს - ის ხშირად ირჩევს მკვეთრ ფერებს, ფერად სამოსს, უყვარს როგორც კლასიკური, ისე სპორტული სტილი და მათ კომბინაციასაც არ ერიდება. ქვემოთ გთავაზობთ მაკა კვიციანის 10 ყველაზე გამორჩეულს ლუქს:
