"პატარა უფლისწული 2 თვის" - როგორია ნინო მუმლაძის ოჯახური ბედნიერება და დედის ამპლუა - Marao

მსახიობი ნინო მუმლაძე და მისი მეუღლე გუგა გოგინაშვილი მცირე ხნის წინ ბიჭის მშობლები გახდნენ. უსაყვარლეს პატარას რონი დაარქვეს. ამჯერად ნინო შვილის კადრებს გვიზიარებს: "დღეს ჩემი პატარა უფლისწული 2 თვის გახდა“, - წერს მსახიობი. 

ნინო მუმლაძე

ნინო მუმლაძეს დამთავრებული აქვს კონსერვატორიასთან არსებული ექსპერიმენტული სამუსიკო ათწლედის ვოკალის ფაკულტეტი. 2004 წელს დაამთავრა თეატრისა და კინოს სახელმწიფო უნივერსიტეტის სამსახიობო ფაკულტეტი. 2004 წელს დაიწყო მუშაობა თეატრალურ სარდაფში. 2006 წლიდან მუშაობდა ალექსანდრე გრიბოედოვის სახელობის რუსულ დრამატულ თეატრში. 2007 წელს დაიწყო მუშაობა ნოდარ დუმბაძის სახელობის მოზარდ მაყურებელთა თეატრში. 2010 წელს დაიწყო მუშაობა თავისუფალ თეატრში.

ნინო მუმალძის ოჯახი

"შე­მიძ­ლია ვთქვა, რომ დღეს ჩემს ცხოვ­რე­ბა­ში, ჩემ გვერ­დით არის ადა­მი­ა­ნი, რო­მე­ლიც ძა­ლი­ან მიყ­ვარს და მა­საც ძა­ლი­ან ვუყ­ვარ­ვარ. და­ნარ­ჩენს ყვე­ლა­ფერს დრო გვიჩ­ვე­ნებს" - ამ­ბობდა ყვე­ლა­სათ­ვის საყ­ვა­რე­ლი მსა­ხი­ო­ბი, მშვე­ნი­ე­რი ნინო მუმ­ლა­ძე, რომელიც მაყურებელმა წლების წინ პოპულარული სერიალებიდან თუ სპექტაკლებიდან გაიცნო.

• "ჩემი ბიჭები" - ნინო მუმლაძე ოჯახურ კადრებს გვიზიარებს 

"თავიდან ჩემი ბიჭის დაბადების სავარაუდო თარიღად 2 ივნისი დაასახელეს, თუმცა მერე მითხრეს, წონით ცოტა დიდია და შესაძლოა, ცოტა ადრე დაიბადოსო. იმ კლინიკაში რომ მივედი, სადაც უნდა ვიმშობიარო, ლიფტის კარი გაიღო, მივიხედ-მოვიხედე და გამიელვა, საიდან მეცნობა ეს გარემო-მეთქი. ბევრი ვიფიქრე და გამახსენდა: „ჩემი ცოლის დაქალებში“ ჩემი მშობიარობის სცენა სწორედ იქ იყო გადაღებული. ვამბობდი, ბედმა მომიყვანა ისევ აქ-მეთქი. ექიმს რომ შევხვდი, მოვუყევი ეს ამბავი და მითხრა: მახსოვს ეგ გადაღება, მეუბნებოდნენ, კადრში შემოდი და დავიმალეო", - იხსენებდა ნინო ცოტა ხნის წინ. 

ნინოს მეუღლე ფერმწერი გუგა გოგინაშვილია. წყვილი ერთად ცხოვრობს, თუმცა ქორწილს ბავშვის გაჩენის შემდეგ გეგმავენ.

• “40 წლის ვხდები და ჩემს ცხოვრებაში ყველაზე მნიშვნელოვანი ეტაპი იწყება" - რას ამბობს ნინო მუმლაძე ოჯახზე, ურთიერთობებსა და თავის პატარა ბიჭუნაზე 

„მე და ჩემს მეუღლეს ურთიერთობა ჯერ დაკანონებული არ გვაქვს და შემოდგომისთვის ვგეგმავთ. როცა ერთად ცხოვრება დავიწყეთ, მაშინ შემომთავაზა ხელის მოწერა, მაგრამ სანამ ამ ყველაფრის ორგანიზებას მოვაბამდით თავს, მუცელიც გამეზრდებოდა და წონაშიც მოვიმატებდი, ამიტომ უარი ვთქვი. გადავწყვიტე, რომ დავიკლებ და გავლამაზდები, მერე გადავიხდი ქორწილს-მეთქი. ორსულობის პერიოდში 17 კილო მოვიმატე. კი მეუბნებიან, კარგად გამოიყურები, ლამაზი ხარო, მაგრამ მინდა, რომ ქორწილში ბევრად გამხდარი ვიყო. ასეთი რამ ცხოვრებაში ერთხელ ხდება და მინდა, ისეთი ლამაზი ვიყო, მთელი ცხოვრება დამამახსოვრდეს", - ამბობს მსახიობი. იხილეთ ასევე