ყოფილ მოდელს, უმშვენიერეს ლიკა კვარაცხელიას, სამი შვილი: დათუნა, ელენე და ანა შელიები ჰყავს. ანა უკვე დაოჯახებულია მორაგბე ლაშა ლომიძეზე და მათ ორი შვილი შეეძინათ. ანა მშობლებისგან შორს ცხოვრობს, თუმცა ლიკა ბებიის ამპლუით მაინც ტკბება და, როგორც თავად ამბობს, შვილიშვილები აძლევენ მოტივაციას, მუდმივად ფორმაში იყოს.
ამჯერად ლიკა ანას დაბადების დღეს ულოცავს და "ინსტაგრამზე" ფოტოებს აქვეყნებს:
„დედაჩემი ძალიან მანებივრებდა. როგორც კი დამჭირდებოდა, ვურეკავდი და მაშინვე მოდიოდა, მაგრამ მე ამ ყველაფრისთვის დრო საერთოდ არ მაქვს და ჩემი შვილი არც მაწუხებს. იმდენად მაწუხებს სინდისი, რომ მეც იმავეს არ ვაკეთებ, ვამბობ, რა ბებია ვარ-მეთქი. ჩემი ბებიისგან ვისწავლე თმის დაწვნა, მეც ახლა იმავეს ვაკეთებ. ბებია მივლიდა, მაჭმევდა და მეგრულს მასწავლიდა, სულ მეგრულად მელაპარაკებოდა.
ვაფრენ მასზე, თან შენია და თან შენი არაა. ბებიობამ უფრო ახალგაზრდობისკენ წამიყვანა, უფრო მომანდომა, ვიყო ფორმაში, მეტი ვივარჯიშო“, – ამბობს ლიკა კვარაცხელია.
"როგორ გავიცანი ჩემი მეუღლე? - მკითხეს ერთ-ერთ ინტერვიუში. აქ მოვყვები: იყო ასეთი მაღაზია "ჩირაღდანი“, სადაც ოპტიკური სათვალეები იყიდებოდა. ერთ დღეს დედასთან ერთად შევისეირნე სათვალის შესაძენად. ამ დროს, იქვე 27 წლის სპორტსმენიც დასეირნობდა, რომელმაც შემამჩნია და შორიდან მოვეწონე. თბილისში იშვიათად იყო, სანაკრებო პერიოდში ჩამოდიოდა ხოლმე. გაზეთების კითხვა უყვარდა, ახლაც უყვარს. მოკლედ, მეორე დილას გაზეთი "მერიდიანი“ რომ შეიძინა, გადაშალა, ჩემი დიდი ინტერვიუ შეხვდა (1995 წელი იყო ალბათ), სადაც დეტალურად ეწერა, ვინ ვარ, რამდენი წლის ვარ, მგონი, მისამართიც კი ეწერა. ცხადია, ძალიან მარტივად მიპოვა და გამეცნო.1997 წელს კი დავქორწინდით" - იხსენებდა ლიკა.
მეუღლის გაცნობაზე ერთ-ერთ ინტერვიუში მურთაზ შელიაც საუბრობდა:
"ალბათ, ჩემს "სპრინტერულ ქორწილზე“ განაცხადი რომ შემეტანა, "გინესის რეკორდებშიც“ მოვხვდებოდი... ჩემი მეუღლე ლიკა კვარაცხელია სამოდელო სააგენტო "ნატალის“ გამორჩეული სახე იყო. შეგვიყვარდა ერთმანეთი, მაგრამ მაშინ ინტერნეტი არ იყო და მხოლოდ ტელეფონით ვურთიერთობდით. მაშინ "მანჩესტერ სიტიში“ ვთამაშობდი. მწვრთნელს ვთხოვე, ვიცი 2 დღეში ბირმინგემში თამაში გვაქვს, მაგრამ სხვაგვარად არ გამოვა, ცოლის მოყვანა მინდა და საამისოდ 10 საათს თუ მომცემთ-მეთქი. მწვრთნელი გაოცდა, მაგრამ დამთანხმდა. ლონდონი–თბილისის ავიარეისით ჩამოვფრინდი, გამთენიის 6 საათზე, 7-ის ნახევარზე ხელი მოვაწერეთ, 7 საათზე ქორწილი დაიწყო და 12 საათზე მე და ლიკა უკან, თბილისიდან ლონდონში გავფრინდით. მწვრთნელმა ეს რომ გაიგო, გაოცდა, გაზეთებმა დაწერეს, შელიამ 5 000 კმ იფრინა და მანჩესტერში 10 საათში ახალმოყვანილი ცოლით დაგვიბრუნდაო..."