ლიანა ჯოჯუა ქართველი შერეული საბრძოლო ხელოვნების (MMA) მებრძოლია, რომელიც იბრძოდა აბსოლუტურ საბრძოლო ჩემპიონატში (UFC). ჯოჯუას ინსტაგრამზე 613 ათასი გამომწერი ჰყავს. ლიანამ UFC-ში 4 ბრძოლა ჩაატარა და მხოლოდ 1 მოიგო.
ჯოჯუა პროფესიით მასწავლებელია. დამთავრებული აქვს მოსკოვის სახელმწიფო პედაგოგიური უნივერსიტეტი. მას აქვს მუსიკალური განათლება ვოკალისა და ფორტეპიანოს განხრით.
ლიანას ინტერესი MMA-ს მიმართ მას შემდეგ გაუჩნდა, რაც 16 წლის ასაკში ჯინა კარანოს ბრძოლებს უყურებდა. დაიწყო ვარჯიში მუაი ტაიში, MMA-ში მისი დებიუტი კი 2015 წლის სექტემბერში შედგა, რასაც გამარჯვებებისა და წარმატების სერია მოჰყვა.
ბოლო 4 მარცხის შემდეგ, ლიანა UFC-მ გაათავისფლა, თავად სპორტსმენი კი 2022 წელს კარიერს დასრულებაზე საუბრობდა:
"ასეთი ბრძოლების საჭიროება აღარ არის. ამას ვაკეთებდი იმისთვის, რომ მიყვარდა, მართლა მომწონდა. გავიზარდე გოგო, რომელიც სპორტში აქტიურად იყო ჩართული, დაახლოებით, 10 წლის მანძილზე. ახლა ეს სპორტი ასე აღარ მიყვარს. რაც უნდა ცუდად ჟღერდეს, ჩვენ ვიზრდებით და სიყვარული პროფესიაში უნდა გადაგვივიდეს. სხვა იდეები მაქვს ისეთი, რითაც ახალ პროფესიას დავეუფლები. ჩემი ცხოვრება ბრძოლებით არ მთავრდება" - ამბობდა ლიანა.
"ქართველი მგელი" - ასე მოიხსენიებდნენ ლიანა ჯოჯუას, თავად სპორსტმენს კი ეს სახელი ძალიან მოსწონდა. ეცმოიური იყო მისი ყოველი გამოჩენა რინგზე, როცა პირჯვარს იწერდა, ბრძოლის დასრულების შემდეგ კი "საქართველოს გაუმარჯოსო" - ამბობდა.
"20 წლის მანძილზე სულ ორჯერ ვიყავით საქართველოში, მაგრამ ქართული მაინც ვიცი. ანბანი დედამ მასწავლა. მამას დამსახურებაა უფრო მეტად, რადგან გვთხოვდა, სახლში ყოველთვის ქართულად გველაპარაკა. მამაჩემი მეგრელია, მარტვილის რაიონი დან, დედა კი ღამბაშიძეა გვარად, სურამიდან...
ყოველთვის სიმართლის მხარეს ვიყავი და თუ ვინმეს აწყენინებდნენ, ვეხმარებოდი. ამხანაგს დედამისზე რაღაც არასასიამოვნო უთხრეს, მე გამოვესარჩლე და კამათის დროს საჭიდაო ილეთის გამოყენებით ძირს დავაგდე. იმათ საჩივარი დაწერეს... თავიდან ჩემი გადაწყვეტილების გამო მშობლები გაგიჟებულები იყვნენ, უარს მეუბნებოდნენ, ახლა კი მგულშემატკივრობენ და ამაყობენ კიდეც..." - ამბობდა ლიანა.
"ხუმრობით ყველა ბიჭი მეუბნება, გვეშინიაო, მაგრამ არ შემიმჩნევია რომ ამის გამო ერიდებოდნენ ჩემთან ურთიერთობას. ბევრი მწერს, შენნაირ ცოლს არ მოვიყვან, რა კარგია, რომ არ გიცნობ, თორემ ათჯერ გამლახავდიო და ა.შ. ბევრს გაცნობა უნდა. ამას ყველაფერს ხუმრობით მწერენ, თორემ კაცი მაინც ძლიერია, როგორ ვაჯობებ? თუმცა, ერთხელ კი ვცემე ვიღაც რუსეთში..." - ამბობდა ლიანა.
ლიანა ჯოჯუას პირად ცხოვრებაში არაერთი სკანდალიც ყოფილა. როცა მან UFC-სთან თანამშრომლობა შეწყვიტა, სოციალურ ქსელში “სხეულის გაყიდვისკენ” მოუწოდებდნენ.
“არ მესმის, როგორ შეგიძლია შეურაცხყოფა მიაყენო იმ ადამიანს, რომელსაც არ იცნობ. განსაკუთრებით მაშინ, როცა გარეგნობის მიხედვით გაფასებენ. ცხვირზე შემომხედავდნენ და დამცინავად მეტყოდნენ, რომ გატეხილი მქონდა...
“მომიწოდებდნენ, ინტიმური ფოტოები გამეყიდა. როცა კონტრაქტი შეწყდა, ყველამ იფიქრა, რომ მოწერა შეეძლო და მე სხვა არაფრის კეთება არ შემიძლია სხეულის გაყიდვის გარდა. მსგავს რამეს კაც სპორტსმენს არასდროს მიწერენ”, – განაცხადა ჯოჯუამ.