"მიყვარხარ, მენატრები" - სოფო ნიჟარაძე მამასთან ერთად გადაღებულ ფოტოს აქვეყნებს - Marao

მომღერალ სოფო ნიჟარაძის ქალიშვილი, პატარა ელის-მარია სააკაშვილი, საზოგადოების ყურადღების ცენტრში დიდი ხანია მოექცა. მისი ვიდეოები სოციალურ ქსელში ყოველთვის დიდ მოწონებასა და სიყვარულს იმსახურებს. სოფოც კადრებს შვილის ყოველდღიურობიდან ხშირად აქვეყნებს. ამჯერადაც გამომწერებს ერთ-ერთ მათგანს უზიარებს.

მომღერალი სოფო ნიჟარაძე სოციალურ ქსელში აქტიურია და ხშირად აქვეყნებს როგორც საკუთარ, ისე შვილის, ელის-მარიას ფოტოებსა და ვიდეოებს. უსაყვარლესი ალისა საზოგადოებაში უკვე პოპულარულია და ყოველთვის უამრავ კომპლიმენტს იმსახურებს. 

სოფო ნიჟარაძე ფართო საზოგადოებამ წლების წინ გაიცნო და შეიყვარა. ის არის ქართველი მომღერალი, მსახიობი და სიმღერების ავტორი. სოფომ შეასრულა ჯულიეტას როლი მიუზიკლ „რომეო და ჯულიეტას“ რუსულენოვან ვერსიაში. 2005 წელს რუსეთის სახელით მონაწილეობდა „ახალ ტალღაში“, სადაც მე-7 ადგილი აიღო. 

• "ჩემი ევროპული საქართველო აქ არის” - სოფო ნიჟარაძე პარლამენტთან გამართულ აქციას ესწრებოდა 
• ვიდეო: სოფო ნიჟარაძისა და გიორგი ვარდოსანიძის შესანისნავი დუეტი სპექტაკლიდან "შეყრა" 

2010 წლის მაისში წარადგინა საქართველო "ევროვიზიის" კონკურსზე სიმღერით „Shine“, ქულათა საერთო ჯამში მე-9 ადგილზე გასვლით. დაამთავრა რუსეთის თეატრალური ხელოვნების აკადემია.

შვიდი წლის ასაკში სოფო ჯანსულ კახიძემ შეამჩნია და მიიწვია ფილმში "იავნანამ რა ჰქნა", სადაც მან ცნობილ ქართველ მომღერალ თამრიკო ჭოხონელიძესთან ერთად იმღერა. ამავე პერიოდში სოფო მიიწვიეს საბავშვო სტუდიაში, "ბასტი-ბუბუს" სოლისტად, სადაც მან შეასრულა არაერთი წამყვანი პარტია სპექტაკლებში, შოუებსა და ტელეპროექტებში. ცხრა წლის ასაკში სოფომ საფრანგეთის საელჩოს წვეულებაზე შეასრულა მსოფლიო ჰიტი "Sous Le Ciel De Paris". ფრანგი ჟურნალისტი ბერნარ პივო აღფრთოვანებული დარჩა სოფოს ვოკალური მონაცემებით და იგი თავის გადაცემაში TV5 მიიწვია.

სოფოს დებიუტი ქართველი მსმენელის წინაშე 2009 წლის ივლისში ამერიკის ვიცე-პრეზიდენტისთვის, ჯოზეფ ბაიდენისთვის მიძღვნის ოფიციალურ საღამოზე შედგა.

2010 წელს "საზოგადოებრივმა მაუწყებელმა" ნიჟარაძე 2010 წლის "ევროვიზიის" კონკურსზე საქართველოს წარმდგენად დაასახელა. იმ წელს საქართველო "ევროვიზიის" კონკურსზე ქულათა საერთო ჯამით მეცხრე ადგილზე გავიდა.

სოფო ნიჟარაძე თავადთა საგვარეულო ნიჟარაძეების წარმომადგენელია. სოფო პირველი იყო, ვინც ოჯახში სიმღერა პროფესიად აირჩია. დედა (ქეთი ნიკოლეიშვილი) და მისი წინაპრები ექიმები არიან, მამა (კახაბერ ნიჟარაძე) ინჟინერი იყო.

სოფოს მამა 10 წლის წინ გარდაიცვალა. ამჯერად მომღერალი სწორედ მამასთან ერთად გადაღებულ ფოტოს აქვეყნებს: