ჯენიფერ ლოპესმა დაბადების დღე ბენ აფლეკის გარეშე აღნიშნა - რა ხდება ვარსკვლავურ წყვილს შორის? - Marao

24 ივლისს ჯენიფერ ლოპესი 55 წლის იუბილეს აღნიშნავს, მაგრამ ვარსკვლავმა დაბადების დღის აღნიშვნა რამდენიმე დღით ადრე დაიწყო. შაბათს ჰემპტონში ბრიჯერტონის თემაზე წვეულება მოაწყო. როგორც მოსალოდნელი იყო, სტუმრებს შორის ბენ აფლეკი არ იყო.

დღესასწაულისთვის ლოპესმა დაიქირავა მუშები, დაცვა, მიმტანები და სხვა პერსონალი. სასახლის წინ პაპარაცებმა შეამჩნიეს სატვირთო მანქანები ავეჯითა და ყვავილებით, ხოლო შესასვლელთან ეტლები იდგა.

მეორე დღეს, 21 ივლისს, ჯენიფერმა მეგობრებს ბრანზე უმასპინძლა. მან მცირე წრე შეკრიბა იტალიურ რესტორანში Arthur & Sons. იქ იმყოფებოდნენ ვარსკვლავის შვილები მაქსი და ემა, უმცროსი და ლინდა, ასევე პროდიუსერი და მენეჯერი ბენი მედინა. მაგრამ აფლეკი კვლავ არ გამოჩენილა ოჯახურ ღონისძიებაზე.

ჯენიფერ ლოპესი და ბენ აფლეკი

უკვე რამდენიმე თვეა ჯენიფერ ლოპესი და ბენ აფლეკი საზოგადოებაში ერთად არ გამოჩენილან. ჰოლივუდის პრესა წერს, რომ წყვილი განქორწინებას აპირებს. ცოტა ხნის წინ ბენი პაპარაცებმა ყოფილ მეუღლესთან, ჯენიფერ გარნერთან ერთადაც კი დააფიქსირეს.

• "საბოლოოდ, მისი ნამდვილი სახე"- ჯენიფერ ლოპესის ახალი ფოტო კრიტიკის ობიექტია 
• სილამაზე ფულს მოითხოვს: რამდენს ხარჯავენ კარდაშიანი, ჰეთევეი და სხვა ვარსკვლავები თავის მოვლაზე 

აფლეკი და ლოპესი ბოლოს ერთად მათი მილიონ დოლარად შეფასებული სახლის წინ ნახეს. როგორც ცნობილია, წყვილი ქონების გაყიდვას გეგმავს. მათ წარმომადგენლებს განქორწინებასთან დაკავშირებით კომენტარი ჯერჯერობით არ გაუკეთებიათ. ინსაიდერები კი ადასტურებენ, რომ ჯეი ლო უკვე დაიღალა ამ ურთიერთობისთვის ბრძოლით და დაიწყო მომავლის გეგმების შედგენა, რომელშიც ბენის ადგილი არ არის.

ცოტა ხნის წინ 54 წლის ჯენიფერი ახალი ფილმის პრესკონფერენციას ესწრებოდა, რომელიც მეხიკოში შედგა. მომღერალს რეპორტიორმა ჰკითხა: "თქვენი და ბენ აფლეკის განქორწინების შესახებ ჭორები სიმართლეა? რეალურად რა ხდება?"

 ლოპესმა ასეთი კითხვის გამო უკმაყოფილება ვერ დამალა, სახე შეეცვალა, სავარძელში წამოიწია და რეპორტიორს მიმართა: "ეს არ გეკადრებათ".

ლოპესსა და აფლეკს მათი განქორწინების შესახებ მოარულ ხმებზე კვლავ არ სურთ საჯაროდ საუბარი. ბოლო 1 თვის განმავლობაში წყვილი იშვიათად ჩნდება ერთად, თავს არიდებს პრესასთან საუბარს და ამ ყველაფერს ისიც ერთვის, რომ პაპარაცებმა ბენ აფლეკი ქორწინების ბეჭდის გარეშე უკვე არაერთხელ შენიშნეს. ვარსკვლავური წყვილის ურთიერთობის ნგრევის შესახებ ჭორები მაშინ დაიწყო, როცა 2024 წლის 6 მაისს გამართულ Met Gala-ზე ჯეი ლო მარტო გამოცხადდა. მოგვიანებით ის ინფორმაციაც გაჟღერდა, რომ ბენი მისგან განცალკევებით, საკუთარ სახლში გადავიდა საცხოვრებლად. კიდევ ერთი სიახლე, რამაც მედიის ყურამდე მიაღწია, ისაა, რომ ჯენიფერ ლოპესი თავადაც ახალი საცხოვრებლის ძიებაშია.