"მადლობა ტელეკომპანია "იმედს" მოცემული შესაძლებლობებისთვის - ბევრი იყო ასეთი, ამიტომ მ ა დ ლ ო ბ ა!
თუმცა მიმდინარე ყოველდღიური მძიმე მოვლენების ფონზე, რამდენიმეკვირიანი ორმხრივი მცდელობის მიუხედავად, ვთვლი, რომ ჩვენი თანამშრომლობა შევიდა ჩიხში. მოცემულ ეტაპზე ვერ ვხედავ საკუთარ თავს ვერცერთ არხზე, ამიტომ ასე დასრულდა ეს ამბავი აქ და ახლა...
აქვე, მინდა გამოვრიცხო ყველანაირი შესაძლო არასწორი თუ პრიმიტიული ინტერპრეტაცია. მიუღებელია! ნებისმიერი მხრიდან! ყველა ტიპის რადიკალური, ძალადობრივი, ისტერიული, ერთმანეთის უმოწყალო, უპირობო "გასამართლება-გამათრახებაზე" აგებული კამპანიები ყველგან, მათ შორის, სოც ქსელში. აღარაფერს ვამბობ იმაზე, რაც ქუჩებში ხდება ბოლო დღეებია.
ჩვენი ემოციურობა, რაოდენ გულწრფელი, პატრიოტული მოტივებიც არ უნდა იდგეს ამის უკან, არც ერთ მხარეს არ გვათავისუფლევს პასუხისმგებლობისგან ასეთ დროს გვესმოდეს მნიშვნელობა ყოველი სიტყვის, რომელიც კიდევ უფრო ძაბავს და აპირისპირებს ადამიანებს.
დაბოლოს, როცა გადაწყვეტილებას გააზრებულად იღებ, შეფასებებს გარედან აღარ ელი, ამიტომ, უბრალოდ, გიზიარებთ ამ ინფორმაციას და აქვე უდიდეს მადლობას ვუხდი მაყურებელს, მომიწევს გავიხსენო, საერთოდ რა ხდებოდა თქვენამდე და უთქვენოდ" - წერს ტელეწამყვანი ეკატერინე ამირეჯიბი სოციალურ ქსელში მას შემდეგ, რაც ტელეკომპანია "იმედის" დატოვების გადაწყვეტილება მიიღო.
მანამდე ეკა ხშირად წერდა ქვეყანაში მიმდინარე მოვლენების შესახებ და საკუთარ პოზიციას ღიად აფიქსირებდა ე.წ. აგენტების კანონის შესახებ:
"როდესაც ძ ა ლ ა უ ფ ლ ე ბ ი ს სიყვარული გადაწონის სიყვარულის ძალაუფლებას ასე ხდება. ყრუ კედელი… რომელიც თითქოს ადამიანების ხმას აღარ ატარებს.“მშვიდობის ქალაქს”, “ევროპულ ქალაქს” როგორც თვითონ უწოდებთ ხოლმე ხშირად, შეგიძლიათ თქვენ თვითონ დაუბრუნოთ სიმშვიდე, დაუბრუნოთ გაზაფხული, სტუდენტები კი დაუბრუნოთ ლექციებს აუდიტორიებში პირველ რიგში, თქვენ ხართ ვალდებული ამ ბეწვის ხიდზე რაც დღეს შეიქმნა, ყველაზე ფრთხილად და უსაფრთხოდ გაატაროთ საკუთარი მოქალაქეები - საქართველოს მთავრობა", - წერდა ეკა 1-ელ მაისს.
უმშვენიერესი ეკა ამირეჯიბი უკვე წლებია, რაც ტელეეკრანებზე ჩანს. ის დილის გადაცემების, მეგაშოუებისა და საკუთარი გადაცემის წამყვანის ამპლუაში ვიხილეთ.
"პირველი სერიოზული ტელეგამოცდილება "რუსთავი 2-"ში მივიღე, ეს იყო კორესპონდენტობა, წამყვანობა, ლაივში მუშაობის რეჟიმი, სირთულეები, ბევრი რამ გამოვცადე... რადიომაც მნიშვნელოვნად შემიწყო ხელი, ჩემი პირველი სამსახური სპორტული რადიო "ჯაკო" იყო, რომელშიც ცოტა ხანს ვიმუშავე, შემდეგი რადიო "ფორტუნა". რადიოგამოცდილება მნიშვნელოვანი შეღავათია და კარგი ტრამპლინია შემდეგი ნაბიჯებისთვის. სიმართლე რომ ვთქვა, არ მინერვიულია იმაზე, როგორ ვისაუბრებდი, ამბავს როგორ მოვყვებოდი, მოკლედ, კარგი მოსამზადებელი პერიოდი გავიარე" - ამბობდა ეკა.
ეკა ამირეჯიბი დაქორწინებული იყო გიორგი სიბაშვილზე, თუმცა წყვილი ერთამენთს 2016 წელს დაშორდა. ეკამ "იმედის" დატოვების შემდეგ, თქვა, რომ საკუთარ თავს ვერც ერთ ტელევიზიაში ხედავს.