დიახ, ოცნებები ნამდვილად ხდება, მთავარია, არასდროს შეწყვიტოთ ოცნება. ცხოვრება მშვენიერია“ - რა ფოტოს აქვეყნებს ნინი შერმადინი - Marao

მომღერალი ნინი შერმადინი, რომელიც პარიზში მოგზაურობს, სოციალურ ქსელში წერს, რომ ოცნებები ხდება. როგორც მომღერალი აღნიშნავს, მან თავისი ოცნება 20 წლის შემდეგ, პარიზში აიხდინა.

„პირველად, როდესაც "მულენ რუჟს" ვუყურე, ალბათ ვიქნებოდი 15 წლის. იმ დროიდან ვოცნებობდი, ნამდვილი "მულენ რუჟი" მენახა და 20 წლის მერე ამიხდა. დიახ, ოცნებები ნამდვილად ხდება, მთავარია, არასდროს შეწყვიტოთ ოცნება. ცხოვრება მშვენიერია“, – წერს ნინი შერმადინი "ფეისბუქში".

• ნინი შერმადინის ამბავი "კანის" წითელი ხალიჩიდან: "18 მაისს ჩემი ოცნება ახდა... არ მახსოვს, როგორ გავიარე, მაგრამ ერთი წამით მეც ვიგრძენი თავი ნამდვილ ვარსკვლავად" 
• ცნობილი ქართველი დედა-შვილები, რომლებიც დებივით გამოიყურებიან 

ნინი შერმადინი

მომღერალი ნინი შერმადინი საზოგადოებისთვის ცნობილი წლების წინ გახდა, როცა ის მონაწილეობას არაერთ პოპულარულ მუსიკალურ შოუში იღებდა. მას შემდეგ ნინის კარიერა თუ პირადი ცხოვრება მუდმივად ინტერესის საგანს წარმოადგენს.

განსაკუთრებული პოპულარობა ნინიმ 2003 წელს მოიპოვა, როცა მონაწილეობა მიიღო პროექტში "ნუცას სკოლა".  იურმალაში „ახალ ტალღაში“ მონაწილეობის შემდეგ პირველი ქართველი გახდა, რომელმაც ამ კონკურსში მიიღო მონაწილეობა.  იგი ბერძნულ X Factor-შიც მონაწილეობდა, სადაც მე-2 ადგილი დაიკავა და საბერძნეთში საკმაოდ პოპულარული გახდა.

ნინი შერმადინის ქმარი 

ნინის ყოფილი მეუღლე ვაჟა ციცაგი იყო. როცა წყვილი დაშორდა, ქალაქში ხმა გავრცელდა, რომ ვაჟა ქალების მოყვარული გამოდგა და ნინის ფიზიკური შეურაცხყოფა მიაყენა. მომღერალი ამ ჭორს სასტიკად უარყოფდა:

"ეს ჭორი დიდი შეურაცხყოფაა, პირველ რიგში, ვაჟასი და მერე ჩემი. გამოდის, რომ სულელი ვარ, რომ ასეთ ვამპირს და ფსიქოპათს გავყევი ცოლად. ეს ბევრჯერ დაიწერა და მეც სულ ვიმეორებ, ხალხო, მსგავსი სისულელე აღარ თქვათ-მეთქი. ხომ შეიძლება, ორმა ადამიანმა ერთმანეთს ვერ გაუგოს? ადამიანები არ შეიძლება, სკანდალის გარეშე დაშორდნენ? მეც და ვაჟაც ძალიან ჯიუტები ვართ. ორივეს ჩვენი პრინციპები გვაქვს. მე ჩემს პრინციპებს ვერაფრით გადავაბიჯე. სულით ხელოვანი ვარ და ბავშვობიდან ვოცნებობ, ჰოლივუდის მსახიობი ან მომღერალი ვიყო და "გრემიზე" საუკეთესო მომღერლად დამასახელონ. ჩემი შრომისმოყვარეობისა და ნერვების წყვეტის ფასად მალე დიდ წარმატებებს მივაღწევ. ვაჟა კარგი ადამიანია, მაგრამ წარმატებას მარტო უფრო მივაღწევ, ვიდრე ვაჟასთან ერთად.

ყოველთვის გვერდში მედგა, "იქს ფაქტორიდან" დაწყებული. მაგრამ ქართველ კაცს ცოლი სახლში უნდა. რთულია, ცოლი ერთი თვე წავიდეს და კაცი სახლში დარჩეს. მე არ ვცხოვრობ ჩვეულებრივი, რიგითი ქალის ცხოვრებით. ხელოვანის ცხოვრება მაქვს. როგორ ფიქრობ, დედაჩემისა და მამაჩემისთვის ადვილი ასატანია, შვილი ღამის თორმეტ საათზე რომ გადის სახლიდან და ოთხზე შემოდის? მაგრამ იმდენად მენდობიან, რომ ეს სალაპარაკო თემა არ ხდება. ჩემი მიზანი ისაა, რომ ოცნება ავისრულო და ჩემი შვილი უზრუნველყოფილი იყოს. ჩემსა და ვაჟას შორის ბოლო დროს ურთიერთობა დათბა, შვილს ნახულობს. ვაჟამ გაიგო, რომ მე ჩემი კარიერა მაქვს გასაკეთებელი, მიხვდა, რომ ცუდს არაფერს ვაკეთებ და მისი შვილის დედა არაფერს შეურაცხმყოფელს არ აკეთებს" - ამბობდა ნინი "რეიტინგთან" ინტერვიუში.