"შეუდარებელი წყვილი" - გიორგი მამარდაშვილი და ელენე ეპიტაშვილი ზაფხულს ერთად ატარებენ - Marao

სოციალურ ქსელში ბოლო დღეებია, ვირუსულად ვრცელდება ქართველი ფეხბურთელების ფოტოები, ვიდეოები თუ ამბები მათი ცხოვრების შესახებ. გამონაკლისი არც გიორგი მამარდაშვილი და მისი მეუღლე ელენე ეპიტაშვილი არიან.

ელენე ეპიტაშვილი ფართო საზოგადოებამ მას შემდეგ გაიცნო, რაც გიორგი მამარდაშვილმა მას ერთი წლის წინ ხელი სთხოვა. ხელის თხოვნის ცერემონია მოკრძალებული და სადა იყო, თუმცა წყვილმა მაინც შეძლო საზოგადოების ალაპარაკება. 

• "პატარა გოგონას მოლოდინში" - ელენე ეპიტაშვილი ახალ კადრებს გვიზიარებს 
• VIDEO: გიორგი მამარდაშვილი მალე მამა გახდება - სქესის გაგების ცერემონია და მომავალი მშობლების ემოციები 

ელენე ეპიტაშვილი თავის პროფესიაში საჯაროდ გამოჩენამდეც წარმატებული იყო. ის მოდელია, უფრო ხშირად მონაწილეობას ფოტო და ვიდეოგადაღებებში იღებს და მასთან არაერთი ცნობილი ბრენდიც თანამშრომლობს, მაგალითად, DISSH, MICAS, PEPPERMAYO, COMMENSE, L E X I, LÉ SALTY LABEL, OPTIMIST, More Beauty • მეტი სილამაზე, MARKS AND SPENCER, GEPHERINI და სხვ. 

ელენე პიტაშვილი წლების მანძილზე თანამშრომლობდა სამოდელო სააგენტო IC Model Management-თან და მათ გვერდზე მშვენიერი მოდელის არაერთ კადრსაც შეხვდებით. 

განსაკუთრებული იყო ელენეს გამოჩენა ქართველი მუსიკოსის, ნოდიკო ტატიშვილის კლიპში "სიყვარულის გემი". 

ელენე ეპიტაშვილს რომ გიორგი მამარდაშვილის წარმატებაშიც მიუძღვის წვლილი, ამაზე ფეხბურთელმაც არაერთხელ ისაუბრა: "შეყვარებული ვარ... ელენე არის ჩემი აღმოჩენა. რთულ პერიოდში სულ გვერდში მიდგას და სულ მამხნევებს. 

სიყვარული ძალიან დიდი ძალაა. ზოგი ადამიანი სწორედ ამისთვის ცოცხლობს, რომ ვინმე უყვარდეს. ქორწილი ჯერ არ დაგვიგეგმავს. სავარაუდოდ, თბილისში იქნება. ჯერ ზუსტი თარიღი არჩეული არ გვაქვს.

მეუღლე სამი წლის წინ ინტერნეტში გავიცანი. ვალენსიაში ვიყავი და სამი თვის მერე შევხვდით ერთმანეთს. ურთიერთგაგება ძალიან მნიშვნელოვანია. როდესაც დასვენება მჭირდება, ელენე მიგებს და სახლში ვრჩებით. ხანდახან გავდივართ კიდეც", - ამბობდა გიორგი. 

სულ ცოტა ხნის წინ ელენე ეპიტაშვილს მეგობრებმა წინასაქორწინო წვეულება მოუწყვეს. წყვილს ჯერ არ გაუმხელია, როდის იქნება ქორწილი, თუმცა არაერთ ინტერვიუში აღნიშნეს, რომ ცერემონია საქართველოში გაიმართება. 

ამჯერად ელენე და გიორგი ერთად ისვენებენ და ფოტოებს სოციალურ ქსელში გვიზიარებენ: