ჩავარდნილი ლოყები და უჩვეულოდ გამხდარი წელი - ეს ორი რამ აშკარად თვალშისაცემი იყო იმ ვარსკვლავების გარეგნობაში, რომლებმაც 2024 წლის Met Gala-ზე წითელ ხალიჩაზე გაიარეს. თაყვანისმცემლები განსაკუთრებულად 54 წლის ჯენიფერ ლოპესის ფიზიკურმა მონაცემებმა აღაშფოთა. მას "ზედმეტად გამხდარიც" კი უწოდეს.
უცხოური მედია წერს, რომ ჯეი ლოს გარეგნული ცვლილება, რაც ძირითადად, წონაში კლებაში აისახა, შესაძლოა, "ოზემპიკის" დამსახურება იყოს. შეგახსენებთ, რომ ეს არის წამალი, რომელიც რამდენიმე წელია პოპულარულია, როგორც წონაში დასაკლები საშუალება, რეალურად კი მისი მოხმარება მხოლოდ მეორე ტიპის დიაბეტის მქონე ადამიანებისთვის არის სასურველი, ისიც ექიმის დანიშნულებით.
ვერსია, რომ შესაძლოა ჯენიფერ ლოპესი "ოზემპიკს" მოიხმარდეს, პირველად გასულ თვეში გავრცელდა, მას შემდეგ, რაც სოციალურ ქსელში მომღერალმა გამოაქვეყნა ფოტო, სადაც მჭიდროდ მორგებული თეთრი კაბა აცვია.
თაყვანისმცემლები ვარსკვლავის წონაში ასეთმა სწრაფმა კლებამ გააოცა. ისინი კომენტარებში ეკითხებოდნენ, თუ როგორ დაიკლო ასე სწრაფად. მომხმარებლებმა აღნიშნეს, რომ არასოდეს უნახავთ ის ასეთი გამხდარი, ხოლო ერთ-ერთმა მათგანმა დაწერა, რომ ვარსკვლავის დედა მოიხმარდა Ozempic-ის ინიექციას, რადგან მას დიაბეტი აქვს და "ჯეი ლო კი იღებს ისე, თითქოს უბრალოდ ტკბილეული იყოს..."
ჯენიფერ ლოპესი არ არის ერთადერთი ვარსკვლავი, რომელიც ეჭვმიტანილია Ozempic-ის გამოყენებაში წონაში დასაკლებად. იგივე კითხვა ისმის კიმ კარდაშიანის მისამართით, რომელმაც 2022 წელს წონაში ძალიან სწრაფად დაიკლო და წელს Met Gala-ზე არაბუნებრივად გამხდარი წელით გამოჩნდა. ცნობილია, რომ „ოზემპიკს“ მოიხმარდნენ კრისტინა აგილერა და ნასტია ივლეევაც. თუმცა ყველა ცნობილი სახე არ არის მზად აღიაროს, რომ დიაბეტის წამალს იყენებენ. ამ დროს საზოგადოებას აჯერებენ, რომ თითქოს იდეალურ წონას ვარჯიშითა და დიეტის საშუალებით მიაღწიეს.
ეს არ არის პირველი შემთხვევა, როდესაც კიმ კარდაშიანი „ოზემპიკის“ სკანდალში გაეხვია. 2022 წელს, როდესაც მერლინ მონროს კაბა ჩაიცვა. მაშინ ვარსკვლავმა სამ კვირაში 16 კილოგრამი დაიკლო.
იგი ამტკიცებდა, რომ სპეციალური დიეტა დაიცვა და მხოლოდ ბოსტნეულსა და ცილებს მიირთმევდა. ასევე ვარჯიშობდა სარბენ ბილიკზე და დღეში ორჯერ სარგებლობდა საუნით.
"ოზემპიკის" შესახებ საქართველოში საჯაროდ პირველად ექიმმა და მიხეილ სააკაშვილის წარმომადგენელმა სოფო ჯაფარიძემ ისაუბრა. - მესამე ბავშვის გაჩენის შემდეგ დისკომფორტი მქონდა, წონაში კლება გამიჭირდა, დაახლოებით ათი კილო მქონდა ზედმეტი. ასეთი გამხდარი, როგორიც ახლა ვარ, არასოდეს არ ვყოფილვარ, არცერთ ასაკში, მაგრამ ამაზე 8 კილოთი მეტი ვიყავი მინიმუმი, რაც აქამდე ვყოფილვარ. დიახ, ზედმეტი მომივიდა.
შემდეგ გავიგე პრეპარატის შესახებ, ეს არის კანქვეშა ინიექცია, რომელიც ინიშნება დიაბეტის დროს. მე სრულიად არაექიმურად მოვიქეცი, რასაც დღეს ძალიან ვნანობ. ორი თვე ვიკეთებდი და საოცარი შედეგი მქონდა. მომენტალური კლება დავიწყე. მაგრამ ყველაზე ასე არ არის. დედაჩემი იკეთებს, მაგრამ გრამი არ აქვს დაკლებული.