ცნობილი თურქული სერიალის, „შერბეთის“ ერთ-ერთი მთავარი გმირი, ომარი, რომლის როლსაც ბარიშ კილიჩი ასრულებს, გადაცემაში „ნოესთან“ იყო სტუმრად. ბარიშმა ნოესთან პირადი ცხოვრებისა და კარიერის შესახებ ისაუბრა და ქართველებსაც მიმართა:
„ყველას, ყველას, ვინც საქართველოდან გვიყურებს, ვუხდი ძალიან დიდ მადლობას. ძალიან მიყვარხართ და მადლობას გიხდით ჩვენი სერიალის ყურებისთვის“, - თქვა მან.
ბარიშ კილიჩი პოპულარული თურქული მელოდრამებით გახდა. მსახიობს უამრავი თაყვანისმცემელი ჰყავს, როგორც სამშობლოში, ასევე სხვა ქვეყნებშიც. საქართველოში კი განსაკუთრებული ყურადღება მას შემდეგ დაიმსახურა, რაც ეკრანებზე სერიალი "შერბეთი" გამოვიდა.
ბარიშ კილიჩი 1978 წლის 21 თებერვალს მალათიის პროვინციის ქალაქ არგუვანში, პედაგოგების ოჯახში დაიბადა. ბიჭი ხუთი წლის იყო, როდესაც მისი მშობლები საცხოვრებლად სტამბოლში გადავიდნენ. საშუალო სკოლის დასრულების შემდეგ მომავალმა ვარსკვლავმა თურქეთის უნივერსიტეტში ეკონომიკური განათლება მიიღო.
განათლების მიღების შემდეგ კილიჩი აშშ-ში გაემგზავრა, სადაც რამდენიმე წელი იცხოვრა. სამშობლოში დაბრუნებულმა კი სტამბოლის იედითეფეს უნივერსიტეტის სამაგისტრო პროგრამაზე გააგრძელა სწავლა, პარალელურად, დაინტერესდა კინოთი. მალე მომავალი მსახიობი რეკლამაში გადაიღეს. იმდენად მოეწონა კამერასთან მუშაობა, რომ გადაწყვიტა სამსახიობო კარიერა დაეწყო.
ბარიში კინოში პირველად 26 წლის ასაკში გადაიღეს. ეს იყო სატელევიზიო დრამა "ჩემი შვილები", სადაც ეპიზოდური როლი ითამაშა. მალე მისი ფილმოგრაფია რამდენიმე სერიალით შეივსო, თუმცა წარმატება ჯერ კიდევ წინ იყო, ეპიზოდურ როლებში მსახიობი თაყვანისმცემლებმა ვერ შეამჩნიეს.
კილიჩის კარიერაში გარდამტეხი მომენტი 2011 წელს დადგა, როდესაც სერიალში "მე მას ფერიჰა ვუწოდე" გადაიღეს. მასთან ერთად მონაწილეობდნენ მეთინ ჩეკმეზი, ჩაღათაი ულუსოი, დენიზ უღური, ვაჰიდე პერჩინი. მსახიობი 58 ეპიზოდში გამოჩნდა და აქედან დაიწყო მისი წარმატება სერიალების სამყაროში. მისით ცნობილი თურქი რეჟისორები დაინტერესდნენ და მალე ბარიშზე ნადირობა გამოცხადდა.
2022 წელს ეკრანებზე „შერბეთი“ გამოვიდა, სადაც ბარიში ომერ უნალის როლს თამაშობს. სერიალმა ბარიშს მსოფლიოს არაერთ ქვეყანაში მოუტანა პოპულარობა.
ბარიშმა 2007 წელს იქორწინა აიშეგულ აკმედირზე. ქალს არაფერი აქვს საერთო კინოსთან, ბარიშზე ქორწინების დროს ტურისტულ სააგენტოში მუშაობდა. წყვილი ორ ვაჟს, ბატუსა და ემირს ზრდის. ბარიში ცნობილია, როგორც სანიმუშო ქმარი და მამა. ის არასოდეს გახვეულა პირად ცხოვრებასთან დაკავშირებულ სკანდალებში.