თიკა ჯამბურია შვილთან ერთად ყოფილი ქმრის, ბექა ხოფერიას ქორწილში იმყოფება. მომღერალს საოცარი წითელი კაბა აცვია და შესანიშნავ ფორმაშია. აღსანიშნავია, რომ ქორწილი, იტალიაში, კუნძულ სიცილიაზე გაიმართა.
შეგახსენებთ, რომ ბექა ხოფერიას რჩეული სოფო ქურდიანია. წყვილს ერთი ვაჟი ჰყავს.
ბექა ხოფერია
დღეს უკვე ბიზნესმენი ბექა ხოფერია წლების წინ, საზოგადოებამ ჯერ როგორც პოლიტიკოს ხათუნას ხოფერიას ვაჟი, მოგვიანებით კი, როგორც მომღერალ თიკა ჯამბურიას მეუღლე, ისე გაიცნო. თიკა და ბექა ჯერ კიდევ საერთო შვილის, ნინას დაბადებამდე დაშორდნენ ერთმანეთს. ეს ამბავი წლების განმავლობაში ყვითელი პრესისა და გადაცემების საყვარელი თემა იყო...
რამდენიმე წელში ბექა ხოფერია მეორედ დაქორწინდა და მისი რჩეული ინა ოსიპოვა გახდა. ერთმანეთი მოსკოვში გაიცნეს, მაშინ ბექა ამბობდა, რომ იპოვა ის ადამიანი, ვისაც ეძებდა. ინას და ბექას ორი გოგონა შეეძინათ, თუმცა მედიაში ორი წლის წინ გაჩნდა ინფორმაცია, რომ ერთმანეთს ისინიც დაშორდნენ.
ბექა ხოფერია დღეს უკვე ცნობილი ბიზნესმენია. 2019 წელს სამშენებლო კომპანია "აპარტ დეველოპმენტი“ დააფუძნა. რაც შეეხება სოფო ქურდიანს, ის კომპანია Showroom Georgia-ს დამფუძნებელი და გენერალური დირექტორია...
ახალგაზრდა ბიზნესმენი Forbes Georgia-ს ოქტომბრის თვის ნომრის ყდაზეც მოხვდა, გამოცემისთვის მიცემულ ინტერვიუში კი ამბობს, რომ მისი კომპანიის ფინანსური მაჩვენებლები მესამე კატეგორიას გასცდა და იმედოვნებს, რომ მომავალ წელს, უკვე მეორე კატეგორიაში გადაინაცვლებს.