რა პროფესიის არიან ქართველი ფეხბურთელების ცოლები - Marao

უკვე რამდენიმე თვეა, ჩვენს ქვეყანაში მთავარი სასაუბრო თემა ფეხბურთი და ფეხბურთელებია. ახლა ყველას აინტერესებს არა მხოლოდ მათი კარიერული წარმატებები, არამედ მათი ცხოვრება მოედანს მიღმაც. ჩვენ არაერთი მათგანის შესახებ მოგიყევით და გაგაცანით ჩვენი ქვეყნის საამაყო სპორტსმენები უფრო ახლოს. ამ სტატიაში კი წაიკითხავთ, რა პროფესიის არიან ქართველი ფეხბურთელების მეუღლეები და რას საქმიანობენ ისინი: 

• ცხოვრება პოლონეთში, პატარა ოჯახი და დიდი წარმატება - გაიცანით ეროვნული ნაკრების ვარსკვლავი, 28 წლის ოთო კაკაბაძე 
• "მა­შინ ორი­ვე 22 წლის იყ­ო... მათ ერთი ქალიშვილი ჰყავთ" - გურამ კაშიას სამართალმცოდნე მეუღლე და მათი სიყვარულის ისტორია 

ნიცა თავაძე - ხვიჩა კვარაცხელიას მეუღლე

წარმატებული ქართველი ფეხბურთელი ხვიჩა კვარაცხელია საზოგადოების ყურადღების ცენტრში ხშირად ექცევა, ამის მიზეზი კი, მისი სპორტული წარმატების გარდა, პირადი ცხოვრებაცაა. ფეხბურთელის რჩეული უმშვენიერესი ნიცა თავაძეა, რომელიც მომავალი ექიმია და ხვიჩას ერთ-ერთი ყველაზე გულმხურვალე გულშემატკივარი.

ნიცამ დავით ტვილდიანის სახელობის სამედიცინო უნივერსიტეტში 2022 წელს ჩააბარა. 

ელენე ეპიტაშვილი - გიორგი მამარდაშვილის მეუღლე

ელენე ეპიტაშვილი თავის პროფესიაში საჯაროდ გამოჩენამდეც წარმატებული იყო. ის მოდელია, უფრო ხშირად მონაწილეობას ფოტო და ვიდეოგადაღებებში იღებს და მასთან არაერთი ცნობილი ბრენდიც თანამშრომლობს, მაგალითად, DISSH, MICAS, PEPPERMAYO, COMMENSE, L E X I, LÉ SALTY LABEL, OPTIMIST, More Beauty • მეტი სილამაზე, MARKS AND SPENCER, GEPHERINI და სხვ.

ლინდა კიკოლაშვილი - გიორგი გველესიანის მეუღლე

გიორგი გველესიანის მეუღლე ლინდა კიკოლაშვილია, რომელთანაც ფეხბურთელს ერთი შვილი ჰყავს. გიორგის ორი შვილი ჰყავს პირველი ქორწინებიდან. ლინდა კიკოლაშვილი, მსგავსად მეუღლისა, საკუთარ საქმიანობაში წარმატებულია. ის პროფესიით სამართალმცოდნეა, მაგისტრის ხარისხი კი ბიზნესის მენეჯმენტში აქვს. ლინდა ჰოლივუდის კინოაკადემიის საქართველოს ფილიალის პრეზიდენტია. დაკავებული ცხოვრების მიუხედავად კი, ახერხებს მეუღლის ყველაზე დიდი გულშემატკივარი იყოს.  

თამთა გიგაშვილი - გურამ კაშიას მეუღლე 

თამ­თა პრო­ფე­სი­ით სა­მარ­თალმცოდ­ნეა, თუმ­ცა და­ო­ჯა­ხე­ბის შემ­დეგ ყო­ველ­თვის მე­უღ­ლეს ახ­ლავს იმ ქვე­ყა­ნა­ში, სა­დაც ის თა­მა­შობს. მისი ცხოვ­რე­ბა ფეხ­ბურ­თე­ლე­ბის ცო­ლე­ბი­სას ჰგავს - ხში­რი მოგ­ზა­უ­რო­ბა, ყუ­რა­დღე­ბა მე­დი­ის­გან და უარი სა­კუ­თარ კა­რი­ე­რა­ზე. თამთას და გურამს ერთი შვილი ჰყავთ, რომლის აღზრდაშიც ორივე აქტიურადაა ჩართული. 

მარიამ ჩავლეიშვილი - ოთო კაკაბაძის მეუღლე

მარიამ ჩავლეიშვილი საფეხბურთო კლუბ „კრაკოვიასა“ და საქართველოს ეროვნული საფეხბურთო ნაკრების მარჯვენა მცველის, ოთო კაკაბაძის მეუღლეა. მარიამი პროფესიით სამართალმცოდნეა. ის განსაკუთრებით აქტიურია სოციალურ ქსელში - "ინსტაგრამსა" და "ტიკ-ტოკზე" და ვიდეოებს აუდიტორიას ხშირად უზიარებს. 

ლიკა მუზაშვილი - თორნიკე ოქრიაშვილის მეუღლე 

"ჩემი მეგობრის დაბადების დღეზე შევხვდით ერთმანეთს და ძალიან მომეწონა. ლიკა მოცეკვავე იყო. ლიკა ჩემს თამაშებზე დადიოდა, მე – ლიკას კონცერტებზე" , - იხსენებდა წლების წინ თორნიკე ოქრიაშვილი მეუღლის, უმშვენიერესი ლიკა მუზაშვილის შესახებ. დაოჯახების შემდეგ ლიკამ მოცეკვავის კარიერა აღარ გააგრძელა. წყვილს სამი შვილი ჰყავს და ლიკა მთლიანად მათი აღზრდითაა დაკავებული. 

გვანცა ნიშნიანიძე - ვაკო ყაზაიშვილის მეუღლე 

გვანცა ნიშნიანიძეს სოციალურ ქსელში ბევრი იცნობს. ის განსაკუთრებით აქტიურია "ინსტაგრამზე" და უამრავი გამომწერი ჰყავს. "ბავ­შვო­ბი­დან მსა­ხი­ო­ბო­ბა­ზე ვოც­ნე­ბობ­დი. ძა­ლი­ან მინ­დო­და, წარ­მა­ტე­ბუ­ლი და ცნო­ბი­ლი მსა­ხი­ო­ბი გავმხდა­რი­ყა­ვი, მაგ­რამ ნა­ად­რე­ვად და­ო­ჯა­ხე­ბის გამო ეს ოც­ნე­ბა ვერ ავიხ­დი­ნე. სა­მო­მავ­ლოდ დიდი გეგ­მე­ბი მაქვს. იმე­დია, მათ გან­ხორ­ცი­ე­ლე­ბას შევ­ძლებ", - ამბობდა გვანცა ნიშნიანიძე.

სალი კერატიშვილი - საბა ლობჟანიძის მეუღლე 

სალი კერატიშვილს ბევრი თქვენგანი პოპულარული სერიალიდან, "ჩემი ცოლის დაქალებიდან" იცნობს. სახასიათო როლმა სალის ცნობადობა მალევე მოუტანა, თუმცა ის პროფესიით მსახიობი არ არის.