ჭაღარა თმა წლის ყველაზე პოპულარული ტრენდია - Marao
ჭაღარა თმა წლის ყველაზე პოპულარული ტრენდია
კოლუმბიის უნივერსიტეტის მკვლევრებმა შექმნეს კომპიუტერული მოდელი, თუ როგორ ხდება თმის გათეთრება ასაკთან ერთად და სტრესული მოვლენების საპასუხოდ.
თავდაპირველად მათ აღმოაჩინეს 323 ცილა, რომლებიც აჩვენებენ იყო თუ არა თმა ნაცრისფერი, თეთრი ან შეღებილი მისი ისტორიის ნებისმიერ მომენტში. შემდეგ მათ ამოიღეს 14 მონაწილის ფერადი და ნაცრისფერი თმა, რომლებმაც ჩამოთვალეს და შეაფასეს მათი ცხოვრების სტრესული მდგომარეობა გასული წლის განმავლობაში. ჩვენ ვიცით, რომ არსებობს კავშირი ჭაღარასა და მაღალ სტრესს შორის. შეიძლება მართალი იყოს, რომ სტრესის მოცილებამ თმის ბოჭკოებს ფერი დაუბრუნოს. ამაზე კი ღეროვანი უჯრედები მოქმედებენ.
ღეროვანი უჯრედები სულ უფრო ხშირად გამოიყენება სამედიცინო თერაპიის ფართო სპექტრში. მაგრამ თმა შედარებით ახალი სფეროა ღეროვანი უჯრედების კვლევისთვის. მომავალში შეიძლება განვავითაროთ ახალი ღეროვანი უჯრედების თერაპია, რათა აღვადგინოთ ჩვენი მელანინი ასაკშიც კი.
ახალი ტენდენციების მიხედვით, ბუნებრიობა ყველაზე მოდურია. მათ შორის, ჭაღარა თმა უფრო და უფრო აქტუალური ხდება. მსოფლიო ვარსკვლავებიც უარს ამბობენ თმის შეღებვაზე და ბუნებრიობას დიდ უპირატესობას ანიჭებენ.
სარა ჰარისი
“ერთ დღეს მამაჩემის მანქანის წინა სავარძელში ვიჯექი და სარკეში წამწამებს ვიღებავდი, როცა უეცრად ჩემს მუქ თმებში რაღაც ვერცხლისფერი შევნიშნე. მაშინვე მივხვდი, რომ ჭაღარა იყო. ამ დროს მხოლოდ 16 წლის ვიყავი. გამახსენდა, რომ დედაჩემიც საკმაოდ ნაადრევად გაჭაღარავდა. თავიდან თმას წაბლისფრად იღებავდა, მერე კი სალონში ხშირი სტუმრობა მობეზრდა და შეღებვაზე უარი თქვა.“
სარას თქმით, იმ მომენტიდან დედის სახლიდან არც ერთი გასვლა არ დასრულებულა უცხო ადამიანების კომპლიმენტების გარეშე. ზოგიერთი მის ნაცრისფერ კულულებზე შეხებასაც კი სთხოვდა - ეს თმის ფერი ხალხს ძალიან იშვიათად ეჩვენებოდა.
1990-იან წლებში დიდი აჟიოტაჟი იყო მოდელ კრისტენ მაკმენამის პიროვნების ირგვლივ, რომელმაც ნაცრისფერი თმის წყალობით არნახული პოპულარობა მოიპოვა. მან უამრავი სამუშაო შეთავაზება მიიღო და თავისი გარეგნობით ახალი ტრენდი დააწესა. ამას16 წლის სარაზე არავითარი შთაბეჭდილება არ მოუხდენია - სანამ კრისტენი მრავალმილიონიან კონტრაქტებს აწერდა ხელს, ჰარისი მეგობრებთან ერთად თმის ფერის შეღებვას ცდილობდა.
ახლა სარას (სხვათა შორის, ჰარისი მალავს თავის ნამდვილ ასაკს, ცნობილია მხოლოდ ის, რომ ამ მომენტში ის 41 ან 42 წლისაა) მოსწონს თავისი გრძელი ნაცრისფერი თმა. მაგრამ მიუხედავად ყველაფრისა, მაინც აღიარებს, რომ მისი ტარება საკმაოდ რთულია: რა თქმა უნდა, ნაცრისფერი თმის ჩრდილი ვიზუალურად მატებს ასაკს და ყოველთვის არ ახდენს კარგ გავლენას სახის ფერზე, განსაკუთრებით ცუდ ამინდში.
მაკა ასათიანი
ორი კვირის წინ ჯაბა დიასამიძის ჩვენებაზე ნამდვილი ფურორი მოახდინა შვეიცარიიდან დაბრუნებულმა მაკა ასათიანმა, რომელიც საღამოზე სრულიად ჭაღარა მივიდა.
