"ჩემი გოგოები ჩამოვიდნენ. დარია და ლიზა“ - ნინო სუხიშვილის ახალი ფოტოები ძმისშვილებთან ერთად და სუხიშვილების ოჯახური ამბები - Marao
"ჩემი გოგოები ჩამოვიდნენ. დარია და ლიზა“ - ნინო სუხიშვილის ახალი ფოტოები ძმისშვილებთან ერთად და სუხიშვილების ოჯახური ამბები
ილიკო სუხიშვილს, ცნობილი და წარმატებული ოჯახის ღირსეულ წარმომადგენელს, საზოგადოება კარგად იცნობს, თუმცა ბევრმა არ იცის, რომ უმცროს ილიკო სუხიშვილს ტრაგიკული სასიყვარულო ისტორია აქვს.
ქორეოგრაფი დაოჯახებული იყო უმშვენიერეს მოცეკვავეზე, გვანცა შერგელაშვილზე. 2001 წელს მომხდარი ამბავი კი მათთვის საბედისწერო აღმოჩნდა.
ილიკო სუხიშვილის ისტორია
ზუსტად 21 წლის წინ, 9 აგვისტოს, გვიან ღამით, ვენესუელაში, ლარას შტატის ქალაქ ბარკუისიმეტოში, გასტროლებზე ჩასული საქართველოს ნაციონალური ბალეტის მოცეკვავე, 21 წლის გვანცა მოკლეს.
გვანცა, ილიკო და მათი ორი მეგობარი კონცერტიდან სასტუმროში დაბრუნდნენ, მაგრამ აღმოაჩინეს, რომ სიგარეტი გაუთავდათ, რის გამოც სასტუმროს ვესტბიულში ჩასვლა გადაწყვიტეს, მაგრამ დაკეტილი დახვდათ. სამაგიეროდ, უთხრეს, რომ იქვე, სულ რაღაც 300 მეტრში, კაფე იყო, სადაც მათ ყველაფრის შეძენა შეეძლოთ.
სწორედ ამ დროს, როდესაც ნახევარი გზა გავლილი ჰქონდათ, თავს დაესხნენ მძარცველები. ისინი სამნი იყვნენ. ერთ-ერთმა იარაღი ამოიღო და ოთხივეს მიუშვირა. მათ ჯიბეები ამოიტრიალეს და აჩვენეს, რომ არავითარი ფული არ ჰქონდათ, მხოლოდ ერთ მეგობარს წაართვეს უბრალო სანთებელა. მძარცველები მათთვის უცხო ენაზე საუბრობდნენ, რის გამოც არაფერი ესმოდათ.
ერთმა ბოროტმოქმედმა გვანცას ხელი სტაცა. ილიკომ მას ხელი მოხვია და უკნიდან გადაეფარა. ხოლო წინიდან გვანცას ერთ-ერთი მეგობარი ფარავდა. მძარცველებმა სამჯერ გაისროლეს. მიუხედავად იმისა, რომ გვანცა დაფარული იყო, ტყვიამ რაღაც მილიმეტრებში გაიარა და მოხვდა. მეორე მეგობარი, რომელიც მათ ახლდა, ამ დროს ცალკე ჰყავდა გაყვანილი ერთ-ერთ მძარცველს. ამის შემდეგ მძარცველები წავიდნენ, ქართველებმა კი ტაქსი გააჩერეს და უმალვე საავადმყოფოში მიიყვანეს დაჭრილი, თუმცა იგი მიყვანიდან რამდენიმე წუთში გარდაიცვალა.
პოლიცია საავადმყოფოში მაშინვე მივიდა. საქმეს სამი უწყება იძიებდა: სამხედრო უწყება, პოლიცია და კიდევ სახალხო პოლიცია. ამ სამმა უწყებამ პირდაპირი ბრძანება გასცა, რომ მკვლელობაში ეჭვმიტანილის ადგილზე ლიკვიდაცია მოეხდინათ. უცნობია, რა ბედი ეწიათ დამნაშავეებს.
ილიკო სუხიშვილის შვილები
„ჩემი გოგოები ჩამოვიდნენ. დარია და ლიზა“ - წერს ილიკო სუხიშვილის და, ნინო სუხიშვილი სოციალურ ქსელში და ძმისშვილებთან ერტად გადაღებულ ფოტოებს აქვეყნებს.
"მე და ნინო მესამე თაობა ვართ, თაობების ტენდენციებს რომ დავუბრუნდე, მე კარგად მახსოვს ჩემი თავი, რაც ახლოს იყო ჩემთან – ეს [ცეკვა] ძალიან მიყვარდა ყოველთვის, მაგრამ რაც ყოველდღე ცხვირწინ გიდევ, უკვე იმდენად კარგად იცი და შენია, რომ ცდილობ რაღაც სხვა ნახო.
ჩემი საქმის გამგრძელებელი, ვფიქრობ, იქნებიან შვილები, მაგრამ ხშირად არ ვფიქრობ ამაზე. რაც უფრო დრო გადის ბევრი მეკითხება ამას.
შვილებთან მისაუბრია ამ თემაზე, თვითონაც მოსწონთ ძალიან და ყველა ფოტოაპარატით დადის. ყველას უნდა მუსიკის კეთება, ხატვა, „არტში“ არიან. მე მომწონს ეს „არტი“. ამიტომ, მე მგონია რომ ეს მათთვის არის რაღაც ისეთი, რაზედაც დაიწყებენ ფიქრს, ვნახოთ...
მე მახსოვს ისეთი პერიოდი, როცა ვერც წარმოედგინათ ჩემს მშობლებს, ან ბაბუაჩემს და ბებიაჩემს, რომ ამ საქმეს გავაგრძელებდი... ვერც წარმომედგინა, რომ შევძლებდი. მე ეს პასუხისმგებლობა რომ გამეაზრებინა, სადღაც გავიქცეოდი", - ამბობდა ილიკო სუხიშვილი დათო გორგილაძის გადაცემაში საუბრისას.
ილიკო სუხიშვილი ორჯერ იყო დაოჯახებული. პირველად რუსეთში სწავლისას, რუს გოგონაზე, რომელსაც მალე დაშორდა და ამ ქალზე ქართულ მედიაში არაფერია ცნობილი. თუმცა მათი საერთო ქალიშვილი დარია (დაშა) სუხიშვილი თბილისში პოპულარული გოგონაა.
ცნობილია, რომ გოგონა მამიდამ ნინო სუხიშვილმა გაზარდა და სწორედ მას ამსგავსებენ დარიას. ერთ-ერთ ინტერვიუში დაშა ამბობდა:
"მამიდაჩემი. ნინო ჩემთვის როგორც დედა, ისეა. ის მივლის, მან წამიყვანა ამერიკაში, მიმიყვანა სკოლაში. ნინომ მასწავლა ინგლისური, დამეხმარა ყველაფერში. უდიდესი ამაგი აქვს ჩემზე. სანამ ნინო აქ არის ხოლმე, მის ქმართან ერთად ვარ. საკმაოდ დამოუკიდებელი ვარ, მაგრამ ყველაფერში ვერა. მაგალითად, საჭმლის გაკეთებაში დახმარება მჭირდება ხოლმე. ხანდახან თვითონ ვიმზადებ სადილს, მაგალითად, შაბათ-კვირას. ბებიაჩემმა, პატარა რომ ვიყავი, კვერცხის შეწვა მასწავლა. დანარჩენს ყველაფერს მარტო ვაკეთებ – ჩაცმა, მეცადინეობა... ისე, ხანდახან მჭირდება ხოლმე დახმარება, ხან მეზარება რაღაცის გაკეთება და ვინმემ უნდა მითხრას."
დარიამ თბილისის 55-ე სკოლაში ოთხი წელი ისწავლა, შემდეგ კი მამიდამ, ნინო სუხიშვილმა საცხოვრებლად და სასწავლებლად ამერიკაში წაიყვანა.
ილიკო სუხიშვილის მეორე შვილიც, ლიზიც რუსეთში დაიბადა, თუმცა მამამ წლების შემდეგ გაიგო მისი არსებობის შესახებ. ის დარიაზე რამდენიმე თვით უმცროსია. არაფერია ცნობილი გოგონას დედაზე. ლიზი საქართველოში მამასთან ხშირად ჩამოდის.
"ილიკოს ორივე გოგო სახელით მიმართავს. მამას არცერთი არ ეძახის. ეს სტილი ჩვენს ოჯახში ყოველთვის იყო, მე და ილიკოც დედას და მამას ყოველთვის სახელებით მივმართავდით, გოგოები ძალიან ჰგვანან მამას, მაგრამ ლიზა უფრო, შავგრემანია და ილიკოსნაირი აღნაგობა აქვს“, - ამბობდა ნინო სუხიშვილი ერთ-ერთ ინტერვიუში